معراج محمد خان

آزاد دائرۃ المعارف، ویکیپیڈیا سے
Jump to navigation Jump to search
معراج محمد خان
بانی رکن اور جنرل سیکرٹری پاکستان تحریک انصاف[1]
مدت منصب
1998 – 2003
بانی اور چیئرمین قومی محاذ آزادی (جماعت)[2]
مدت منصب
1977 – نامعلوم
Minister of Labour and Manpower
مدت منصب
20 دسمبر 1971 – 13 اگست 1973
Fleche-defaut-droite-gris-32.png Air Marshal نور خان
عبد القیوم خان Fleche-defaut-gauche-gris-32.png
وائس پریزیڈنٹ پاکستان پیپلز پارٹی
مدت منصب
30 نومبر 1967 – 22 اکتوبر 1974
Fleche-defaut-droite-gris-32.png آفس قائم کیا
ڈاکٹر مبشر حسین Fleche-defaut-gauche-gris-32.png
بانی رکن پاکستان پیپلز پارٹی
مدت منصب
30 نومبر 1967 – 1977
صدر نیشنل اسٹوڈنٹس فیڈریشن
مدت منصب
4 جولائی 1963 – 30 نومبر 1967
Fleche-defaut-droite-gris-32.png جوہر حسن
رشید حسن خان Fleche-defaut-gauche-gris-32.png
معلومات شخصیت
پیدائش 20 اکتوبر 1938  ویکی ڈیٹا پر (P569) کی خاصیت میں تبدیلی کریں
فرخ آباد  ویکی ڈیٹا پر (P19) کی خاصیت میں تبدیلی کریں
وفات 21 جولا‎ئی 2016 (78 سال)  ویکی ڈیٹا پر (P570) کی خاصیت میں تبدیلی کریں
کراچی  ویکی ڈیٹا پر (P20) کی خاصیت میں تبدیلی کریں
شہریت Flag of Pakistan.svg پاکستان
British Raj Red Ensign.svg برطانوی ہند  ویکی ڈیٹا پر (P27) کی خاصیت میں تبدیلی کریں
جماعت کیمونسٹ پارٹی آف پاکستان
پاکستان پیپلز پارٹی  ویکی ڈیٹا پر (P102) کی خاصیت میں تبدیلی کریں
عملی زندگی
مادر علمی جامعہ کراچی  ویکی ڈیٹا پر (P69) کی خاصیت میں تبدیلی کریں
پیشہ فلسفی،  سیاست دان  ویکی ڈیٹا پر (P106) کی خاصیت میں تبدیلی کریں
Award(s) حبیب جالب

معراج محمد خان (20 اکتوبر 1938 – 21 جولائی 2016) ایک نامور سوشلسٹ، دانشور اور فلسفی تھے۔ انہوں نے پاکستان کی تین سیاسی جماعتیں بنانے میں اہم کردار ادا کیا۔ انہوں نے پاکستان پیپلز پارٹی بنانے میں اہم کردار ادا کیا۔ 1977 میں پاکستان پیپلز پارٹی چھوڑنے کے بعد قومی محاذ آزادی بنائی۔ انہوں نے پاکستان تحریک انصاف کے بنیادی پروگرام بنانے میں بھی حصہ لیا۔ وہ ملک میں سرمایہ دارانہ نظام کے خلاف جدوجہد کرنے کے حوالے سے بھی جانے جاتے تھے۔


وہ ایک ایسے سیاست داں تھے جنھیں پاکستان کی تیس سیاسی جماعتوں کی بنیاد رکھنے کا اعزاز احاصل ہے۔ معراج محمد خان 20 اکتوبر 1938ء کو اترپردیش کے شہر فرخ آباد میں پیدا ہوئے تھے۔ ان کے والد مولوی تاج محمد خان حکیم تھے۔ قیام پاکستان کے وقت ان کا خاندان ہجرت کر کے کوئٹہ آگیا تھا۔ کوئٹہ سے میٹرک کرنے کے بعد معراج محمد خان نے ڈی جے سائنس کالج کراچی اور جامعہ کراچی سے تعلیم حاصل کی۔

زمانہ طالب علمی میں انھوں نے ترقی پسند تنظیم نیشنل اسٹوڈنٹس فیڈریشن میں شمولیت اختیار کر لی تھی۔ وہ ان بارہ طلبہ میں شامل تھے جنھیں 1961ء میں کراچی بدر کیا گیا تھا۔


بھٹو دور میں ایک مظاہرے کی تاریخی تصویر ،اسی مظاہرے کے دوران پولیس تشدد کی وجہ سے ان بینائی بہت زیادہ متاثر ہو گئی تھی 1967ء میں وہ این ایس ایف سے علاحدہ ہو گئے اور اسی سال انھوں نے ذو الفقار علی بھٹو کے ساتھ مل کر پاکستان پیپلز پارٹی کی بنیاد رکھی، وہ بھٹو کے قریبی ساتھیوں میں شمار ہوتے تھے اور ان ہی کی وجہ سے ملکی سیاست کے دھارے میں شامل ہوئے۔ 1970ء کے عام انتخابات میں انھوں نے پیپلز پارٹی کے ٹکٹ پر کراچی سے حصہ لیا اور کامیاب ہوئے۔ 1971ء میں وہ وفاقی وزیر محنت بنے بعد ازاں ذو الفقار علی بھٹو کے ساتھ کچھ اختلافات پیدا ہونے کے بعد انھوں نے پیپلز پارٹی کو خیر باد کہہ دیا۔

پیپلز پارٹی سے علیحدگی کے بعد انھوں نے اپنی سیاسی جماعت قومی محاذ آزادی کی بنیاد رکھی۔ جنرل ضیا کے مارشل لا دور میں وہ ایم آرڈی کے فعال رکن بھی رہے۔ 1998ء میں انھوں نے اپنی پارٹی کو پاکستان تحریک انصاف میں ضم کر دیا اور پی ٹی آئی کے جنرل سیکریٹری مقرر ہوئے تاہم عمران خان سے اختلافات کے بعد 2003ء میں وہ اس جماعت سے بھی علاحدہ ہو گئے۔ اس کے بعد انھوں نے مزدور کسان پارٹی میں شمولیت اختیار کی جو بعد میں پاکستان کمیونسٹ پارٹی کا حصہ بن گئی۔ اس کے بعد وہ عملی سیاست سے کنارہ کش ہو گئے۔ معروج محمد خان معروف صحافی منہاج برنا اور نامور شاعر وہاج محمد خان” دکھی پریم نگری” کے بھائی تھے۔ [3]

22 جولائی 2016ء کو بزرگ سیاست دان معراج محمد خان کراچی میں انتقال کر گئے معراج محمد خان ڈیفنس سوسائٹی کراچی کے قبرستان میں آسودہ خاک ہیں۔

حوالہ جات[ترمیم]

  1. ^ ا ب پ "Senior politician Meraj Muhammad Khan passes away". thenews.com.pk. اخذ شدہ بتاریخ 21 جولا‎ئی 2016. 
  2. "The left in Pakistan: a brief history – Links International Journal of Socialist Renewal". links.org.au. 26 دسمبر 2018 میں اصل سے آرکائیو شدہ. اخذ شدہ بتاریخ 22 جولا‎ئی 2016. 
  3. https://www.nawaiwaqt.com.pk/01-Aug-2016/495528