محمد طفیل

آزاد دائرۃ المعارف، ویکیپیڈیا سے
Jump to navigation Jump to search
محمد طفیل
پیدائش 14 اگست 1923(1923-08-14)

لاہور، صوبہ پنجاب (برطانوی ہند)
وفات 5 جولائی 1986(1986-70-05) (عمر  62 سال)

اسلام آباد، پاکستان
آخری آرام گاہ میانی صاحب قبرستان، لاہور
قلمی نام محمد طفیل
پیشہ ادیب، مدیر
زبان اردو
نسل پنجابی
شہریت Flag of پاکستانپاکستانی
اصناف ادارت، خاکہ
نمایاں کام صاحب
جناب
محترم
مخدومی
معظم
اہم اعزازات ستارۂ امتیاز

محمد طفیل (پیدائش: 14 اگست، 1923ء - وفات: 5 جولائی، 1986ء) پاکستان سے تعلق رکھنے والے اردو کے معروف ادیب، خاکہ نویس اور مشہور ادبی جریدے نقوش کے مدیر تھے۔

حالات زندگی و خدمات[ترمیم]

محمد طفیل 14 اگست، 1923ء کو لاہور، پاکستان میں پیدا ہوئے[1][2]۔ نامور خطاط تاج الدین زریں رقم سے خوشنویسی کی تربیت حاصل کرنے کے بعد انہوں نے1944ء میں ادارۂ فروغ اردو کے نام سے ایک طباعتی ادارہ قائم کیا۔ 1948ء میں انہوں نے لاہور سے مشہور ماہنامہ ادبی جریدے نقوش کا اجرا کیا۔ 18 شماروں کی اشاعت کے بعد محمد طفیل نے اس جریدے کی ادارت خود سنبھال لی۔ ان کی ادارت میں نقوش کے غزل نمبر، افسانہ نمبر، شخصیات نمبر، خطوط نمبر، آپ بیتی نمبر، مکاتیب نمبر، طنز و مزاح نمبر، ادب عالیہ نمبر، منٹو نمبر، میر نمبر، غالب نمبر، اقبال نمبر، انیس نمبر، پطرس نمبر، شوکت تھانوی نمبر، لاہور نمبر، ادبی معرکے نمبر، عصری ادب نمبر اور سب سے بڑھ کر رسول نمبرشائع ہوئے۔[2]

محمد طفیل کے خاکوں کے مجموعے صاحب، جناب، آپ، محترم، مکرم، معظم، محبی اور مخدومی کے نام سے شائع ہوئے۔ ان کی خود نوشت ان کی وفات کے بعد ناچیز کے عنوان سے نقوش کے محمد طفیل نمبر میں اشاعت پزیر ہوئی۔[2]

تصانیف[ترمیم]

  • صاحب (1955ء)
  • جناب (1961ء)
  • آپ (1967ء)
  • محترم (1968ء)
  • مکرم (1970ء)
  • معظم (1974ء)
  • محبی (1981ء)* مخدومی (1983ء)

محمد طفیل کی شخصیت و فن پر تحقیقی مقالات[ترمیم]

محمد طفیل: حیات و ادبی خدماتی خدمات (پی ایچ ڈی مقالہ)، محمد سرفراز احمد، پنجاب یونیورسٹی لاہور، 2007ء

اعزازات[ترمیم]

محمد طفیل کو بابائے اردو مولوی عبدالحق نے محمد نقوش کا خطاب دیا تھا جبکہ حکومت پاکستان نے انہیں ستارۂ امتیاز عطا کیا تھا۔[2]

وفات[ترمیم]

محمد طفیل 5 جولائی، 1986ء کو اسلام آباد، پاکستان میں وفات پاگئے۔ وہ میانی صاحب قبرستان لاہور میں آسودہ خاک ہیں۔[1][2]

مزید دیکھیے[ترمیم]

حوالہ جات[ترمیم]