مجاہد کامران

ڈاکٹر مجاہد کامران جنوری 2008ء سے 19 دسمبر 2016ء تکجامعہ پنجاب لاہورکے وائس چانسلر رہے ہیں۔ کامران نے لیکچرر کے طور پر 1972 ء میں پنجاب یونیورسٹی میں شمولیت اختیار کی، 1982ء میں اسسٹنٹ پروفیسر، 1987 ء میں ایسوسی ایٹ پروفیسر اور 1988 میں پروفیسر بن گئے۔

تعلیم

کامران 23 جنوری، 1951ء کو، گجرات، پاکستان میں پیدا ہوئے۔ ان کے ابتدائے نوجوانی میں، انہوں نے راولپنڈی جہاں ان کے والد سید شبیر حسین تھے پاکستان ٹائمز میں ایک سیاسی نمائندے کے طور پر عملی زندگی کا آغاز کیا۔ 1955-1969 سے انہوں نے راولپنڈی کے تعلیمی اداروں میں تعلیم حاصل کی۔ 1965 میں، کامران نے میٹرک سر سید احمد خان ہائی اسکول سے اول پوزیشن لے کر پاس کیا۔ بعد میں انہوں نے گورڈن کالج (جو اس وقت مسیحی مشن کے زیر انتظام تھا) سے 1967 میں ایف۔ ایس۔ سی اور 1969 میں بی۔ ایس۔ سی کیا۔ انہوں نے 1971 میں پنجاب یونیورسٹی میں داخلہ لیا اور نظریاتی ذرہ طبیعیات میں ایم ایس سی کی ڈگری حاصل کی۔ انہوں نے 1965-1967، 1967-1969، 1969-1971 کے دوران میں میرٹ اسکالرشپ جیتا۔ انہیں مرکزی اوورسیز ٹریننگ سکالرشپ سکیم کے تحت ایک حکومت پاکستان کی طرف سے ڈاکٹریٹ اسکالر شپ سے نوازا گیا تھا اور 1975 ء میں ایڈنبرا یونیورسٹی میں پڑھنے کے لیے برطانیہ کا دورہ کیا وہاں انہوں نے 1979 میں ڈاکٹر L.L.J. Vick. کی زیرنگرانی نظریاتی طبیعیات میں اپنا پی ایچ ڈی کیا۔ ان کے ڈاکٹریٹ کے مقالے کا عنوان "The Dual Absorptive Model and Elastic Hadronic Scattering at High Energies and Small Momentum Transfers" تھا۔