مسجد للاعبلہ

مسجد للاعبلہ
انتظامی تقسیم
ملک	المغرب
تقسیم اعلیٰ	طنجہ
متناسقات	35°47′22″N 5°48′25″W
قابل ذکر

طنجہ کی بندرگاہ پر لالہ ابلہ کی مسجد

اس سے پہلے بندرگاہ کی مسجد کو 2013 میں منہدم کر دیا گیا تھا۔

مسجد للا عبلة جسے مسجد الميناء بھی کہا جاتا ہے، مراکش کے شہر طنجہ کی نمایاں اور جدید مساجد میں شمار ہوتی ہے۔ یہ مسجد 2017ء میں تعمیر کی گئی اور اسے اس مقام پر قائم کیا گیا جہاں پہلے ایک چھوٹی سی مسجد موجود تھی جو مقامی طور پر مسجد الميناء کے نام سے معروف تھی ۔ نئی مسجد کی تعمیر مراکش کے بادشاہ محمد سادس المغربی کی نگرانی اور سرپرستی میں مکمل ہوئی، جس کا مقصد شہر کے اس ساحلی حصے میں ایک جدید اور وسیع عبادت گاہ فراہم کرنا تھا۔ ،

محلِ وقوع

یہ مسجد شارع محمد سادس المغربی کے اختتام پر واقع ہے اور اس کا محلِ وقوع شہر کے ساحلی اور بندرگاہی علاقے میں نہایت اہم سمجھا جاتا ہے۔ مسجد طنجہ کی نئی ماہی گیری بندرگاہ کے بالکل قریب واقع ہے، جس کا افتتاح بھی جولائی 2018ء میں کیا گیا تھا۔

تعمیر اور لاگت

مسجد للا عبلة کی تعمیر پر تقریباً 26 ملین مراکشی درہم خرچ ہوئے۔ یہ مسجد تقریباً 5712 مربع میٹر کے وسیع رقبے پر تعمیر کی گئی ہے۔ اس کی منصوبہ بندی اس طرح کی گئی کہ یہ نہ صرف عبادت کے لیے موزوں ہو بلکہ شہر کے اس جدید ساحلی علاقے کی تعمیراتی خوبصورتی میں بھی اضافہ کرے۔

گنجائش اور اندرونی ساخت

مسجد کی نمازی گنجائش تقریباً 1900 افراد ہے، جس کی وجہ سے یہ ایک بڑی اور کشادہ عبادت گاہ شمار ہوتی ہے۔ مسجد کے اندر دو علاحدہ نماز ہال تعمیر کیے گئے ہیں: ایک ہال مردوں کے لیے مخصوص ہے دوسرا خواتین کے لیے مخصوص ہے یہ انتظام اس بات کو یقینی بناتا ہے کہ خواتین اور مرد حضرات دونوں آرام اور سہولت کے ساتھ عبادت ادا کر سکیں۔

نام کی وجہ تسمیہ

اس مسجد کا نام للا عبلہ بنت طاہر کے نام پر رکھا گیا ہے، جو مراکش کے موجودہ بادشاہ محمد السادس کی دادی تھیں۔ مراکش میں شاہی خاندان کے معزز افراد کے نام پر اہم عوامی عمارتوں اور اداروں کا نام رکھنا ایک معروف روایت ہے اور اسی روایت کے تحت اس مسجد کو بھی للا عبلة کے نام سے موسوم کیا گیا۔ .

تصویری نمائش

• 
• 
• 
• 
• 
• 

بیرونی روابط

• صور للمسجد على موقع Archnetآرکائیو شدہ بذریعہ archnet.org