مایا دیوی

آزاد دائرۃ المعارف، ویکیپیڈیا سے
Jump to navigation Jump to search
مایا دیوی
Maya Nepal Musee Guimet 23092007 1.jpg 

معلومات شخصیت
پیدائش صدی 6 ق م  خاصیت کی حیثیت میں تبدیلی کریں تاریخ پیدائش (P569) ویکی ڈیٹا پر
وفات صدی 6 ق م  خاصیت کی حیثیت میں تبدیلی کریں تاریخ وفات (P570) ویکی ڈیٹا پر
شوہر شدھودن  خاصیت کی حیثیت میں تبدیلی کریں شریک حیات (P26) ویکی ڈیٹا پر
اولاد گوتم بدھ  خاصیت کی حیثیت میں تبدیلی کریں اولاد (P40) ویکی ڈیٹا پر
عملی زندگی
پیشہ ہمسر ملکہ  خاصیت کی حیثیت میں تبدیلی کریں پیشہ (P106) ویکی ڈیٹا پر

مایا دیوی بدھ مت کے بانی گوتم بدھ کو جنم دینے والی ماں اور مہاپرجاپتی گوتمی، جنہیں بدھ نے پہلی بھکشونی (بدھ راہبہ) کا منصب عطا کیا، کی بہن تھیں۔[1][2]

بدھ روایت کے مطابق مایا دیوی کا گوتم بدھ کی پیدائش کے چند عرصے بعد (تقریباً سات دنوں بعد) انتقال ہو گیا تھا اور وہ ہندو-بدھ بہشت میں داخل ہو گئیں، نہ صرف گوتم کی والدہ بلکہ ان سے پہلے گزرے دوسرے بدھاؤں کی والداؤں کا بھی انتقال ہوا اور وہ بہشت میں داخل ہوئیں۔[1] اسی وجہ سے مایا گوتم کی پرورش نہ کر سکیں بلکہ ان کی پرورش ان کی خالہ و سوتیلی ماں مہاپرجاپتی گوتمی نے کی۔ مایا ایک موقع پر اپنے بیٹے کو نصیحت کرنے بہشت سے بھی اتری تھی۔[1]

سنسکرت زبان میں مایا سے مواد ”فریبِ نظر“ یا ”وہم“ ہے۔ مایا کو مہا مایا (عظیم مایا) اور مہا مایا (ملکہ مایا) بھی کہا جاتا ہے۔ تبتی میں انہیں گیوترولما اور جاپانی میں مایا بونین (摩耶夫人) کہا جاتا ہے۔ سہالی زبان میں ان کو مہامایا دیوی (මහාමායා දේවී) کے نام سے جانا جاتا ہے۔

سوانح[ترمیم]

مایا کا سفید ہاتھی والا خواب اور خیالی بدھ۔ گندھارا، دوسری–تیسری صدی عیسوی
مایا دیوی کا خواب، مردان۔

مایا نے کپل واستو کے شاکیہ قبیلے کے بادشاہ شدھودن سے شادی کی تھی۔ وہ شدھودن کے چچا کی بیٹی تھیں اور اس لیے رشتے سے ان کی عم زاد بھی تھیں۔ ان کے والد دیودہ (دیودہا) کے بادشاہ تھے۔

مایا اور شدھودن کو شادی کے بیس سالوں تک کوئی اولاد نہیں تھی۔ ایک کہانی کے مطابق پورے چاند کی رات ملکہ مایا جب محل میں سو رہی تھیں تو انہوں نے ایک واضح خواب دیکھا۔ انہوں نے محسوس کیا کہ چار دیو انہیں اٹھا کر ہمالیہ میں ”ان اوتپت“ نامی جھیل لے جا رہے تھے۔ جھیل میں انہیں نہلانے کے بعد دیووں نے بہشتی لباس پہنایا، ان پر خوشبوئیں لگائیں اور آسمانی پھولوں سے انہیں آراستہ کیا۔ اس کے فوراً بعد ایک ہاتھی اپنی سونڈھ میں کنول کا پھول پکڑے ظاہر ہوا اور ان کے گرد تین چکر لگانے کے بعد دائیں طرف سے ان کے پیٹ میں داخل ہو گیا۔ بالآخر ہاتھی غائب ہو گیا اور ملکہ کی آنکھ کُھل گئی۔ انہوں نے سوچا کہ اس خواب کا مقصد کوئی پیغامِ عظیم ہے کیونکہ ہاتھی عظمت کی علامت ہے۔

بدھ مت میں ایک اور روایت پائی جاتی ہے کہ مستقبل میں بننے والا بدھ پہلے تُشیتا کی بہشت میں بودھی ستو کی شکل میں رہتا تھا اور اس نے ارادہ کیا کہ وہ سفید ہاتھی کے روپ میں دنیا میں آخری مرتبہ پیدا ہوگا۔ مایا نے سنہ 563 ق م میں سدھارتھ کو جنم دیا۔ وہ دس قمری مہینوں تک حمل کی حالت میں رہیں۔ رسم کے تحت ملکہ بچہ جنم دینے کے لیے مائیکے روانہ ہوئیں۔ راستے میں پالکی سے اتر کر لمبینی کے ایک پھولوں کے باغ میں شال کے درخت کے نیچے گئیں۔ مایا دیوی کو لمبینی پسند آیا اور انہوں نے کھڑی حالت میں شال کی شاخ پکڑ کر بچے کو جنم دیا۔ کہا جاتا ہے کہ شہزادہ سدھارتھ کا ان کی دائیں طرف سے ظہور ہوا۔ یہ اپریل کا آٹھواں دن تھا۔ کچھ قصص میں ہے کہ انہوں نے بچے کو پہلی مرتبہ پُشکرنی تالاب میں نہلایا۔ مگر روایت ہے کہ دیووں نے بارش کر کے نوزائیدہ بچے کو دھویا۔ بعد میں انہیں سدھارتھ کا نام دیا گیا۔

محققین عموماً اس بات پر متفق ہیں کہ زیادہ تر بدھی کتب میں بدھ کے جنم کے ساتھ دنوں بعد مایا کی وفات اور تشیتا بہشت میں دوبارہ جنم کا تذکرہ ہے۔ گوتم کے بدھ بننے کے سات سالوں بعد، وہ تاوتنشا بہشت آئیں، جہاں بعد میں گوتم بدھ نے انہیں ابھی دھرم کی تعلیم دی۔[3] ان کی بہن پرجاپتی بدھ کی سوتیلی والدہ تھیں۔

حوالہ جات[ترمیم]

  1. ^ ا ب پ Buddhist Goddesses of India by Miranda Shaw (Oct 16, 2006) ISBN 0-691-12758-1 pages 45-46
  2. History of Buddhist Thought by E. J. Thomas (Dec 1, 2000) ISBN 81-206-1095-4 pages
  3. "Māyā"۔ www.palikanon.com۔ مورخہ 26 دسمبر 2018 کو اصل سے آرکائیو شدہ۔ اخذ شدہ بتاریخ 2018-04-07۔