مگہی زبان

مگہی
ماگدھی
मगही
دیوناگری رسم الخط میں ”مگہی“ لفظ
دیس	بھارت اور نیپال
خطہ	مگدھ (جنوبی بہار، شمالی جھارکھنڈ اور شمال مغربی مغربی بنگال)،مشرقی نیپال کا ترائی علاقہ
قوم	مگہی
اہل زبان	12.7 ملین (2011ء کی مردم شماری) (اضافی بولنے والوں کو ہندی کے تحت شمار کیا جاتا ہے)
لسانی خاندان	ہند۔یورپی ہند ایرانی ہند آریائی مشرقی ہند آریائی (ماگدھی) بہاری مگہی
ابتدائی شکلیں	ماگدھی پراکرت ماگدھی اپ بھرنش اوہٹ (ابہٹ)
بولیاں	جنوبی مگہی شمالی مگہی وسطی مگہی کھورٹھا (مشرقی مگہی)
نظام تحریر	دیوناگری (سرکاری) کیتھی (سابقہ)
سرکاری حیثیت
تسلیم شدہ اقلیتی زبان	بھارت جھارکھنڈ
رموزِ زبان
آیزو 639-2	mag
آیزو 639-3	mag
گلوٹولاگ	maga1260
علاقے جہاں مگہی بولی جاتی ہے

مگہی یا ماگدھی بھارت کے مشرقی وسطیٰ میں بولی جانے والی ایک اہم زبان ہے۔ اس کا قریبی تعلق بھوجپوری اور میتھلی زبانوں سے ہے اور ان تینوں کو عموماً بہاری زبان کی بولیاں شمار کیا جاتا ہے۔ مگہی کو دیوناگری یا کیتھی رسم الخط میں لکھا جاتا ہے۔ سنہ 2002ء کی مردم شماری کے مطابق، مگہی بولنے والوں کی تعداد تقریباً 1 کروڑ 30 لاکھ ہے اور یہ زبان بہار کے مختلف علاقوں جیسے گیا، پٹنہ، راجگیر، نالندہ اور جہان آباد میں زیادہ بولی جاتی ہے۔

مگہی زبان کو ایک مذہبی زبان کے طور پر بھی اہمیت حاصل ہے، کیونکہ کئی جین مت کے متون اسی زبان میں لکھے گئے ہیں۔ مگہی کی روایت زیادہ تر زبانی شکل میں زندہ ہے اور یہ آج بھی عوامی سطح پر استعمال ہوتی ہے۔ مگہی کا پہلا مشہور مہاکاوی (مثنوی) ”گوتم“ مہاکوی یوگیش نے 1960ء – 1962ء کے درمیان تحریر کیا تھا۔ یوگیشور سنگھ یوگیش کو جدید مگہی کے سب سے مشہور شاعر کے طور پر جانا جاتا ہے اور ان کی جینتی 23 اکتوبر کو مگہی دن کے طور پر منائی جاتی ہے۔

سنہ 2002ء میں رام پرساد سنگھ کو مگہی زبان کے حوالے سے ان کی خدمات کے اعتراف میں ساہتیہ اکادمی اعزاز دیا گیا۔

کچھ ماہرین کا خیال ہے کہ مگہی زبان سنسکرت کی ایک شکل ہے، مگر یہ بات بھی قابل ذکر ہے کہ بدھ اور مہاویر دونوں کی تعلیمات کی زبان ماگدھی ہی تھی۔ بدھ نے زبان کی قدامت کے بارے میں واضح طور پر کہا تھا کہ "یہ ماگدھی ہی اصل زبان ہے"۔ اس لیے مگہی زبان کا تعلق براہ راست ماگدھی سے ہے اور اس کی رسم الخط کیتھی ہے۔