وحید الزماں کیرانوی

آزاد دائرۃ المعارف، ویکیپیڈیا سے
Jump to navigation Jump to search
وحید الزماں کیرانوی
ناظم تعلیمات دار العلوم دیوبند
عہدہ سنبھالا
1983ء سے 1985ء تک[1]
معاون مہتمم دار العلوم دیوبند
عہدہ سنبھالا
1985ء سے 1987ء تک[1]
ذاتی
پیدائش17 فروری 1930
وفات15 اپریل 1995(1995-40-15) (عمر  65 سال)
مذہباسلام
فقہی مسلکحنفی
تحریکدیوبندی
بنیادی دلچسپیعربی ادب
قابل ذکر کامالقاموس الوحید، القاموس الجدید، القاموس الاصطلاحی
مادر علمیدار العلوم دیوبند
مرتبہ

وحید الزماں کیرانوی (1349 - 1415 هـ /1930 - 1995 م) ایک بھارتی اسلامی عالم دین، عربی زبان کے مایۂ ناز ادیب و مصنف اور دار العلوم دیوبند میں عربی ادب کے استاذ تھے۔[1]


آپ ہی نے عربی زبان و ادب کی مشق و تمرین کے لیے دار العلوم دیوبند کی محبوب عربی انجمن النادی الادبی کی داغ بیل ڈالی تھی۔[2]

ابتدائی زندگی اور تعلیم و تربیت[ترمیم]

آپ 13 شوال 1348ھ مطابق 17 فروری 1930ء کو اتر پردیش کے ضلع مظفر نگر میں واقع کیرانہ نامی قصبہ میں پیدا ہوئے تھے۔ ابتدائی حفظ و ناظرہ، عربی و فارسی کی تعلیم کیرانہ و جھنجھانہ میں جاری رہی، پھر تعلیم کے لیے اتفاقاً حیدرآباد منتقلی ہو گئی، وہاں آپ نے عربی زبان کی مشق و تمرین ایک عربی عالم علامہ مامون الدمشقی سے کی۔ پھر 1367ھ مطابق 1948ء میں دار العلوم دیوبند میں آپ کا داخلہ ہوا اور 1371ھ مطابق 1952ء میں دورۂ حدیث سے فارغ ہوئے۔ آپ کے اساتذۂ حدیث میں حسین احمد مدنی، محمد ابراہیم بلیاوی اور محمد اعزاز علی امروہوی کا نام شامل ہے۔[3]

درس و تدریس[ترمیم]

1963ء میں آپ دار العلوم دیوبند کے شعبۂ عربی کے استاذ مقرر ہوئے اور تقرری کے کے دو سال بعد آپ نے سہ ماہی مجلہ دعوۃ الحق جاری کیا، بعد میں اس کے بدل کے طور پر پندرہ روزہ الداعی جاری ہوا، جو ماہنامہ کی شکل میں اب بھی جاری ہے۔ دار العلوم دیوبند میں آپ کی تدریس کا دور؛ تیس سالہ عرصہ پر محیط ہے، جس دوران؛ کتب حدیث میں شرح معانی الآثار، سنن نسائی جیسی کتابیں بھی آپ سے متعلق تھیں؛ البتہ عربی زبان کی تعلیم و تدریس سے آپ کا زیادہ تعلق رہا۔[4]

تالیفات[ترمیم]

آپ کی کچھ ناقابلِ فراموش تصانیف مندرجۂ ذیل ہیں:[2]

  • القاموس الوحید (عربی سے اردو لغت)
  • القاموس الجدید (عربی سے اردو اور اردو سے عربی)
  • القاموس الاصطلاحی (عربی سے اردو اور اردو سے عربی)
  • القراءۃ الواضحہ: (مکمل تین حصے) جو بر صغیر کے بیشتر مدارس میں درس نظامی میں داخلِ نصاب ہے۔
  • نفحۃ الادب: یہ بھی بہت سے مدارس میں داخلِ نصاب ہے۔
  • جواہر المعارف: (آپ نے اس کتاب میں مفتی محمد شفیع دیوبندی کی تفسیر معارف القرآن سے اہم علمی و تحقیقی مباحث کو جمع فرمایا۔)
  • تقسيم اله‍ند و المسلمون في الجمه‍ورية اله‍ندية: محمد احمد کاظمی کی کتاب تقسیم ہند اور مسلمان کا عربی ترجمہ

حوالہ جات[ترمیم]

  1. ^ ا ب پ ڈاکٹر مولانا محمد اللّٰہ قاسمی. دار العلوم دیوبند کی جامع و مختصر تاریخ. شیخ الہند اکیڈمی، دار العلوم دیوبند. صفحہ 681-751-752. 
  2. ^ ا ب نور عالم خلیل امینی. پسِ مَرگِ زندہ. ادارہ علم و ادب، دیوبند. صفحہ 295-296. 
  3. نور عالم خلیل امینی. وہ کوہ کَن کی بات. ادارہ علم و ادب، دیوبند. صفحہ 217-245. 
  4. مقدمۂ القاموس الوحید. کتب خانہ حسینیہ، دیوبند. صفحہ 83-84.