نقص الدم

نقص الدم
دیگر نام	قصر الدم، بے دمویت، قلت الدم
بلڈ اسمیئر (Blood smear) جس میں خون میں فولاد کی قلت ظاہر ہو رہی ہے اور سرخ خون کے خلیات چھوٹے اور ماند دکھائی دے رہے ہیں۔
تلفظ	/əˈniːmiə/
اختصاص	دمیات
علامات	تھکا محسوس کرنا، زرد جلد، کمزوری، سانس پھولنا، مد ہوشی
اسباب	خون کا ضیاع، سرخ خون کے خلیات کی پیداوار میں کمی اور سرخ خون کے خلیات کا زیادہ ٹوٹنا
تشخیصی طریقہ	خون میں ہیموگلوبن کی پیمائش
شرح	1.92 بلین / 24% (2021ء)

نقص الدم یا بے دمویت یا قصر الدم / خون کی کمی (انیمیا) ایسی حالت کو کہتے ہیں جس میں کسی شخص کے خون میں ہیموگلوبن کی مقدار عام اور مناسب مقدار سے کم ہو جاتی ہے۔ آئرن (فولاد) کے ایٹم کا حامل مالیکیول ہیموگلوبن ایک لحمیہ ہے۔ ہیموگلوبن خون کے سرخ خلیوں میں ہوتی ہے اور اس کی وجہ سے خون کا رنگ سرخ دکھائی دیتا ہے۔ پھیپھڑوں میں آکسیجن کا ارتکاز زیادہ ہے۔ یہاں ہیموگلوبن آکسیجن کے ساتھ ایک کمزور بندھن بناتی ہے۔ بافتوں میں آکسیجن کا ارتکاز کم ہے۔ وہاں یہ بندھن ٹوٹتا ہے اور آکسیجن بافتوں کو ملتی ہے۔ اس طرح ہیموگلوبن بافتوں کو خون مہیا کرتی ہے۔ سر چکرانا، مختصر سانس آنا، جلد کا زرد ہو جانا، پیشاب کا زیادہ آنا اور بھوک کا کم لگتا انیمیا کی علامات ہیں۔

یہ بیماری خوراک کی کمی، الرجی اور زہر وغیرہ کی وجہ سے ہو سکتی ہے۔ علاج کے لیے ڈاکٹر سب سے پہلے اس بیماری کے سبب کا پتہ لگاتے ہیں اور پھر علاج شروع کیا جاتا ہے۔ انیمیا کی بہت سی صورتیں غذا میں آئرن اور وٹامن کی کمی کی وجہ سے لاحق ہوتی ہیں۔ ان حالتوں میں انیمیا کے علاج کے لیے خوراک میں آئرن اور وٹامن کا اضافہ کیا جاتا ہے۔ عام طور پر مردوں کے مقابلے میں عورتیں اس بیماری میں زیادہ مبتلا ہوتی ہیں۔