میاں کل آنا

میاں کل آنا
میاں کل آنا मियां कल आना
ہدایت کار	شمس نواب صدیقی
پروڈیوسر	نواز الدین صدیقی
ستارے	جے ہند کمار منیشا مرزارے
ایڈیٹر	صادق اقبال
دورانیہ	17 منٹ
ملک	بھارت
زبان	ہندی زبان

میاں کل آنا (انگریزی: Mister Come Tomorrow) ایک مختصر فلم ہے جس کی ہدایت شمس نواب صدیقی نے کی اور فلمسازی نواز الدین صدیقی کی تھی جنھوں نے فلم بنانے کا کام اس فلم سے شروع کیا۔

ستارے

• جے ہند کمار
• منیشا مرزارے
• الیاس خان
• معاذ الدین صدیقی

خلاصہ

مزید دیکھیں: طلاق مغلظہ اور حلالہ

یہ فلم بھارتی مسلمانوں میں 2018ء سے پہلے ایک ہی نشست میں تین طلاق اور حلالہ کے پائے جانے والے واقعات پر مبنی ہے۔ فلم کا کردار امتیاز اپنی اہلیہ کو غصے کی حالت میں تین طلاق دے دیتا ہے۔ غصے کے دور ہونے کے بعد وہ اپنی اہلیہ کو واپس حاصل کرنا چاہتا ہے۔ مگر اسے یہ احساس ہوتا ہے کہ اب وہ اپنی اہلیہ سے دوبارہ شادی تبھی کر سکتا ہے جب وہ کسی اور سے شادی کر لے دوسرا شوہر اس سے ہم بستری بھی کر لے (جیسا کہ حلالہ قانون کی تعلیم ہے)۔ اس وجہ سے چاروناچار امتیاز کو اپنے جذبات کی قربانی دے کر اپنی بیوی کا کسی اور سے نکاح کروانا پڑتا ہے۔ مگر جب اہلیہ نکاح ثانی کے دوسرے دن امتیاز حاصل کرنا چاہتا ہے، نو وارد دولہا اس کے لیے راضی نہیں ہوتا کیوں کہ شادی کے مزید فوائد حاصل کرنا چاہتا ہے۔ وہ امتیاز کو دھوکا دیتا ہے کہ اس نے ہم بستری نہیں کی۔ یہ سلسلہ چلتا رہتا ہے اور امتیاز کو اہلیہ کے حصول کے لیے جد و جہد کرنی پڑتی ہے۔

حلالہ پر اسٹینگ آپریشن

مزید دیکھیں: اسٹینگ آپریشن

انڈیا ٹوڈے کے ایک اسٹینگ آپریشن میں پتہ چلا ہے کہ کئی علمائے دین خود کو محض ایک سہاگ رات کے لیے آگے پیش کر رہے ہیں۔ یہ لوگ ان مطلقہ مسلمان عورتوں کا جنسی استحصال کر رہے ہیں جو اپنی تین طلاق کے ذریعے ٹوٹی ہوئی سابقہ شادی کا احیا کرنے کی کوشش کر رہی ہیں۔ تحقیق سے پتہ چلا ہے کہ حلالہ کے لیے یہ حضرات فی واقعہ 20,000 روپے سے لے کر ڈیڑھ لاکھ روپے بھی وصول کرتے ہیں۔

مزید دیکھیے

• طلاق مغلظہ
• حلالہ
• نکاح (1982ء کی فلم)

بیرونی روابط

• میاں کل آنا یوٹیوب پر