محمد مناف (کرکٹ کھلاڑی)

محمد مناف ٹیسٹ کیپ نمبر 33

کرکٹ کی معلومات
بلے بازی	دائیں ہاتھ کا بلے باز
گیند بازی	دائیں ہاتھ کا فاسٹ میڈیم گیند باز
بین الاقوامی کرکٹ
قومی ٹیم	پاکستان
کیریئر اعداد و شمار
مقابلہ ٹیسٹ فرسٹ کلاس میچ 4 71 رنز بنائے 63 1356 بیٹنگ اوسط 12.59 17.61 100s/50s -/- -/4 ٹاپ اسکور 19 76 گیندیں کرائیں 769 9115 وکٹ 11 180 بولنگ اوسط 31.00 24.22 اننگز میں 5 وکٹ - 6 میچ میں 10 وکٹ - 1 بہترین بولنگ 4/42 8/84 کیچ/سٹمپ -/- 47/-
ماخذ: [1]

محمد مناف انگریزی: Mohammad Munaf(پیدائش: 2 نومبر 1935ء بمبئی (اب ممبئی)، مہاراشٹر، ہندوستان) | (وفات: 28 جنوری 2020ء ایمسٹرڈیم) ایک پاکستانی کرکٹر تھے جنہوں نے پاکستان کی طرف سے 4 ٹیسٹ میچ کھیلے۔ محمد مناف نے 50ء کی دہائی کے آخر سے لے کر 60ء کی دہائی کے اوائل تک پاکستان کے لیے صرف چار ٹیسٹ کھیلے، لیکن وہ کئی سالوں تک قومی ٹیم کے انتخاب کے گرد گھومتے رہے۔ انہوں نے بغیر ٹیسٹ کھیلے، 1957-58ء میں پاکستانی ٹیم کے ساتھ ویسٹ انڈیز کا مشہور پہلا دورہ کیا، جس میں گیری سوبرز نے اپنا اس وقت کا عالمی ریکارڈ 365 بنایا اور حنیف محمد نے اب تک کی بہترین ری گارڈ اننگز میں سے ایک کھیلی۔ برج ٹاؤن میں 337 رنز کی شہرہ آفاق باریاں کھیلی تھیں انہوں نے 1953ء سے 1971ء تک پاکستان میں فرسٹ کلاس کرکٹ کھیلی۔

ابتدائی زمانہ

محمد مناف بمبئی میں ایک کونکنی گھرانے میں پیدا ہوئے جو مہاراشٹر کے مغربی ساحل پر واقع ہے لیکن قیام پاکستان کے وقت ان کہ فیملی نے پاکستان ہجرت کو ترجیح دی۔ ان کی تعلیم سندھ مدرسۃ الاسلام میں ہوئی۔ کراچی میں آباد ہونے کے بعد، اس نے ایک نوجوان فاسٹ باؤلر کے طور پر روبی شیلڈ اسکول ٹورنامنٹ میں اپنا نام بنایا۔ اس وقت ان سے بیٹنگ میں بھی بہت توقعات وابستہ تھیں کہ انہوں نے سندھ مدرسہ کے لیے حنیف محمد کے ساتھ بیٹنگ کا آغاز کیا۔ خادم ایچ بلوچ نے اپنے انسائیکلوپیڈیا آف پاکستان کرکٹ میں لکھا ہے کہ مناف نے مختصر رن اپ کیا اور اس کا گول بازو کا ایکشن تھا، اور کچھ رپورٹس کے مطابق وہ اس وقت ملک کے تیز ترین باؤلرز میں سے ایک کے طور پر اپنے عروج پر تھے لیکن ان کی باولنگ خصوصیات کو اس لیے زیادہ تقویت نہ مل سکی کیونکہ۔اس وقت پاکستان کے پاس تیز رفتار بولنگ سٹائل فضل محمود، خان محمد اور محمود حسین کی شکل میں موجود تھا انہوں نے 1957-58ء میں ویسٹ انڈیز کا دورہ کیا اور پانچ میں سے کوئی بھی ٹیسٹ کھیلے بغیر ہی واپس آ گئے محمد مناف نے پاکستان ایگلٹس ٹیم کے ایک حصے کے طور پر انگلینڈ کے دو دوروں میں اپنے معیاری کھیل کا ثبوت دیا۔ 1963ء میں کینٹ کے خلاف ایگلٹس کے دورے پر 84 رن پر 8 کے ان کے کیریئر کے بہترین اعداد و شمار سامنے آئے۔ ہو سکتا ہے کہ انگلینڈ ان کی باؤلنگ کے لیے ایک اچھی جگہ رہا ہو اور اگرچہ انہیں 1962ء میں انگلینڈ کے تباہ کن دورے کے لیے منتخب کیا گیا تھا، لیکن انھیں ٹانگ کی چوٹ کی وجہ سے دستبردار ہونا پڑا۔

