ورون آرون

ورون آرون

ذاتی معلومات
مکمل نام	ورون ریمنڈ آرون
پیدائش	(1989-10-29) 29 اکتوبر 1989 جمشید پور، بہار، (اب جھارکھنڈ)، بھارت
عرف	روون
قد	6 فٹ 0 انچ (183 سینٹی میٹر)
بلے بازی	دائیں ہاتھ کا بلے باز
گیند بازی	دائیں ہاتھ کا تیز گیند باز
حیثیت	گیند باز
بین الاقوامی کرکٹ
قومی ٹیم	بھارت (2011–2015)
پہلا ٹیسٹ (کیپ 273)	22 نومبر 2011  بمقابلہ  ویسٹ انڈیز
آخری ٹیسٹ	14 نومبر 2015  بمقابلہ  جنوبی افریقہ
پہلا ایک روزہ (کیپ 192)	23 اکتوبر 2011  بمقابلہ  انگلینڈ
آخری ایک روزہ	2 نومبر 2014  بمقابلہ  سری لنکا
ایک روزہ شرٹ نمبر.	77
ملکی کرکٹ
عرصہ	ٹیمیں
	جھارکھنڈ انڈر 19
2008– تاحال	جھارکھنڈ
2008–2010	کولکتہ نائٹ رائیڈرز
2011–2013	دہلی ڈیئر ڈیولز (اسکواڈ نمبر. 77)
2014–2016	رائل چیلنجرز بنگلور (اسکواڈ نمبر. 45)
2014	ڈرہم
2017–2018	کنگز الیون پنجاب (اسکواڈ نمبر. 77)
2018	لیسٹر شائر (اسکواڈ نمبر. 11)
2019–2020	راجستھان رائلز (اسکواڈ نمبر. 77)
2022	گجرات ٹائٹنز
کیریئر اعداد و شمار
مقابلہ ٹیسٹ ایک روزہ فرسٹ کلاس لسٹ اے میچ 9 9 63 57 رنز بنائے 35 8 799 223 بیٹنگ اوسط 3.88 8.00 10.51 12.38 100s/50s 0/0 0/0 0/1 0/0 ٹاپ اسکور 9 6* 72 34 گیندیں کرائیں 1,189 380 9,508 2,710 وکٹ 18 11 167 93 بالنگ اوسط 52.61 38.09 32.82 26.15 اننگز میں 5 وکٹ 0 0 6 2 میچ میں 10 وکٹ 0 0 0 0 بہترین بولنگ 3/97 3/24 6/32 5/47 کیچ/سٹمپ 1/– 1/– 12/– 11/–
ماخذ: ای ایس پی این کرک انفو، 14 دسمبر 2018

ورون ریمنڈ آرون (پیدائش: 29 اکتوبر 1989ء) جمشید پور سے تعلق رکھنے والے ایک ہندوستانی کرکٹ کھلاڑی ہیں۔ وہ دائیں بازو کے ایک تیز باؤلر ہیں۔ انھوں نے پہلے جھارکھنڈ انڈر 19 کے لیے کھیلا ، اس کے بعد جھارکھنڈ رنجی ٹیم کے لیے کرکٹ کھیلی۔ انھوں نے اکتوبر 2011ء میں ہندوستان کے لیے اپنا پہلا ون ڈے انٹرنیشنل (ون ڈے) کھیلا اور اگلے ہی مہینے ٹیسٹ کرکٹ کے لیے چنے گئے۔ ان کا باؤلنگ رن اپ بڑا ہموار ہے، آرون مستقل طور پر 140 کلومیٹر/گھنٹہ (87 میل فی گھنٹہ) کے آس پاس کی رفتار سے باولنگ کرتے ہیں۔ وہ فی الحال انڈین پریمیر لیگ میں راجستھان رائلز کے لیے کھیل رہے ہیں۔

ابتدائی سال

جھارکھنڈ سے تعلق رکھنے والے آرون چنئی میں ایم آر ایف پیس فاؤنڈیشن کا حصہ رہے ہیں جب سے انھیں 15 سال کی عمر میں ٹیلنٹ اسکاؤٹ ملا تھا۔ جھارکھنڈ انڈر 19 ٹیم کے ساتھ اپنے پہلے سال میں وہ مشرقی زون کے لیے بھی کھیلا اور بعد میں ہندوستان انڈر 19 کیمپ کا حصہ رہا۔ وہ اینڈی رابرٹس کو پسند کرتا تھا اور اس کی بالنگ رفتار جوانی کے زمانے سے ہی ان کی توجہ کا مرکز رہی ہے۔ اس کے نتیجے میں جھارکھنڈ کے لیے 2008-09ء کے سیزن میں رنجی ٹرافی کیریئر کے آغاز کے فورا بعد ہی اس کی کمر میں مسئلہ ہو گیا تھا۔ لیکن انھوں نے بولنگ پر توجہ مرکوز رکھی ۔ اس سے قبل کولکتہ نائٹ رائیڈرز اسکواڈ کا حصہ بن چکے تھے ، اس نے دہلی ڈیئر ڈیولز کے لیے 2011ء میں آئی پی ایل میں قدم رکھا تھا۔

