مرزا ترسون زادہ

مرزا ترسون زادہ
(تاجک میں: Мирзо Турсунзода)
معلومات شخصیت
پیدائش	19 اپریل 1911
وفات	24 ستمبر 1977 (66 سال)  دوشنبہ
شہریت	سوویت اتحاد
جماعت	اشتمالی جماعت سوویت اتحاد
رکن	سوویت انجمن مصنفین
عملی زندگی
پیشہ	شاعر،  سیاست دان
پیشہ ورانہ زبان	تاجک زبان
اعزازات
لینن پرائز اسٹالن انعام  اعزاز اکتوبر انقلاب  آرڈر آف دی ریڈ بینر آف لیبر  آرڈر آف لینن
باب ادب

مرزا ترسون زادہ (تاجک زبان: Мирзо Турсунзода) (پیدائش: 2 مئی 1911ء - وفات: 24 ستمبر 1977ء) تاجکستان کے نامور شاعر، ڈراما نویس، سیاستدان اور تاجکستان کے قومی ہیرو ہیں۔

حالات زندگی

مرزا ترسون زادہ تاجکستان کے ایک گاؤں قراتاغ میں 2 مئی 1911ء کو پیدا ہوئے۔ ابتدائی تعلیم پڑوس کی مسجد کے مدرسہ سے حاصل کی۔ اس کے بعد قراتاغ میں سوویت غلبہ کے بعد پہلا اقامتی اسکول کھولا گیا تو ترسون زادہ اس اسکول کا پہلا طالب علم تھا۔ مرزا ترسون زادہ مشرق اور خاص کر ہندوستان پر لکھی ہوئی نظموں اور مشرقی سیاحتوں کی بدولت خاص شہرت رکھتے تھے۔ تاشقند کی یونیورسٹی میں تعلیم مکمل کرتے کرتے شاعری میں نام پیدا کر چکے تھے۔ انھوں نے غزلوں کے علاوہ ڈرامے، مختصر اور طویل نظمیں اور داستانیں بھی لکھیں۔۔

ترسون زادہ کی تصویر تاجکستان کے کرنسی نوٹ "1 تاجک سومنی" پر

حالیہ برسوں میں ترسون زادہ تاجکستان کے ہیرو کے طور پر ابھرے ہیں۔ ترسون زادہ کی تصویر تاجکستان کے کرنسی نوٹ 1 "تاجک سومنی" پر موجود ہے۔ اس کے علاوہ "ترسون زادہ" کا علاقہ آپ کے نام سے موسوم ہے جو تاجکستان کے دارالحکومت دوشنبہ سے 60 کلومیٹر کے فاصلے پر واقع ہے اور "اوپیرا اینڈ بیلٹ سینٹر" دوشنبہ کو مرزا ترسون زادہ کے نام سے منسوب کیا گیا ہے۔

تخلیقات

نظمیں

• تارا چوہدری
• از گنگا تا کریملن
• باغ معلق

اعزازات

مجسمہ مرزا ترسون زادہ، انجمنِ مصنفین تاجکستان عمارت، دوشنبہ

• 1960ء - لینن انعام روس
• 1967ء - ہیرو آف سوشلسٹ لیبر روس
• 1967ء - نہرو انعام بھارت
• 1971ء لینن کومسومول انعام برائے تاجکستان روس
• 1974ء - طلائی تمغا سوویت امن کمیٹی روس
• اکتوبر انقلاب انعام روس
• 2001ء - قومی ہیرو تاجکستان

اداروں سے وابستگی

• رکن سپریم سوویت برائے سوویت اتحاد
• رکن کمیونسٹ پارٹی تاجکستان
• رکن سوویت امن کمیٹی
• چیئرمین سوویت کمیٹی برائے یکجہتی ایشیا وافریقہ
• رکن ادارتی بورڈ برائے تاجک دائرۃ المعارف
• رکن آل یونین کمیٹی برائے لینن انعام و سوویت ریاستی انعام

وفات

مرزا ترسون زادہ 66 سال کی عمر میں 24 ستمبر 1977ء کو دوشنبہ، تاجکستان، سوویت یونین میں وفات پا گئے۔