نواب فیض النساء

نواب فیض النساء
(بنگالی میں: ফয়জুন্নেসা চৌধুরানী)
نواب
دور حکومت	1883–1903
معلومات شخصیت
پیدائش	1834 پشچم گاؤں، ہمنآباد پرپگنہ، بنگال پریزیڈنسی، برطانوی راج (موجودہ لاکسام وپازیلا، بنگلہ دیش)
وفات	1903ء (عمر 68–69) Pashchimgaon, Homnabad Pargana, بنگال پریزیڈنسی، British Raj
شہریت	برطانوی ہند
شریک حیات	محمد غازی
والد	احمد علی چودھری اور شہزادہ مرزہ اورنگزیب
والدہ	بیگ معار فالنسا چودھرانی
نسل	ارشاد النسا چودھرانی بدرالنسا چودھرانی
دیگر معلومات
پیشہ	مصنفہ
مادری زبان	بنگلہ
پیشہ ورانہ زبان	بنگلہ
اعزازات
اکوشی پادک

نواب بیگم فیض النساء چودھرانی (1834ء تا 1903ء) ہومنا آباد کی زمیندار تھیں جو آج کل بنگلہ دیش کے ضلع کومیلا کی پشم گاؤں ریاست ہے۔وہ خواتین کی تعلیم اور دوسرے سماجی کاموں کے لیے بہت مشہور ہیں۔ان کی سماجی خدمات کے اعتراف میں 1889ء میں ملکہ وکٹوریا نے فیض النساء کو "نواب" کے لقب سے نوازا۔ اس لقب "نواب" نے انہیں جنوبی ایشیا کی پہلی نواب خاتون کا اعزاز بخشا۔

فیض النساء کا علمی و ادبی کام 1857ء کے بعد سے تعلق رکھتا ہے جب مسلمان ہر طرف سے تنزلی کا شکار تھے۔ فیض النساء نے اس دور میں اپنی تہذیب کو مد نظر رکھتے ہوئے خواتین کی تعلیم کے لیے اسکول قائم کرنا شروع کیے۔ اس طرح انہوں نے مسلمان خواتین کو تعلیم سے روشناس کروا کے ناامید مسلمانوں میں اعتماد و مضبوطی کے اوصاف پیدا کرنے کی کوشش کی۔

مسلمان خواتین کی تعلیم کی حامی، ایک ہمدرد اور سماجی کارکن کے طور پر کام کرنے والی فیض النساء کومیلا میں پیدا ہوئیں جو آج کل کے بنگلہ دیش میں واقع ہے۔ ان کی شادی اپنے دور پرے کے کزن اور پڑوسی زمیندار، محمد غازی سے 1860ء میں ہوئی۔ فیض النساء اس کی دوسری بیوی تھیں اور صرف دو بیٹیوں کی پیدائش کے بعد انہوں نے اس سے علیحدگی اختیار کر لی۔ان کی بیٹیوں کے نام ارشد النساء اور بدرالنساء ہیں۔ 1883ء میں اپنی والدہ کی وفات کے بعد وہ زمیندار بن گئیں اور پھر سماجی اور فلاحی کاموں میں ان کی مصروفیات میں اضافہ ہو گیا اور اس طرح 1889ء میں انہیں برٹش انڈیا کی پہلی نواب خاتون ہونے کا اعزاز ملا۔ انہوں نے دوسرے ادبی کام بھی سر انجام دیے جیسے سنگیت سار، سنگیت لاہاری اور تتوا و جاتیا سنگیت وغیرہ۔ وہ اپنے پرخلوص علمی اور فلاحی کاموں، اسکولوں، مدرسوں اور ہسپتالوں کے قیام کے لیے جانی جاتی ہیں۔

ابتدائی زندگی اور پس منظر:
چودھرانی 1834ء میں پشم گاؤں جو ضلع کومیلا میں لکشم کے زیر تحت تھا، میں پیدا ہوئیں۔ ان کے والد احمد علی چودھری تھے جو شاہزادہ مرزا اورنگزیب، نواب، خان بہادر، مغل شہنشاہوں کی اولاد اور ہومنا آباد پشم گاؤں ریاست کے زمیندار کے طور پر بھی مشہور تھے۔