مسجد الجدید (تھیسالونیکی)

مسجد الجدید (تھیسالونیکی)
انتظامی تقسیم
ملک	یونان
متناسقات	40°36′56″N 22°57′24″E
قابل ذکر

نئی مسجد

مسجد الجديد (یونانی: Γενί Τζαμί، ترکی: Yeni Cami) یونان کے شہر سالونیک (تھیسالونیکی) میں واقع ایک تاریخی مسجد ہے۔ اسے اطالوی معمار ویتالیانو بوسیلی نے 1902ء میں شہر کی دونمہ برادری کے لیے تعمیر کیا تھا۔ یہ وہ لوگ تھے جو اصل میں یہودی تھے لیکن خفیہ طور پر اسلام قبول کر چکے تھے۔

بعد میں جب 1923ء میں یونان اور ترکی کے درمیان آبادی کے تبادلے کا معاہدہ ہوا تو دونمہ برادری کو شہر چھوڑنا پڑا کیونکہ انھیں مسلمان آبادی میں شمار کیا گیا تھا۔ ان کے جانے کے بعد 1925ء میں اس مسجد کو سالونیک کے آثارِ قدیمہ کے عجائب گھر کے طور پر استعمال کیا گیا۔ آج یہ عمارت نمائشوں اور ثقافتی سرگرمیوں کے مرکز کے طور پر استعمال ہوتی ہے۔.

تاریخ

مسجد الجديد کو 1902ء میں شہر کے حمیدیہ محلے میں اطالوی معمار ویتالیانو بوسیلی نے تعمیر کیا۔ یہ مسجد خاص طور پر شہر کی دونمہ برادری کے لیے بنائی گئی تھی، جو دراصل خفیہ طور پر اسلام قبول کرنے والے یہودی تھے مگر اپنی مذہبی روایات میں یہودیت کے بعض عناصر کو برقرار رکھتے تھے۔ اس زمانے میں ان کی تعداد تقریباً 10 ہزار سے 15 ہزار کے درمیان تھی۔ یہ مسجد عثمانی دور میں سالونیک میں تعمیر ہونے والی آخری مسجد تھی اور شہر کے جنوب مشرقی حصے میں اپنے علاقے کی واحد مسجد بھی تھی۔

بعد کے ادوار

1923ء میں یونان اور ترکی کے درمیان آبادی کے تبادلے کے معاہدے کے بعد دونمہ برادری کو شہر چھوڑنا پڑا کیونکہ انھیں مسلمانوں میں شمار کیا گیا تھا۔ ان کے جانے کے بعد کچھ عرصے تک اس مسجد کو ایشائے کوچک (ایشیا مائنر) سے آنے والے یونانی مہاجرین کی پناہ گاہ کے طور پر استعمال کیا گیا، بعد ازاں اسے بند کر دیا گیا۔

اس کے بعد 1925ء سے 1962ء تک اس عمارت میں سالونیک کا آثارِ قدیمہ کا عجائب گھر قائم رہا، یہاں تک کہ عجائب گھر کے لیے ایک نئی عمارت تعمیر کر دی گئی۔ 1938ء میں اس مسجد کو ایک محفوظ تاریخی یادگار قرار دیا گیا، تاہم عجائب گھر کی ضروریات کے تحت کھلی جگہ پیدا کرنے کے لیے اس کا مینار اور فوارہ منہدم کر دیا گیا۔ بعد میں 1986ء میں اس عمارت کو سالونیک کی بلدیہ نے اپنے قبضے میں لے لیا۔ .

صور

• 
  بطاقة بريدية
• 
  المحراب
• 
  الداخل
•