محمد طفیل

آزاد دائرۃ المعارف، ویکیپیڈیا سے
Jump to navigation Jump to search
محمد طفیل
معلومات شخصیت
پیدائش 14 اگست 1923  ویکی ڈیٹا پر (P569) کی خاصیت میں تبدیلی کریں
لاہور،  برطانوی پنجاب  ویکی ڈیٹا پر (P19) کی خاصیت میں تبدیلی کریں
وفات 5 جولا‎ئی 1986 (63 سال)  ویکی ڈیٹا پر (P570) کی خاصیت میں تبدیلی کریں
اسلام آباد،  پاکستان  ویکی ڈیٹا پر (P20) کی خاصیت میں تبدیلی کریں
مدفن میانی صاحب قبرستان  ویکی ڈیٹا پر (P119) کی خاصیت میں تبدیلی کریں
شہریت Flag of Pakistan.svg پاکستان  ویکی ڈیٹا پر (P27) کی خاصیت میں تبدیلی کریں
عملی زندگی
پیشہ مدیر  ویکی ڈیٹا پر (P106) کی خاصیت میں تبدیلی کریں
اعزازات
P literature.svg باب ادب

محمد طفیل (پیدائش: 14 اگست، 1923ء - وفات: 5 جولائی، 1986ء) پاکستان سے تعلق رکھنے والے اردو کے معروف ادیب، خاکہ نویس اور مشہور ادبی جریدے نقوش کے مدیر تھے۔

حالات زندگی و خدمات[ترمیم]

محمد طفیل 14 اگست، 1923ء کو لاہور، برطانوی صوبہ پنجاب میں پیدا ہوئے۔[1][2]۔ نامور خطاط تاج الدین زریں رقم سے خوشنویسی کی تربیت حاصل کرنے کے بعد انہوں نے1944ء میں ادارۂ فروغ اردو کے نام سے ایک طباعتی ادارہ قائم کیا۔

نقوش[ترمیم]

1948ء میں انہوں نے لاہور سے مشہور ماہنامہ ادبی جریدے نقوش کا اجرا کیا۔ 18 شماروں کی اشاعت کے بعد محمد طفیل نے اس جریدے کی ادارت خود سنبھال لی۔ ان کی ادارت میں نقوش کے غزل نمبر، افسانہ نمبر، شخصیات نمبر، خطوط نمبر، آپ بیتی نمبر، مکاتیب نمبر، طنز و مزاح نمبر، ادب عالیہ نمبر، منٹو نمبر، میر نمبر، غالب نمبر، اقبال نمبر، انیس نمبر، پطرس نمبر، شوکت تھانوی نمبر، لاہور نمبر، ادبی معرکے نمبر، عصری ادب نمبر اور سب سے بڑھ کر رسول نمبرشائع ہوئے۔[2]

تصانیف[ترمیم]

محمد طفیل کے خاکوں کے یہ مجموعے چھپے،

  • صاحب،
  • جناب،
  • آپ،
  • محترم،
  • مکرم،
  • معظم،
  • محبی
  • مخدومی
  • ناچیز ( خودنوشت / نقوش کے محمد طفیل نمبر میں اشاعت پزیر ہوئی) ۔[2]

اقبال نمبر[ترمیم]

آپ نے علامہ محمد اقبالؒ کے صد سالہ جشنِ پیدائش پر نقوش کے تین ’اقبال نمبر‘ جاری کیے۔ جو ستمبر 1977ء‘ نومبر 1977ء اور دسمبر 1977ء کو شائع ہوئے۔ نومبر 1977ء میں شائع ہونے والا اقبال نمبر اس اعتبار سے بھی اہم تھا کہ اُس میں وہ تمام مضامین شامل تھے جو 1932ء میں علامہ اقبال کی زندگی میں شائع ہونے والے پہلے اقبال نمبر ’نیرنگِ خیال‘ میں شامل تھے۔ بابائے اُردو مولوی عبدالحق نے آپ کو ’محمد نقوش‘ کا خطاب دیا تھا۔ [3]

تصانیف[ترمیم]

  • صاحب (1955ء)
  • جناب (1961ء)
  • آپ (1967ء)
  • محترم (1968ء)
  • مکرم (1970ء)
  • معظم (1974ء)
  • محبی (1981ء)* مخدومی (1983ء)

محمد طفیل کی شخصیت و فن پر تحقیقی مقالات[ترمیم]

محمد طفیل: حیات و ادبی خدماتی خدمات (پی ایچ ڈی مقالہ)، محمد سرفراز احمد، پنجاب یونیورسٹی لاہور، 2007ء

اعزازات[ترمیم]

محمد طفیل کو بابائے اردو مولوی عبدالحق نے محمد نقوش کا خطاب دیا تھا جبکہ حکومت پاکستان نے انہیں ستارۂ امتیاز عطا کیا تھا۔[2]

وفات[ترمیم]

محمد طفیل 5 جولائی، 1986ء کو اسلام آباد، پاکستان میں وفات پاگئے۔ وہ میانی صاحب قبرستان لاہور میں آسودہ خاک ہیں۔[1][2]

مزید دیکھیے[ترمیم]

حوالہ جات[ترمیم]

  1. ^ ا ب لٹریری نوٹس: محمد طفیل اور نقوش، ڈاکٹر رؤف پاریکھ، روزنامہ ڈان کراچی، 29 جون 2015ء
  2. ^ ا ب پ ت ٹ عقیل عباس جعفری، پاکستان کرونیکل، ورثہ پبلی کیشنز، کراچی، 2010ء، ص 600
  3. (تحریر و تحقیق: میاں ساجد علی‘ علامہ اقبال سٹمپ سوسائٹی)