الفونسا

مقدسہ الفونسا
پیدائش	19 اگست 1910(1910-08-19)
وفات	28 جولائی 1946(1946-70-28) (عمر  35 سال)
سعادت ابدی	8 فروی 1986ء
قداست	12 اکتوبر 2008ء, ویٹیکن سٹی بدست پوپ بینڈکٹ XVI
مزار	سینٹ میری شامی مالابار چرچ، بھرننگانم، کیرلا، بھارت
تہوار	28 جولائی (شامی مالابار)
منسوب خصوصیات	کاتھولک مقدسہ
سرپرستی	بیماری اور پاؤں سے متعلق امراض کے خلاف، چیروپُشپا مشن لیگ، ہندوستان

مضامین بسلسلہ
بھارت میں مسیحیت
پس منظر مقدس توما کے مسیحی (نصرانی) Saint Thomas Christian churches Saint Thomas Christian cross Synod of Diamper Coonan Cross Oath Malankara (historical)
شخصیات مقدس توما رسول مقدسہ الفونسا مقدس فرانسس زیویر Saint Gonsalo Garcia Saint Euphrasia Eluvathingal Saint Kuriakose Elias Chavara مقدسہ مدر ٹریسا Bl.Devasahayam Pillai Mar Sabor and Mar Proth Mar Baselios Eldho Paremmakkal Thoma Kathanar Thomas of Cana Ignatius Elias III Mar Gregorios of Parumala Mar Varghese Payyappilly Palakkappilly Mar Joseph C. Panjikaran Mathews Mar Athanasius Metropolitan Mar Geevarghese Dionysius Abraham Malpan Palackal Thoma Malpan Mar Augustine Kandathil ولیم کیری
فرقے کاتھولک Catholic Church in India، Syro-Malabar Catholic، Syro-Malankara Catholic اورینٹل راسخ الاعتقاد Brahmavar Orthodox Church، Malankara Jacobite Syrian Orthodox Church، ملنکارا راسخ الاعتقاد سریانی کلیسیا کلیسیائے مشرق Chaldean Syrian، Malankara Church اصلاح شدہ اورینٹل راسخ الاعتقاد Mar Thoma Syrian، Malabar Independent Syrian Church پروٹسٹنٹ Andhra Evangelical Lutheran، Assemblies Jehovah Shammah، Christian Revival Church، Church of North India، Church of South India، Garo Baptist، Indian Brethren، Indian Pentecostal Church of God، Church of God (Full Gospel)، North Bank Baptist Christian، Northern Evangelical Lutheran، Presbyterian، The Pentecostal Mission، St. Thomas Evangelical، Seventh-day Adventist، United Evangelical Lutheran
باب بھارت میں مسیحیت

مقدسہ الفونسا (پیدائشی نام انّا مُٹاتُو پاڈاتو؛ 19 اگست 1910ء – 28 جولائی 1946ء) ایک ہندوستانی مسیحی راہبہ اور معلمہ تھیں۔ الفونسا پہلی ہندوستانی نژاد خاتون تھی جنھیں کاتھولک کلیسیا نے مقدسہ (ولیہ) کا رتبہ عطا کیا، نیز وہ بھارت میں واقع مشرقی کاتھولک شامی مالابار کاتھولک کلیسیا کی پہلی مقدسہ تھیں۔ الفونسا کی یاد میں 28 جولائی کو یوم تہوار منایا جاتا ہے۔

ابتدائی زندگی

الفونسا ایک شامی مالابار نصرانی خاندان میں چیریان اوزیف اور میری مُٹاتو پاڈاتو کے یہاں کوٹایم کے قریب واقع کوڈاملور میں 19 اگست 1910ء کو پیدا ہوئیں اور 27 اگست کو انھیں بپتسمہ دیا گیا۔ الفونسا کی جائے پیدائش کیرالا کی نوابی ریاست تراونکور کے ایک گاؤں ارپوکارا ہے۔ یہ علاقہ آرچ ڈائیوسیز آف چنگناشیری میں پڑتا ہے۔

