محیی الدین بن زنگی

محیی الدین بن زنگی
معلومات شخصیت

 

قاضی دمشق محیی الدین ابن زکی، پورا نام محیی الدین ابو معالی محمد بن قاضی علی بن محمد بن یحییٰ بن زنگی قرشی دمشقی شافعی تھا۔ وہ 550 ہجری میں پیدا ہوئے اور قضا (عدالت) کے گھرانے میں پرورش پائی، کیونکہ ان کے والد بھی قاضی تھے اور دادا بھی۔

انھوں نے 33 برس کی عمر میں سلطان صلاح الدین ایوبی کے ساتھ بیت المقدس کی فتح دیکھی۔ ابن الزکی اپنی ذہانت، فطانت اور علمی دیانت کے لیے مشہور تھے۔ وہ ہمیشہ علم کا سہرا اہلِ علم کے سر باندھتے۔ روایت ہے کہ جب 579 ہجری میں صلاح الدین نے حلب فتح کیا تو ابن الزکی نے ایک قصیدہ کہا جس میں اشارہ دیا کہ رجب میں بیت المقدس بھی فتح ہوگا اور واقعی 583 ہجری کے رجب میں فتح بیت المقدس عمل میں آئی۔ لوگوں نے پوچھا یہ پیش گوئی کہاں سے لی؟ تو انھوں نے کہا کہ یہ الہام مجھے تفسیر ابن برجان سے ملا ہے، نہ کہ اپنی طرف سے۔،

ابن زنگی نے قاضی شرف الدین بن ابی عصرون کے ساتھ کام کیا اور ان کے نائب رہے، لیکن بعد میں نائب کا عہدہ چھوڑ دیا۔ پھر وہ دمشق کے قاضی مقرر ہوئے اور ان کے ساتھ حلب کی قضا بھی ان کے سپرد کی گئی۔ وہ جامع مسجد کے اوقاف کے ناظر بھی رہے، لیکن وفات سے کچھ ماہ قبل اس منصب سے ہٹا دیے گئے۔

ابن کثیر کے مطابق ابن زکی کا ایک درسِ تفسیر مدرسہ کلاسیہ میں ہوتا تھا، جو تربہ صلاح الدین کے سامنے تھا۔ وہ طلبہ کو منطق اور علمِ کلام سے روکتے اور جن کے پاس یہ کتب ہوتیں ان کو مدرسہ نوریہ میں پھاڑ دیتے۔ وہ امام غزالی کی مشہور عقیدے کی کتاب المصباح زبانی یاد رکھتے تھے اور اپنے بیٹوں کو بھی زبانی یاد کرواتے۔

ان کی سب سے نمایاں دینی خدمت خطبہ تحریر ہے، یعنی وہ جمعہ کا خطبہ جو فتح بیت المقدس کے بعد پہلی بار مسجد اقصیٰ میں دیا گیا۔ یہی خطبہ القدس کی آزادی کی علامت سمجھا جاتا ہے۔

وفات

ابن زنگی 7 شعبان 598 ہجری میں دمشق میں وفات پا گئے، اس وقت ان کی عمر 48 برس تھی۔