ویکی ماخذ

آزاد دائرۃ المعارف، ویکیپیڈیا سے
یہاں جائیں: رہنمائی، تلاش کریں
ویکی ماخذ
The current Wikisource logo
ویکی ماخذ کا لوگو
Detail of the Wikisource multilingual portal main page.
کثیر اللسان ویکی ماخذ کے صفحۂ اول کا عکس
یو آر ایل ur.wikisource.org
نعرہ آزاد دار الکتب
تجارتی؟ نہیں
طرز برقی کتب خانہ
اندراج اختیاری
ملکیت ویکیمیڈیا فاؤنڈیشن
مصنف صارفین
آغاز 24 نومبر، 2003؛ 14 سال قبل (2003-11-24)[1]
الیگزا درجہ positive decrease 4,253 (نومبر 2017)[2]
موجودہ صورت حال آن لائن

ویکی ماخذ ویکیمیڈیا فاؤنڈیشن کے زیر اہتمام چلنے والا ایک آن لائن برقی دار الکتب ہے جو آزاد مصادر و مراجع کے متون پر مشتمل ہے۔ اس منصوبے کا بنیادی مقصد یہ ہے کہ دنیا کی مختلف زبانوں میں موجود تمام اقسام کے آزاد متون یکجا کیے جائیں خواہ وہ کسی شکل میں دستیاب ہوں۔ اس منصوبے کا آغاز 24 نومبر سنہ 2003ء میں ہوا، ابتدا میں اس کا نام پراجیکٹ گٹن برگ کی طرز پر "پراجیکٹ سورس برگ" تھا۔ پھر کچھ عرصے بعد اس کا نام بدل کر ویکی ماخذ کر دیا گیا۔ قابل اعتماد مواد کی قلت کی بنا پر ویکی ماخذ تنقید کا نشانہ بھی بنتا رہا تاہم نیشنل آرکائیوز اینڈ ریکارڈز ایڈمنسٹریشن جیسی متعدد تنطیمیں اسے استعمال کر رہی ہیں۔

اس منصوبے کے تحت ایسا مواد یکجا کیا جاتا ہے جو دائرہ عام یا آزاد اجازت نامے کے تحت شائع کیا گیا ہو؛ تاریخی دستاویز یا پیشہ ورانہ تصنیفات ہوں اور قابل تصدیق ہوں۔ ابتدا میں متون کی تصدیق آف لائن یا دیگر برقی کتب خانوں کے ذریعہ کی جاتی تھی۔ اب پروف خوانی صفحات نامی توسیع کی مدد سے مآخذ کے آن لائن اسکین شدہ صفحات بھی دستیاب ہیں جو منصوبے کے تحت موجود متون کی تصدیق و تصحیح کی راست سہولت فراہم کرتے ہیں۔

دیگر زبانوں کے کچھ ویکی ماخذ میں محض ان مآخذ کی اجازت ہے جن کے اسکین شدہ صفحات بھی فراہم کیے جائیں۔ گوکہ ویکی ماخذ کا بیشتر حصہ متون پر مشتمل ہے تاہم کامکس، فلمیں اور صوتی کتابیں وغیرہ بھی دستیاب ہیں۔

تاریخ[ترمیم]

اس منصوبے کا آغاز 24 نومبر، 2003ء کو ہوا۔ شروع میں اس کا نام پراجیکٹ سورس برگ (پروجکٹ گُٹن برگ سے موسوم ایک نقل) تھا۔[3] اس منصوبے کی اولین یو آر یل (جو اب معدوم ہے) http://sources.wikipedia.org تھی۔

دسمبر 2003ء تک ویکی ماخذ/ ویکی سورس نام طے ہو گیا، مگر یو آر ایل موجودہ http://wikisource.org کو 23 جولائی 2004ء تک منتقل نہیں ہوئی۔

حوالہ جات[ترمیم]

  1. Ayers، Phoebe؛ Matthews، Charles؛ Yates، Ben (2008)۔ How Wikipedia Works۔ No Starch Press۔ صفحات 435–436۔ آئی ایس بی این 978-1-59327-176-3۔ 
  2. "Wikisource.org Site Info"۔ الیگزا انٹرنیٹ۔ اخذ کردہ بتاریخ 2017-11-01۔ 
  3. سورس برگ کے لیے نئے نام کی تجاویز اس سے قبل کہ اس ویکی سورس نام طے ہو۔

دیگر و یب سائٹس[ترمیم]