نغمے کا قتل (ناول)

نغمے کا قتل

پہلی اشاعت کا سر ورق
مصنف	ہارپر لی
ملک	ریاستہائے متحدہ امریکا
زبان	انگریزی
صنف	جنوبی گوتھ، بلڈونگزرومان
اشاعت	11 جولائی 1960
ناشر	جے۔ بی۔ لپنکوڈ اینڈ کارپوریشن
صفحات	281

نغمے کا قتل (انگریزی: To Kill a Mockingbird) ہارپر لی کا ناول ہے جو 1960ء میں شائع ہوا اور اشاعت کے فوراً بعد ہی اسے ناقدین اور قارئین سے انتہائی پسندیدگی کی سند حاصل ہو گئی تھی۔ اس ناول کی آج تک 30 ملین سے زائد کاپیاں فروخت ہو چکی ہیں اور اس کا ترجمہ 40 سے زائد زبانوں میں کیا جا چکا ہے۔ اس ناول کو 1961ء میں پلٹزر انعام سے نوازا گیا۔ ناول کی کہانی ایک کم سن بچی اور اس کے روشن خیال والد کی ہے جو پیشے کے لحاظ سے وکیل ہے۔ جب وہ ایک سیاہ فام کا مقدمہ لڑتا ہے تو سفید فام برادری ان کے لیے مشکلات کھڑی کر دیتی ہے، اس ناول میں ان دشواریوں اور امریکی معاشرے کی نسلی تفاوت کو بہت اثر انگیز انداز سے پیش کیا گیا ہے۔ اس ناول پر ایک فلم بھی بن چکی ہے جو خاصی کامیاب ہوئی۔ وکیل ایٹیکس کا مرکزی کردار مشہور اداکار گریگوری پیک نے ادا کیا جنہیں اس کردار کو نبھانے پر آسکر ایوارڈ ملا۔

الطاف فاطمہ نے اس ناول کا اردو ترجمہ ”نغمے کا قتل“ کے عنوان سے کیا ہے جسے اردو ترجمے میں ایک مثالی حیثیت حاصل ہے۔

مزید دیکھیے

• ہارپر لی