ویکیپیڈیا:روبہ جات

آزاد دائرۃ المعارف، ویکیپیڈیا سے
یہاں جائیں: رہنمائی، تلاش کریں
مامورین اداری   منتظمین   صارف پڑتال   روبہ جات
A man is shaking hands with a bot
روبہ

ویکیپیڈیا میں متحرک خودکار صارفین کو روبہ کہا جاتا ہے، جو روبالہ کا مخفف ہے۔ یہ روبہ کسی متعین شمارندی زبان میں لکھا جاتا ہے۔ تاکہ ایسے امور انجام دیے جاسکیں جو براہ راست انسانی ہاتھوں سے بمشکل یا تاخیر سے انجام پذیر ہوتے ہیں؛ مثلاً بین الوکی روابط کی درآمدگی، مناسب زمرہ جات اور نئے صارفین کے لیے پیغام خوش آمدید کا اندراج۔ یہ روبہ جات مختلف زبانوں کے ویکیپیڈیاؤں میں بکثرت استعمال ہورہے ہیں۔ ہر روبہ کا علیحدہ مخصوص صارف کھاتہ ہوتا ہے جہاں پر روبہ کی کارکردگی اور روبہ کے منتظم سے رابطہ کے ذرائع تحریر کیے جاتے ہیں۔
آغاز میں ہر نئے روبہ کی کارکردگی کی نگرانی ضروری ہے، تاکہ کسی بھی غلطی کے واقع ہونے پر فوراً درست کیا جاسکے۔ روبہ کے ذمہ ضروری ہے کہ ویکیپیڈیا کی روبہ حکمت عملی کے شرائط پر پورا اترے۔
تمام صارفین روبہ کی کارکردگی پر نظر رکھیں اور کسی بھی طرح کی خطا پیش آنے پر روبہ کے منتظم سے رابطہ کرے۔ رابطہ کرنے پر روبہ کا منتظم جواب نہ دے اور روبہ مسلسل غلطیاں کررہا ہو تو ایسی صورت میں روبہ پر پابندی عائد کردی جائے۔
تعمیر وتجربہ کے مراحل سے کامیابی سے گذرنے کے بعد مامور اداری اسے خودکار صارف کا درجہ دیتا ہے۔ اس کے بعد روبہ کی ترامیم حالیہ تبدیلیوں میں نظر نہیں آتیں۔