لیو چہاردہم

تقدس مآب
لیو چہاردہم
(لاطینی میں: Leo PP. XIV)
مناصب
نائب صدر
برسر عہدہ 8 مارچ 2018  – 30 جنوری 2023
معلومات شخصیت
پیدائشی نام	(انگریزی میں: Robert Francis Prevost)
پیدائش	14 ستمبر 1955ء (71 سال)  شکاگو
رہائش	پیرو (2014–2023) ویٹیکن سٹی (8 مئی 2025–)
شہریت	ریاستہائے متحدہ امریکا پیرو (اگست 2015–) ویٹیکن سٹی (2023–)
مذہب	کاتھولکیت
عملی زندگی
مادر علمی	ولانووا یونیورسٹی (–1977)
تخصص تعلیم	ریاضی
تعلیمی اسناد	بی ایس سی
پیشہ	کاتھولک پادری ،  کاتھولک اسقف ،  صدر اسقف ،  ریاضی دان
مادری زبان	انگریزی
پیشہ ورانہ زبان	انگریزی ،  ہسپانوی ،  فرانسیسی ،  اطالوی ،  پرتگالی ،  جرمن ،  لاطینی زبان ،  کیچوائی زبانیں
شعبۂ عمل	مسیحیت
ملازمت	رومن کیتھولک
اعزازات
ٹائم 100 (2026) آرڈر آف دی باتھ (2025) مالٹا خود مختار فوجی مجاز آرڈر آف پوئیس نہم
دستخط
ویب سائٹ
ویب سائٹ	باضابطہ ویب سائٹ،  باضابطہ ویب سائٹ،  باضابطہ ویب سائٹ،  باضابطہ ویب سائٹ،  باضابطہ ویب سائٹ
	IMDB پر صفحات

پوپ لیو چہار دہم (پیدائش: رابرٹ فرانسس پریوسٹ، 14 ستمبر 1955ء) کاتھولک کلیسیا کے سربراہ اور ویٹی کن سٹی ریاست کے خود مختار حکمران ہیں۔ انھیں 8 مئی 2025ء کو پوپ فرانسس کے انتقال کے بعد ہونے والے کانکلیو (پاپائی اجتماع) میں پوپ منتخب کیا گیا۔

پریوسٹ کی پیدائش شکاگو، الینوائے میں ہوئی۔ انھوں نے اپنی ابتدائی پادریانہ زندگی سینٹ آگسٹین کے آرڈر (طریقت) کے لیے وقف کی۔ انھوں نے 1985ء سے 1986ء اور پھر 1988ء سے 1998ء تک پیرو میں وسیع پیمانے پر خدمات انجام دیں، جن میں پیرش کے پادری، اسقفی عہدے دار، مدرسہ کے استاد اور منتظم کی حیثیت شامل تھی۔ 2001ء سے 2013ء تک وہ سینٹ آگسٹین کے آرڈر کے پرائر جنرل منتخب ہوئے۔ بعد ازاں وہ پیرو واپس گئے اور 2015ء سے 2023ء تک چیکلایو کے بشپ کے طور پر کام کیا۔ 2023ء میں پوپ فرانسس نے انھیں ڈکاسٹری برائے اساقفہ (Dicastery for Bishops) کا پریفیکٹ (قائد) اور لاطینی امریکا کے لیے پونٹفیکل کمیشن کا صدر مقرر کیا اور اسی سال انھیں کارڈینل بھی بنایا۔ ان ذمہ داریوں نے انھیں پاپائی امیدوار کے طور پر نمایاں بنا دیا۔

امریکا اور پیرو کی دوہری شہریت رکھنے والے لیو، امریکا اور پیرو دونوں سے تعلق رکھنے والے پہلے پوپ ہیں۔ وہ سینٹ آگسٹین کی طریقت سے تعلق رکھنے والے پہلے پوپ اور ان طریقتوں میں سے ساتویں ہیں جو سینٹ آگسٹین کے ضابطہ کی پیروی کرتے ہیں۔

اپنے اسقفی شعار In illo uno unum (”اسی ایک [مسیح کے نام] میں ہم سب ایک ہیں“) کے مطابق لیو نے اپنے ابتدائی پاپائی پیغام میں اتحاد پر زور دیا۔ انھوں نے پوپ فرانسس کے مرکزی پیغامات جیسے یسوع مسیح کی خوشخبری (کیرگما)، مومنین کا تبلیغی کردار اور امن، انصاف اور خیرات کے لیے اجتماعی مشاورت کی اہمیت کو جاری رکھا اور امن و مفاہمت کو اپنی ترجیح بنایا۔

مصنوعی ذہانت پر تشویش

15 مئی 2026ء کو جاری ایک عام خط میں پوپ لیو چہاردہم نے مصنوعی ذہانت (AI) اور ڈیجیٹل ٹیکنالوجی کے اس جدید دور میں انسانی وقار اور اخلاقیات کے تحفظ پر زور دیا ہے۔ پوپ نے واضح کیا کہ ٹیکنالوجی بذاتِ خود بری نہیں ہے بلکہ یہ انسانی فلاح کا ایک بہترین ذریعہ بن سکتی ہے، لیکن موجودہ دور میں نجی اور عالمی کارپوریشنز کے پاس اس کی بے پناہ طاقت ہونے کی وجہ سے یہ انسان کے وجود، روزگار، سچائی اور عالمی امن کے لیے ایک بڑا چیلنج بھی بن چکی ہے۔ مکتوب میں بائبل کی تمثیلوں (جیسے برجِ بابل) کا حوالہ دیتے ہوئے خبردار کیا گیا ہے کہ انسان اپنی ٹیکنالوجی کی طاقت کے غرور میں خدا اور انسانی اقدار کو فراموش نہ کرے، بلکہ حکومتوں، گرجا گھروں اور معاشرے کو مل کر ایسی قانون سازی اور اخلاقی حدود قائم کرنی چاہئیں جو اس ڈیجیٹل دور میں بھی انسان کی مرکزیت، سماجی انصاف اور امن و محبت کی فضا کو برقرار رکھ سکیں۔