ٹیسٹ کیریئر

1959-60ء میں آسٹریلیا کے خلاف ان کا ڈیبیو ٹیسٹ صرف اس وقت ہوا جب بولنگ اٹیک میں محمود حسین ٹیم کو دستیاب نہیں تھے۔ وہ 1961-62ء میں لاہور میں انگلینڈ کے خلاف 42 رنز کے عوض 4 کے بہترین اعدادوشمار کے ساتھ پاکستان میں صرف تین اور ٹیسٹ کھیلنے کا موقع حاصل کر پایا وہ 1960-61ء کے دورے پر ہندوستان کے لیے پاکستان کے اسکواڈ کا حصہ بنے تاہم ایک بار پھر انھوں نے ایک بھی ٹیسٹ نہیں کھیلا۔

اعداد و شمار

محمد مناف نے 4 ٹیسٹ میچوں کی 7 اننگز میں 2 مرتبہ ناٹ آئوٹ رہ کر 63 رنز بنائے جس میں 19 ان کا سب سے زیادہ سکور تھا۔ 12.60 کی اوسط سے بنائے گئے جبکہ 71 فرسٹ کلاس میچوں کی 90 اننگز میں 13 بار ناٹ آئوٹ رہ کر انہوں نے 1356 رنز بنائے۔ 76 ان کا بہترین سکور تھا۔ 17.61 کی اوسط سے بنائے گئے اس سکور میں 4 نصف سنچریاں بھی شامل تھیں انہوں نے ٹیسٹ کرکٹ میں 341 رنز دے کر 11 وکٹیں حاصل کی تھیں۔ 42 رنز کے عوض 4 وکٹیں ان کا کسی ایک اننگ میں بہترین ریکارڈ تھا 31.00 کی اوسط سے لی گئی وکٹوں میں ایک دفعہ 4 وکٹ بھی شامل تھے جبکہ 71 فرسٹ کلاس میچوں میں 4360 رنز کے عوض 180 وکٹ ان کے کھاتے میں جمع ہوئے 4/84 ان کی ایک اننگ میں بہترین باولنگ کا ریکارڈ تھا 24.22 کی اوسط سے کی گئی اس بولنگ میں 6 دفعہ ایک۔اننگ میں چار وکٹ کا حصول بھی اس کی بہترین کارکردگی کا آئینہ دار تھے

ریٹائر منٹ اور وفات

وہ پاکستان انٹرنیشنل ایئر لائنز کے لیے کام کرتے تھے۔ ریٹائر ہونے کے بعد وہ نیدرلینڈ چلے گئے اور ایمسٹرڈیم میں رہنے لگے اور 84 سال 87 دن کی عمر میں 28 جنوری 2020ء کو اس دنیا سے رخصت ہو گئے۔

مزید دیکھیے

• کرکٹ
• ٹیسٹ کرکٹ
• پاکستان قومی کرکٹ ٹیم
• پاکستان کے ٹیسٹ کرکٹ کھلاڑی