نریندر مودی

نریندر مودی
(گجراتی میں: નરેન્દ્ર દામોદરદાસ મોદી)
وزیر اعظم بھارت (چودہویں)
آغاز منصب 26 مئی 2014
صدر	پرنب مکھرجی رام ناتھ کووند
منموہن سنگھ
چودہویں وزیر اعلیٰ گجرات
مدت منصب 7 اکتوبر 2001 – 22 مئی 2014
گورنر
کیشوبھائی پاٹل آنندی بین پاٹل
رکن پارلیمان، لوک سبھا
آغاز منصب 16 مئی 2014
مرلی منوہر جوشی
رکن گجرات قانون ساز اسمبلی
مدت منصب 1 جنوری 2002 – 16 مئی 2014
کملیش پاٹل سوریش پاٹل
معلومات شخصیت
پیدائشی نام	(انگریزی میں: Narendra Damodardas Modi)
پیدائش	17 ستمبر 1950 (70 سال)  وادناگار
رہائش	7، لوک کلیان مارگ، نئی دہلی
شہریت	بھارت
قد	1.78 میٹر،  5.7 فٹ
وزن	75 کلو گرام
جماعت	بھارتیہ جنتا پارٹی
رکن	بھارتیہ جنتا پارٹی
زوجہ	جیشودابن نریندرابھائی مودی
تعداد اولاد	0
عملی زندگی
مادر علمی	دہلی یونیورسٹی (–1978)
تخصص تعلیم	سیاسیات
پیشہ	سیاست دان
مادری زبان	گجراتی
پیشہ ورانہ زبان	ہندی،  انگریزی،  گجراتی
اعزازات
آرڈر آف زاید (2019)  آرڈر آف سینٹ اینڈریو (2019)  آرڈر آف عبد العزیز السعود  (2016) سی این این نیوز 18 انڈین آف دی ائیر (2014)
دستخط
ویب سائٹ
ویب سائٹ	باضابطہ ویب سائٹ
	IMDB پر صفحات

نریندر دامودر داس مودی (گجراتی: નરેન્દ્ર મોદી) بھارتی سیاست دان اور موجودہ وزیر اعظم ہیں۔ اس سے قبل مودی گجرات (بھارت) کے وزیر اعلیٰ رہ چکے ہیں۔ ان کی پیدائش 17 ستمبر 1950ء کو شمالی گجرات کے مہسانہ ضلع میں ہوئی۔ مودی کا سیاسی سفر 1984ء میں شروع ہوا۔ جب آر ایس ایس نے اپنے چند ارکان کو بھارتیہ جنتا پارٹی میں بھیجا، ان میں مودی بھی شامل تھے۔ انہوں نے لال کرشن اڈوانی کی سومناتھ – ایودھیا یاترا اور مرلی منوہر جوشی کی کنیاکماری – کشمیر یاترا میں حصہ لیا۔ سنہ 1995ء میں انہوں نے گجرات میں انتخابات کے پرچار کی ذمہ داری نبھائی۔ ان کی ولادت وادی نگر کے ایک چھوٹے سے خاندان میں ہوئی تھی۔ انہوں نے بچپن میں اپنے والد کے ساتھ چائے بیچی۔ آٹھ سال کی عمر میں انہوں نے آر ایس ایس سے اپنا تعلق وابستہ کیا۔ کم عمری میں طے شدہ شادی کی وجہ سے انہوں نے ہائی اسکول مکمل کرنے کے بعد گھر چھوڑ دیا اور دو سال تک شہر در شہر گھومتے رہے۔ گجرات لوٹنے سے قبل وہ کئی مذہبی مراکز کی زیارت کر چکے تھے۔ 1971ء میں وہ سنگھ کے مکمل رکن بن گئے۔ ہنگامی صورت حال کے دوران میں انہیں روپوش ہوجانا پڑا۔ 1985ء میں سنگھ نے انہیں بی جے پی میں شامل کر دیا اور 2001ء تک وہ پارٹی میں کئی عہدوں پر فائز رہے۔

سنہ 2001ء میں اس وقت کے وزیر اعلیٰ کیشو بھائی پٹیل کے استعفی دینے کے بعد مودی کو وزیراعلیٰ بنایا گیا۔ اس کے فوراً بعد وہ گجرات اسمبلی کے لیے منتخب ہوئے۔ گجرات فسادات میں ان کی زبردست کرکری ہوئی اور انہیں براہ راست اس کا ذمہ دار بتایاگیا۔ مگر عدالت عظمی کو ان کے خلاف کوئی ثبوت نہیں ملا۔ بحیثیت وزیر اعلیٰ گجرات ان کے کام کاج کی بہت تعریف ہوئی۔ وہ تعلیم، غربت اور صحت کے میدان میں اچھا کام نہ کرنے پر تنقید کا نشانہ بھی بنے۔

ابتدائی زندگی

مودی کی پیدائش 17 ستمبر 1950ء کو گجرات کے مہسانہ ضلع میں ایک غریب خاندان میں ہوئی۔ ان کے والد دامودر داس ریلوے سٹیشن پر چائے بیچتے تھے اور والدہ ہیرا بین گزر بسر میں مدد کے لیے لوگوں کے گھروں میں کام کرتی تھیں۔ بچپن میں خود نریندر مودی اپنے والد کے ساتھ ٹرینوں میں چائے بیچا کرتے تھے۔ ان کے سوانح نگار کے مطابق بچپن میں ان کے ذہن میں سنیاسی بننے کا بھی خیال آیا تھا اور وہ کچھ دن راماکرشن مشن میں بھی جا کر رہے۔ 17 سال کی عمر میں جشودا بین سے ان کی شادی ہوئی لیکن دونوں کبھی ساتھ نہیں رہے۔

راشٹریہ سویم سیوک سنگھ میں شمولیت

1967ء میں ہندو نظریاتی تنظیم آر ایس ایس میں شمولیت اختیار کر لی تھی اور 70 کی دہائی سے پرچارک یا تنظیم کے مبلغ کے طور پر کام کر نا شروع کر دیا۔

الزامات و تنقید

نریندر دامودر داس مودی متنازع شخصیت کے مالک ہیں۔ مودی کے مخالفین انھیں تفرقہ پیدا کرنے والی شخصیت گردانتے ہیں۔ سنہ 2002ء کے گجرات فسادات کے دوران مودی گجرات کا وزیراعلیٰ تھا جس کی وجہ سے ان پر الزام دیا جاتا ہے کہ وہ پس پردہ اس میں ملوث تھے۔

تصنیف

نریندر مودی نے سنہ 2008ء میں ایک کتاب گجراتی زبان میں ’جيوتی پونج ‘ لکھی تھی جس میں انھوں نے ہندو نظریاتی تنظیم راشٹریہ سویم سیوک سنگھ یعنی آر ایس ایس گمنام رہنے والے کے کارکنان کے بارے میں لکھا ہے۔

بیرونی روابط

• اردو میں سرکاری ویب سائٹ
• @narendramodiU اُردُو ٹؤٹر کھاتہ
• @narendramodi ٹؤٹر کھاتہ
• نریندر مودی رسمی موقع
• نریندر مودی ذاتی بلاگ
• بی بی سی، "برطانیہ اور نریندر مودی کے تعلقات بحال"

دیگر

• پروفائل بی بی سی پر