ان کے والدین انھیں پیار سے انّاکُٹی (چھوٹی انا) پکارا کرتے تھے۔ ان کا بچپن خاصی مشکلوں میں گذرا اور اپنی زندگی کے ابتدائی برسوں ہی میں انھیں تکلیفوں اور مصائب کا خاصا تجربہ ہوا۔ ان کے سوانح نگار لکھتے ہیں کہ بچپن میں انھیں ان کی سخت گیر اور درشت رضاعی ماں بہت پریشان کرتیں اور اسکول کے بچے بھی انھیں ستایا کرتے تھے۔ انا کو ان کے تایا پادری جوزف پڑھاتے تھے۔ جب انّا تین برس کی تھیں تو انھیں چھاجن کا مرض لاحق ہو گیا جو ایک سال تک رہا۔

سنہ 1916ء میں انّا نے آرپوکرا کے اسکول میں داخلہ لیا۔ 27 نومبر 1917ء کو الفونسا نے پہلی بار عشائے ربانی تناول کیا۔ سنہ 1918ء میں انھیں مٹوچیرا کے اسکول میں منتقل کر دیا گیا۔ چونکہ انا ایک صاحبِ ثروت خاندان سے تھیں اس لیے انھیں اونچے گھرانوں سے شادی کی متعدد پیشکش کی گئی۔ ان کی رضاعی ماں چاہتی تھیں کہ وہ کسی مالدار گھر میں بیاہی جائے۔ تاہم انّا نے ان تمام مادی ترغیبات اور آسائشوں کو ٹھکرا کر اپنی زندگی یسوع مسیح کے نام پر قربان کرنے کا عزم کر لیا تھا۔ سنہ 1923ء میں جلتے بھوسے کے ایک گڑھے میں گرنے سے انّا کے پیر جل گئے۔ مقامی افراد کے مطابق یہ سانحہ دانستہ پیش آیا تھا، انّا کی رضاعی ماں ان کی شادی کرنا چاہتی تھی جبکہ وہ اس پر رضامند نہیں تھیں، ان کی خواہش تھی کہ وہ اپنی زندگی مذہب کے لیے وقف کر دیں، چنانچہ اس سانحے کے بعد وہ ہمیشہ کے لیے کچھ معذور ہو گئی۔

معجزات

ان کے ہاتھوں کئی سو کراماتی علاج رونما ہوئے ہیں جن میں بہت سے مڑے پیروں والے مریض بھی تھے، ان کے پیر سیدھے ہوئے۔ شاید اس لیے کہ وہ خود بھی بگڑے پیروں کے ساتھ رہی تھیں۔ ان میں سے دو واقعات کو ان کی کرامات کے ثبوت کے طور پر اجتماع برائے امور مقدسین (Congregation for the Causes of Saints) میں پیش کیا گیا ہے اور مزید کرامات کو "PassionFlower" مجلے میں پیش کیا گیا ہے۔

وفات

صحت کے انتہائی سنگین مسائل سے دوچار ہونے کے بعد الفونسا نے 28 جولائی 1946ء کو دار فانی سے کوچ کیا۔ اس وقت ان کی عمر چھتیس برس تھی۔ الفونسا سینٹ میری کاتھولک چرچ، بھرننگانم، ٹریونکور میں پالا ڈایوسیز میں دفن ہوئیں۔

مزار

مقدسہ الفونسا کی قبر

ان کا مزار سینٹ میری کاتھولک چرچ، بھرننگانم میں واقع ہے، جہاں مسیحی زائرین بڑی تعداد میں آتے ہیں اور یہاں کئی معجزات بھی دیکھے گئے ہیں، مثلاً مریضوں کی معجزاتی شفا یابی وغیرہ۔

الفونسا - سنگ میل

واقعہ	تاریخ
پیدائش	19 اگست 1910ء
بپتسمہ	27 اگست 1910ء
پہلی بار عشائے ربانی تناول فرمایا	27 نومبر 1917ء
سر ڈھانپا	2 اگست 1928ء
کیتھولک کلیسیا کے نویٹایٹ میں داخل ہوئیں	19 مئی 1930ء
اپنا ابدی اقرار یا عہد کیا	12 اگست 1936ء
وفات	28 جولائی 1946ء
قیام عدالت کے لیے نامزدگی	2 دسمبر 1953ء
رسولی عدالت کا آغاز	15 جولائی 1980ء
سعادت ابدی	8 فروری 1986ء
قداست	12 اکتوبر 2008ء

مزید دیکھیے

• مقدس توما کے مسیحی
• بھارت میں مسیحیت
• توما

بیرونی روابط

• دفتری ویب سائٹ
• St. Alphonsa Anna Muttathupadam of the Immaculate Conception, F. C. C.
• Pope John Paul II On Blessed Alphonsa of India
• 100 Maxims of the saint