معز الدین کیقباد

آزاد دائرۃ المعارف، ویکیپیڈیا سے
Jump to navigation Jump to search
معز الدین کیقباد

معز الدین کیقباد (کے قباد پڑ) (1286ء تا 1290ء) سلطنت دہلی کا دسواں سلطان تھا جو خاندان غلاماں سے تعلق رکھتا تھا۔ وہ غیاث الدین بلبن (1266ء تا 1286ء) کا پوتا تھا۔

بلبن کے دور حکومت میں جانشینی کا مسئلہ درپیش ہوا۔ اس کی پہلی پسند اس کا بیٹا محمد تھا لیکن وہ جلد انتقال کر گیا۔ بلبن کا دوسرے بیٹے بغرا خان نے تخت حاصل کرنے سے انکار کر دیا کیونکہ وہ پہلے ہی بنگال کا گورنر تھا۔ بالآخر بلبن نے اپنے پوتے کیخسرو (کے خسرو پڑھا جائے گا) کو اپنا جانشیں مقرر کیا۔ لیکن جب بلبن کا انتقال ہوا تو درباریوں نے معز الدین کیقباد کو تخت پر بٹھا دیا۔ 4 سال بعد وہ بیمار پڑ گیا اور بالآخر 1290ء میں خلجی سرداروں کے ہاتھوں مارا گیا۔ اس کا تین سالہ بیٹا کیومرث اس کی جگہ بر سر اقتدار آیا لیکن جلد ہی تخت سے اتار دیا گیا اور اس طرح خاندان غلاماں کے دور کا اختتام اور خلجیوں کے دور کا آغاز ہوا۔