نند لال نور پوری

نند لال نور پوری
معلومات شخصیت
پیدائش	جون1906ء   برطانوی پنجاب
تاریخ وفات	سنہ 1966ء (59–60 سال)
شہریت	بھارت (26 جنوری 1950–) برطانوی ہند (–14 اگست 1947) ڈومنین بھارت (15 اگست 1947–26 جنوری 1950)
عملی زندگی
پیشہ	نغمہ نگار ،  مصنف ،  غنائی شاعر ،  شاعر
پیشہ ورانہ زبان	پنجابی

نند لال نورپوری (1906–1966) بر صغیر کے ایک پنجابی شاعر، ادیب اور گیت کار تھے۔

ابتدائی زندگی

ان کی پیدائش پنڈ نورپور گاؤں، ضلع لائلپور (موجودہ فیصل آباد)، برطانوی ہند میں ہوئی۔ ان کے والد کا نام بشن سنگھ اور والدہ کا نام حکم دیوی تھا۔ انھوں نے اپنی ابتدائی پڑھائی خالصہ اسکول لائل پور ( موجودہ فیصل آباد پاکستان )اور خالصہ کالج لائلپور سے حاصل کی۔

بھارت منتقلی

نند لال نورپوری کی شادی سمترا دیوی سے ہوئی تھی اور یہ خاندان تقسیم ہند کے بعد ہجرت کر کے جالندھر منتقل ہو گیا تھا۔

کام

1940ء میں انھوں نے پولیس کے محکمے کی نوکری چھوڑکر پنجاب واپسی اختیار کی اور ایک پنجابی فلم منگتی کے لیے نغمے لکھے۔ اس کی وجہ سے لال پنجاب کی جانی مانی شخصیت بن گئے۔ مگر بٹوارے نے سب کچھ بدل دیا۔ ذریعۂ معاش معدوم ہو گیا۔ وہ اپنا گھر اور آمدنی کھو دیے اور جالندھر آ پہنچے۔ بعد میں انھیں ریڈیو پر کام ملا اور وہ کوی درباروں کا حصہ بننے لگے۔ ان کے نغموں کو پنجاب کے مشہور گلوکار گانے لگے تھے، جن میں محمد رفیع، سریندر کور، آسا سنگھ مستانہ، پرکاش کور، اے ایس کانگ اور دوسرے شامل تھے۔

انتقال

اپنی غربت اور حکومت کی جانب سے کسی بھی مدد یا اعزاز کے نہ ہونے کی وجہ سے انھوں نے 13 مئی 1966ء کو خود کشی کی۔ زندگی ختم کرنے کے لیے انھوں نے اپنے ماڈل ہاؤز، بلاک اے کالونی، جالندھر کے گھر کے نزدیک ایک کنویں میں چھلانگ لگا دی۔

نند لال نور پوری سوسائٹی

کچھ سال پہلے کچھ شعرا اور صحافی نے مل نند لال نور پوری سوسائٹی تشکیل دی جس کا مقصد اس شاعر کے کام کا فروغ تھا۔ موجودہ طور پر یہ صرف ایک سالانہ انعام گلوکاروں اور شاعروں کو عطا کرتا ہے۔ جدید عرصے میں انعام یافتگان میں سربجیت چیما شامل ہیں، جو مادہ جنین کشی پر ایک نغمہ گا چکے ہیں۔