مادھوراؤ سداشیوراؤ گولولکر

مادھوراؤ سداشیوراؤ گولولکر
معلومات شخصیت
پیدائش	19 فروری 1906ء   رامٹیک
وفات	5 جون 1973ء (67 سال)  ناگپور
شہریت	بھارت (26 جنوری 1950–) برطانوی ہند (–14 اگست 1947) ڈومنین بھارت (15 اگست 1947–26 جنوری 1950)
رکن	راشڑیہ سوایمسیوک سانگھ
عملی زندگی
مادر علمی	بنارس ہندو یونیورسٹی
پیشہ	مذہبی رہنما ،  مصنف
پیشہ ورانہ زبان	مراٹھی

مادھوسداشیوراؤ گولولکر (پیدائش 11 فروری 1906- وفات 5 جون1973ء) رشٹریہ سنوے سیوک سنگھ کے دوسرے سرسنگھ چالک اور مفکر تھے۔ ان کے عقیدتمند عام طور سے ان کو گروجی کے ہی نام سے زیادہ جانتے ہیں۔ جن لوگوں نے ہندوتو کے افکارو خیالات کو رائج کرنے میں اہم کرداد نبھایا ہے، ان میں وہ سرفہرست ہیں۔ وہ سنگھ کے گنے چنے اولین قائدین میں سے ہیں۔

مختصرزندگی

اُن کی پیدائش پھاگن مہینے کی اکادشی وکرم سنوت 1963ء مطابق 19 فروری 1906ء کو مہاراشٹر کے رام ٹیک میں ہوئی تھی۔ وہ اپنے والدین کی چوتھی اولاد تھے۔ ان کے والد کا نام شری سداشیو راؤ اور لقب 'بھاؤجی' اوروالدہ شریمتی لکشمی بائی اور لقب 'تائی' تھا۔ ان کا پچپن میں نام مادھو رکھا گیا لیکن خاندان میں مدھو کے نام سے ہی پکارے جاتے تھے۔ والد سداشیوراؤ آغاز میں ڈاک تارشعبہ میں کام کرتے تھے تاہم بعد میں ان کی تقرری شعبہ تعلیم میں معلم کے عہدہ پر 1908ء میں ہو گئی۔