لیلی بعلبکی

لیلی بعلبکی
(عربی میں: ليلى بعلبكي)
معلومات شخصیت
پیدائش	سنہ 1934ء   بیروت
وفات	21 اکتوبر 2023ء (88–89 سال)  لندن
شہریت	لبنان
عملی زندگی
مادر علمی	سینٹ جوزف یونیورسٹی
پیشہ	ناول نگار ،  صحافی ،  حقوق نسوان کی کارکن
مادری زبان	عربی
پیشہ ورانہ زبان	عربی ،  انگریزی
باب ادب

لیلی بعلبکی (پیدائش: 1936ء ) لبنان کی ممتاز ناول نگار اور صحافی ہیں جن کا ناول انا احیاء (میں زندہ ہوں) بہت مشہور و معروف ہے۔

حالات زندگی

لیلی بعلبکی کی ولادت 1936ء کو بیروت، لبنان کے ایک تجارت پیشہ شیعہ گھرانے میں ہوئی۔ ابھی کم سن ہی تھیں کہ عام رسم و رواج کے مطابق والدین نے کسی نادیدہ مہربان کے ساتھ شادی طے کردی، لیکن رسم و رواج کے عین خلاف لیلی نے صریح طور پر انتخاب کو رد کر دیا۔ لیلی نے بیروت کی جیسٹ یونیورسٹی میں تعلیم پائی، گو عارضی طور پرانہیں سلسلۂ تعلیم منقطع کرنا پڑا اور اس دوران لبنانی پارلیمنٹ میں سیکریٹری کی حیثیت سے ملازمت اختیار کرنی پڑی۔ لیلیٰ بعلبکی نے یورپ میں ایک سالہ وظیفہ ملنے کی وجہ سے پارلیمنٹ کی نوکری چھوڑ دی، جس کے تجربات بعد میں ان کی تحریروں میں آزادیٔ اظہار کی صورت میں جا بجا ملتے ہیں۔ 1960ء میں چند ماہ کے لیے لیلی کا پیرس میں قیام رہا، آخرالامر انھوں نے اپنی پسند سے لبنان کے ایک مسیحی شخص کے ساتھ شادی کرلی۔

ادبی خدمات

لیلی نے ادبی زندگی کا آغاز مقامی اخبار اور رسالے بطور صحافی سے شروع کیا۔ لیلی کی تصانیف میں دو ناول ہیں جن میں پہلا "انا احیاء" (میں زندہ ہوں) کافی مشہور ہوا۔ یہ انھوں نے کم عمری میں لکھا تھا لیکن اشاعت کے مراحل سے 1958ء میں گذرا۔ اس کا فرانسیسی ترجمہ 1960ء میں پیرس سے شائع ہو چکا ہے۔ ایک افسانوی انتخاب بھی ہے جس کا عنوان سفینہ الحنان الی القمر ہے۔ یہ 1962ء میں شائع ہوا۔ لیلی بعلبکی کی تحریر بالعموم اس ٹکراؤ اور الجھن کو پیش کرتی ہے جس کا کسی ایسے معاشرے میں رونما ہونا ناگزیر ہے جو روایت شکنی سے ہوتا ہوا جدید زندگی میں اپنی کایا پلٹ کے دردزہ میں مبتلا ہو۔ چنانچہ لیلی بعلبکی کی تحریریں آزادی نسواں، مغربیت، فرد کی آزادی اور روایت پرست معاشرے کے خلاف احتجاج جیسے معاصر مسائل پر ارتکاز کرتی ہیں۔

تصانیف

ناول

• 1958ء - انا احیاء (میں زندہ ہوں)
• 1960ء - الالھا الممسوخۃ

افسانہ

• 1963ء - سفینہ الحنان الی القمر