ٹیسی تھامس

ٹیسی تھامس
معلومات شخصیت
پیدائش	اپریل 1963ء الاپوژا، کیرلا
قومیت	بھارتی
مذہب	مسیحی.
شریک حیات	سروج کمار
اولاد	تیجس
عملی زندگی
تعليم	بی ٹیک گورنمنٹ انجینئرنگ کالج، تھریسور، انسٹی ٹیوٹ آف آرمامینٹ ٹیکنالوجی، پونے سے ایم ٹیک
پیشہ	ڈی آر ڈی او میں سائنسدان
دور فعالیت	1988 – تاحال
کارہائے نمایاں	اگنی میزائل پروجکٹ ڈائریکٹر اگنی-چہارم

ٹییسی تھامس (پیدائش: 1963ء) ایک انجینئر اور ڈیفنس ریسرچ اینڈ ڈیولپمنٹ آرگنائزیشن میں پروجکٹ ڈائریکٹر، اگنی-چہارم ہیں۔ وہ پہلی بھارتی خاتون ہیں جو بھارت میں کسی میزائل منصوبے کی سرکردگی کر رہی ہے۔ اسی وجہ سے انھیں بھارت کی 'میزائل خاتون' کہا جاتا ہے۔

ابتدائی زندگی اور تعلیم

ٹیسی کا جنم اپریل 1963ء میں الاپوژا، کیرلا میں ہوا، وہ ایک چھوٹے کاروباری باپ اور گھریلو ماں کے یہاں پیدا ہوئی۔ وہ ایک راکٹ داغنے کے مرکز کے قریب پرورش پائی اور وہ کہتی ہیں کہ تبھی سے وہ راکٹوں اور میزائلوں کو لے کر ان کا تجسس شروع ہوا۔ وہ انجینئری میں گریجویشن گورنمنٹ انجینئرنگ کالج، تھریسور سے مکمل کر چکی ہیں۔ انھوں نے انسٹی ٹیوٹ آف آرمامینٹ ٹیکنالوجی، پونے سے ایم ٹیک کیا (جو اب ڈیفنس انسٹی ٹیوٹ آف ایڈوانسڈ ٹیکنالوجی کے نام سے قائم ہے)۔ ان کے والدین، جن کا تعلق کیرلا سے ہے، انھیں مدر ٹریسا کے نام کی مشابہت میں نام رکھا۔

کریئر

ٹیسی 3000 کیلومیٹر فاصلے کی اگنی سوم کی ایسوسی ایٹ ڈائریکٹر تھی۔ وہ اگنی چہارم کے مشن کی پراجکٹ ڈائریکٹر بھی رہی جسے 2011ء میں کامیابی سے داغا گیا تھا۔ ٹیسی کو 5000 کیلو میٹر اگنی پنجم کی پروجکٹ ڈائریکٹر بنایا گیا جسے 19 اپریل 2012ء کو کامیابی سے داغا گیا۔ جنوری 2012ء میں وزیر اعظم منموہن سنگھ نے انڈین سائنس کانگریس کو مخاطب ہو کر کہا کہ مسز ٹیسی تھامس ایک مثال ہے کہ کس طرح ایک خاتون مردوں کے روایتی کارزار میں اپنا نشان چھوڑ رہی ہے اور کانچ سے بنی حد فاصل توڑ رہی ہے۔ ذرائع ابلاغ نے انھیں اگنی پوتری (اگنی زادی) کہا، ان میزائلوں کی وجہ سے جنہیں انھوں نے تیار کیا۔ ان کا خود کا کہنا ہے: ہم سب ہمارے ملک پر فخر کرتے ہیں۔ اگنی پنجم ہماری اعظم ترین کامیابی ہے۔

ذاتی زندگی

ٹیسی کی شادی سروج کمار سے ہوئی جو بھارتی بحریہ میں کمانڈر ہیں۔ ان دونوں کا ایک بیٹا ہے جس کا نام تیجس ہے جو فورڈ ٹیکنالوجیز میں انجنئر ہے۔

2008ء میں دی انڈین ویمین سائنٹسٹس ایسوسی ایشن نے ٹیسی کو خراج عقیدت پیش کرتے ہوئے ایک بیان جاری کیا:

”

بیشتر خواتین کی طرح وہ بھی گھر اور کریئر، ماں ہونے اور اپنی ملازمت کے فرض شناس سائنسدان ہونے کے بیچ مشکل توازن برقرار رکھ رہی ہے۔ ہم سمجھتے ہیں کہہ ٹیسی تھامس دیگر خاتون سائنسدانوں کے لیے نمونہ عمل اور حوصلے کا باعث بنے گی کہ وہ اپنے سپنوں کو ممکن ہوتا دیکھیں اور ان دونوں جہانوں میں کھرے اتر سکیں۔

“

اعزازات

• ٹیسی تھامس کو ان کے متحدہ رہنمایانہ میزائل ترقیاتی پروگرام کے میدان میں بھارت کو خودکفیل بنانے میں غیر معمولی تعاون کے لیے لال بہادر شاستری قومی ایوارڈ سے نوازا گیا۔
• آئی ٹی ایم یونیورسٹی، گوالیار نے ٹیسی کو ڈی ایس سی (آنرز کازا - Honoris causa) 2016ء میں عطا کیا تھا۔

مزید دیکھیے

• اگنی (میزائل)
• اگنی چہارم
• اگنی پنجم
• ڈی آر ڈی او

بیرونی روابط

• ٹیسی تھامس سے ایک ٹی وی نیوز انٹرویو