ونایک دامودر ساورکر

ونایک دامودر ساورکر
معلومات شخصیت
پیدائش	28 مئی 1883  بھاگور
وفات	26 فروری 1966 (83 سال)  ممبئی
وجہ وفات	بھوک ہڑتال
مقام نظر بندی	سیلولر جیل (1911–1921)
شہریت	برطانوی ہند (–14 اگست 1947) بھارت (26 جنوری 1950–) ڈومنین بھارت (15 اگست 1947–26 جنوری 1950)
جماعت	اکھل بھارتیہ ہندو مہاسبھا
عملی زندگی
مادر علمی	ممبئی یونیورسٹی
پیشہ	شاعر،  فلسفی،  سیاست دان،  ڈراما نگار،  حریت پسند،  نثر نگار،  انقلابی،  مصنف
مادری زبان	مراٹھی
پیشہ ورانہ زبان	مراٹھی،  ہندی
کارہائے نمایاں	ہندوتوا
تحریک	تحریک آزادی ہند،  ہندو قوم پرستی

ونایک دامودر ساورکر (ہندی: विनायक दामोदर सावरकर) جنھیں ان کے مداح ویر ساورکر کے لقب سے یاد کرتے ہیں، ہندوتوا نظریے کے بانیوں میں تھے۔ ان کا جنم 28 مئی، 1883ء میں مہاراشٹر کے ناسک ضلع کے بھاگر گاؤں میں ہوا تھا۔ ان کی ماں کا نام رادھا بائی ساورکر اور باپ دامودر پنت ساورکر تھے۔ دونوں کی چار اولاد تھیں۔ ویر ساورکر کے تین بھائی اور ایک بہن تھی۔ ان کی ابتدائی تعلیم ناسک کے شیواجی اسکول سے ہوئی۔ محض 9 سال کی عمر میں ہیضے کی بیماری میں ان کی ماں کا انتقال ہو گیا۔ اس کے کچھ سال بعد ان کے والد کا بھی 1899ء میں طاعون کی وبا میں انتقال ہو گیا۔ اس کے بعد ان کے بڑے بھائی نے خاندان کی دیکھ بھال کی ذمہ داری اپنے سر لی۔ ساورکر بچپن سے ہی باغی فطرت کے تھے۔ جب وہ گیارہ سال کے تھے تبھی انہوں نے وانر سینا (بندروں کی فوج) کے نام سے ایک گروپ بنایا تھا۔ وہ ہائی اسکول کے دوران بال گنگادھر تلک کے شروع کیے گئے شیواجی اتسو اور گنیش اتسو کیا کرتے تھے۔ مارچ 1901ء میں ان کی شادی یمنا بائی سے ہوئی۔ سنہ 1902ء میں انہوں نے ڈگری کے لیے پونے کے فرگوسن کالج میں داخلہ لیا۔ معاشی بد حالی کی وجہ سے ان کی کلیاتی تعلیم کا خرچ ان کے سسر یعنی یمنابائی کے والد نے اٹھایا۔ ساورکر آگے چل کر ہندو مہا سبھا اور راشٹریہ سویم سیوک سنگھ سے منسلک ہوئے۔ بھارت کی آزادی کے لیے بھی کچھ کوشیشیں انہوں نے کی تھیں، جس کی وجہ سے انہیں کالے پانی کی بھی سزا ہوئی تھی مگر بعد میں انہوں نے انگریزوں سے معافی مانگ لی جس کے نتیجے میں ان کو رہا کردیا گیا۔

مزید دیکھیے

• راشٹریہ سویم سیوک سنگھ
• ہندو مہا سبھا