مقامی کیریئر

آرون نے 2010–11ء رنجی ٹرافی میں 13 وکٹیں لیں اور 153.4 کلومیٹر/گھنٹہ (95.3 میل فی گھنٹہ) کی رفتا سے بالنگ کی۔ وہ ہندوستان میں ابھرتے ہوئے پلیئرز اسکواڈ کا حصہ تھے جو 2011ء میں آسٹریلیا گیا تھا اور وہاں پر اثر کارکردگی کے بعد انھیں انگلینڈ میں سیریز کے لیے بھارتی ایک روزہ دستے میں شامل کیا گیا۔ اگرچہ اس دورے پر اسے کوئی میچ نہیں ملا ، لیکن جب انگلینڈ اکتوبر 2011ء میں ون ڈے سیریز کے لیے ہندوستان آیا تو اس نے ممبئی میں ہندوستان کی طرف سے بین الاقوامی کرکٹ میں پیر رکھا۔ وہ انڈیا ایمرجنگ پلیئرز اسکواڈ کا حصہ تھے جو 2011ء میں آسٹریلیا گیا تھا اور وہاں پر اچھی کارکردگی کی بدولت انھیں ایشانت شرما کی جگہ سیریز کے لیے بھارتی ٹی ٹونٹی اور ون ڈے ٹیم میں کال اپ کیا۔ ستمبر 2014 میں ، انھیں ڈرہم کاؤنٹی کرکٹ کلب نے 2014ء کاؤنٹی چیمپی نشپ کے لیے اپنی ٹیم میں شال کیا تھا۔ فروری 2017ء میں ، انھیں کنگز الیون پنجاب کی ٹیم نے 2017ء انڈین پریمیر لیگ کے لیے 2.8 کروڑ میں خریدا تھا۔ اکتوبر 2018ء میں ، انھیں انڈیا بی کی ٹیم میں 2018–19ء دیودھر ٹرافی کے لیے نامزد کیا گیا تھا۔ دسمبر 2018ء میں ، انھیں راجستھان رائلز نے کھلاڑیوں کی نیلامی میں 2019ء انڈین پریمیر لیگ میں خریدا تھا۔ اگست 2019ء میں ، انھیں 2019–20ء کی دلیپ ٹرافی کے لیے انڈیا ریڈ ٹیم کی ٹیم میں شامل کیا گیا تھا۔

ایک روزہ کیریئر

قومی ٹیم کے لیے اپنے پہلے میچ میں ، ورون نے 2011ء میں ہندوستان اور انگلینڈ کی ون ڈے سیریز کے چوتھے ون ڈے میچ میں ایک وانکھیڈے پچ سے رفتار حاصل کی۔ انھوں نے 24 رنز دے کر تین وکٹیں حاصل کیں ان سبھی کو بولڈ آؤٹ کیا گیا ، اس میچ میں انگلینڈ کے ٹاپ اسکورر ٹم بریسنن بھی شامل تھے۔ اس سے قبل ، وہ اس سال کے شروع میں ہندوستان کے دورے کے دوران انگلینڈ گئے تھے لیکن بنچ پر ہی رہے۔ انھوں نے ایڈن گارڈنز میں انگلینڈ کے خلاف اپنے دوسرے میچ میں صرف 3 اوورز کیے اور ایلسٹر کک کی 1 وکٹ (دوبارہ بولڈ) حاصل کی جو ہندوستان کے لیے کارگر ثابت ہوئی۔

ٹیسٹ کیریئر

ویسٹ انڈیز کے خلاف ہندوستان کی ہوم سیریز میں پہلی بار انھیں ٹیسٹ اسکواڈ میں منتخب کیا گیا تھا۔ 22 نومبر 2011ء کو اسٹیڈیم ، ممبئی میں اس نے تیسرے ٹیسٹ میں شمولیت حاصل کی اور اپنے کیرئیر کا پہلا ٹیسٹ کھیلا۔ پہلی اننگز میں انھوں نے 106 رنز دے کر 3 وکٹیں حاصل کیں۔ کمر کی انجری کی وجہ سے انھیں قومی کرکٹ سے دو سال کا وقفہ لینا پڑا۔

ذاتی زندگی

آرون نے لویولا اسکول جمشید پور سے تعلیم حاصل کی۔ اس نے اپنی بچپن کی دوست راگنی سنگھ سے 2016ء میں شادی کی۔.

مزید دیکھیے

• کرکٹ
• ٹیسٹ کرکٹ
• بھارت قومی کرکٹ ٹیم
• بھارت کے ٹیسٹ کرکٹ کھلاڑیوں کی فہرست
• بھارت کے ایک روزہ بین الاقوامی کرکٹ کھلاڑیوں کی فہرست

بیرونی روابط

• ورون آرونآرکائیو شدہ بذریعہ wisdenindia.com کی پروفائل
• ورون آرون
• ورون آرون -آرکائیو شدہ بذریعہ royalchallengers.com رائل چیلنجرز طرف سے آئی پی ایل پروفائلآرکائیو شدہ بذریعہ royalchallengers.com
• ورون آرون ٹویٹر پر
• جین یونیورسٹی کی ویب گاہ پر ورون ہارون کا نام