نگوگی وا تھیونگو

نگوگی وا تھیونگو
(کیکویو میں: Ngũgĩ wa Thiong'o)
معلومات شخصیت
پیدائش	5 جنوری 1938ء
وفات	28 مئی 2025ء (87 سال)  بفرڈ، جارجیا
شہریت	کینیا
رکن	امریکی اکادمی برائے سائنس و فنون
تعداد اولاد	9
عملی زندگی
مادر علمی	جامعہ لیڈز
پیشہ	ڈراما نگار ،  ناول نگار ،  مضمون نگار ،  استاد جامعہ ،  فلسفی ،  مصنف
مادری زبان	کیکویو
پیشہ ورانہ زبان	انگریزی ،  کیکویو
ملازمت	جامعہ نیور یارک ،  جامعہ کیلیفورنیا، اروین ،  نارتھ ویسٹرن یونیورسٹی ،  ییل یونیورسٹی ،  جامعہ نیور یارک
کارہائے نمایاں	ذہنی استعماریت کا خاتمہ
اعزازات
کیٹالونیا بین الاقوامی انعام (2020) بین الاقوامی نونینو انعام (2001) لوٹس انعام برائے ادب (1973)
نامزدگیاں
مین بکر انٹرنیشنل پرائز (2021)
ویب سائٹ	باضابطہ ویب سائٹ
	IMDB پر صفحات
باب ادب

نگوگی وا تھیونگو (جنم: جیمز نگوگی؛ 5 جنوری 1938ء – 28 مئی 2025ء) کینیائی ادیب اور ماہرِ تعلیم تھے، جنھیں مشرقی افریقا کے نمایاں ترین ناول نگاروں میں شمار کیا جاتا ہے اور جدید افریقی ادب کی اہم شخصیت مانا جاتا ہے۔

نگوگی نے ابتدائی طور پر انگریزی زبان میں لکھنا شروع کیا، بعد ازاں اپنی مادری زبان کیکویو کو ترجیح دی اور افریقی مقامی زبانوں میں ادب نویسی کے علمبردار حامی بن گئے۔ ان کے مشہور کاوشوں میں ناول The River Between، ڈرامے، افسانے اور ادبی و سماجی تنقید پر مبنی مضامین شامل ہیں، نیز بچوں کے لیے بھی ادب تخلیق کیا۔ وہ کیکویو زبان میں شائع ہونے والے جریدے مُتِیری (Mũtĩiri) کے بانی و مدیر تھے۔ سنہ 2016ء میں ان کی کہانی ”سیدھا کھڑا ہونے کا انقلاب انسان دو پیروں پر کیسے چلے“ (The Upright Revolution: Or Why Humans Walk Upright) کو 100 سے زائد زبانوں میں ترجمہ کیا جا چکا ہے۔

سنہ 1977ء میں نگوگی نے کینیا میں تھیٹر کا ایک نیا ماڈل متعارف کروایا، جس کا مقصد بورژوازی تعلیمی نظام سے آزادی حاصل کرنا اور تماش بینوں کو فعال شرکت کی دعوت دینا تھا تاکہ عام لوگ فنونِ لطیفہ میں صرف تماشائی نہ رہیں بلکہ خود اس عمل کا حصہ بنیں۔ ان کا ڈراما Ngaahika Ndeenda (نگوگی وا میری کے ساتھ مشترکہ تحریر) اگرچہ تجارتی لحاظ سے کامیاب رہا مگر اسے کینیا کی آمر حکومت نے چھ ہفتے بعد بند کر دیا۔

اس کے بعد نگوگی کو ایک سال سے زیادہ عرصے تک قید میں رکھا گیا۔ ایمنسٹی انٹرنیشنل نے انھیں ضمیر کا اسیر قرار دیا۔ رہائی کے بعد وہ جلاوطن ہو گئے۔ انھوں نے یونیورسٹی آف کیلیفورنیا، ارون میں تقابلی ادب اور انگریزی کے پروفیسر کی حیثیت سے خدمات انجام دیں۔ اس سے قبل وہ نارتھ ویسٹرن یونیورسٹی، ییل یونیورسٹی اور نیو یارک یونیورسٹی میں بھی تدریسی فرائض انجام دے چکے تھے۔

نگوگی کو متعدد بار نوبل انعام برائے ادب کے لیے ممکنہ امیدوار تصور کیا جاتا رہا۔ انھیں سنہ 2001ء میں انٹرنیشنل نونینو پرائز (اٹلی) اور سنہ 2016ء میں پارک کیونگنی انعام (جنوبی کوریا) سے نوازا گیا۔ ان کے بچوں میں موکوما وا نگوگی اور وانجیکو وا نگوگی بھی معروف ادیب ہیں۔

بیرونی روابط

• شعور انسانی پر استعمار کی لسانی تاخت از نگوگی وا تھیونگو
• سیدھا کھڑا ہونے کا انقلاب انسان دو پیروں پر کیسے چلے