ودرنگ ہائیٹس

ودرنگ ہائیٹس

’ودرنگ ہائیٹس‘ (مترجمۂ سیف الدین حسام) کا سرورق
مصنف	ایملی برونٹی
اصل عنوان	Wuthering Heights
مترجم	سید قاسم محمود خاطر غزنوی سیف الدین حسام رئیس احمد جعفری
ملک	برطانیہ
زبان	انگریزی
صنف	المیہ، گوتھک فکشن
محل وقوع	شمالی انگلستان
اشاعت	24 نومبر 1847ء
ناشر	تھامس کاٹلی نیوبی
او سی ایل سی	71126926
ڈیوی اعشاری	823.8
ایل سی درجہ بندی	PR4172 .W7 2007
ریختہ ای بکس	ودرنگ ہائیٹس (از سیف الدین) عشق بلا خیز (از سید قاسم محمود) محبت کا انتقام (از رئیس احمد جعفری)

”وُدرِنگ ہائیٹس“ (Wuthering Heights) انگریز ادیبہ ایملی برونٹی کا واحد شاہکار ناول ہے جو ابتداعاً 1847ء میں ان کے قلمی نام ”ایلِس بیل“ سے شائع ہوا۔ اردو میں متعدد دفعہ ترجمہ ہو چکا ہے۔ سید جاوید اختر ایملی کی اس شہرۂ آفاق تخلیق کے متعلق لکھتے ہیں: ”ودرنگ ہائٹس ۱۸۴۷ء میں شائع ہوا۔ ایملی برانٹی کی وفات سے صرف ایک سال پہلے۔ مصنفہ اس وقت محض ۲۹ سال کی تھی لیکن اس کے قلم نے جس اعجاز کے ساتھ ودرنگ ہائٹس نامی حویلی میں پلنے بڑھنے والے لا وارث لڑکے ہیتھ کلف کا کردار پیش کیا ہے وہ شاید کوئی جہاں دیدہ اور بوڑھا ادیب بھی نہ کر سکتا۔ حقیقت یہ ہے کہ ایملی نے اپنے زور دار تصور سے دو نسلوں پر پھیلی ہوئی یہ عجیب و غریب اور سنسنی خیز داستان بیان کر کے انیسویں و بیسویں صدی کے لاکھوں قارئین کو ورطہ حیرت میں ڈال دیا ہے۔“

خلاصہ

یہ ناول مغربی یارک شائر فارم ہاؤس میں دو ایسے خاندانوں کی کہانی ہے جن کی اپنے جذبات پر قابو پانے میں ناکامی کا نتیجہ تشدد اور انتقام کی صورت میں نکلتا ہے۔ کہانی کا مرکزی کردار ہیتھ کلف جو ’ودرنگ ہائیٹس‘ پر رہنے والے ایک خاندان کا لے پالک ہے۔ کلف کو اس خاندان میں کیتھی نامی لڑکی سے جذباتی محبت ہوتی ہے لیکن وہ ایجرٹن نامی ایک شریف اور سادہ لوح آدمی سے شادی کر لیتی ہے لہٰذا محبت میں نا کامی کے بعد کلف مایوسی کی حالت میں وہاں سے مفرور ہو جاتا ہے مگر کچھ عرصے بعد وہ ایک امیر اور پڑھے لکھے آدمی کی صورت میں واپس آتا ہے لیکن افسوس کہ انتقامی ذہنیت جو اس کی تربیت میں شامل تھی ختم نہ ہوئی۔ ناول ناکام محبت کا المیہ ہے۔

اردو تراجم

سید قاسم محمود نے ’ودرنگ ہائیٹس‘ کا ترجمہ ”عشق بلا خیز“ کے نام سے کیا اور یہ دسمبر 1963ء میں شمع بک ڈپو، نئی دہلی میں چھپ کر شائع ہوا۔ ”ودرنگ ہائیٹس“ کے نام سے دو ترجمے سیف الدین حسام اور خاطر غزنوی نے کیے۔ مرزا حامد بیگ نے اپنی کتاب ’کتابیات تراجم‘ میں رئیس احمد جعفری کے ناول ”محبت کا انتقام“ کو ودرنگ ہائیٹس کا ترجمہ بتایا ہے۔