پست فشار خون

پست فشار خون
Depiction of a hypotension (low blood pressure) patient getting her blood pressure checked
ایک مریض کا فشار خون جانچا جا رہا ہے۔ اگر انقباضی فشار خون 90 ملی میٹرز آف مرکری سے کم ہو تو اسے پست فشار خون (کم فشار خون) قرار دیا جاتا ہے۔
اختصاص	قلبیات
علامات	چکر آنا، لڑکھڑاہٹ، گھبراہٹ، سردرد، چکر یا بیہوشی محسوس ہونا، تھکاوٹ، متلی، دھندلا دکھائی دینا، کپکپاہٹ، سانس پھولنا، پیاس میں اضافہ، بے قاعدہ دل کی دھڑکن، سینے میں درد، بخار، دورے پڑنا
مضاعفات	غش، خون بہنا
خطرے کے عوامل	پرانا مریض، بد خوراکی (مال نرِشمنٹ)
تشخیصی طریقہ	جسمانی معائنہ، علامات کی بنیاد پر
علاج	درونِ وریدی ٹیکہ

پست فشار خون جسے انگریزی میں ہائپوٹینشن یا لو بلڈ پریشر کہا جاتا ہے ایک قلبی عروقی حالت ہے جو خلافِ معمول خون کے کم دباؤ سے ظاہر ہوتی ہے۔ فشارِ خون (خون کا دباؤ) وہ قوت ہے جو دل سے خون کے پمپ ہونے کے دوران شریانوں کی دیواروں پر پڑتی ہے اور یہ دو عددوں سے ظاہر کیا جاتا ہے: انقباضی فشار خون (بالائی عدد) اور انبساطی فشار خون (زیریں عدد)، جو دل کی دھڑکن کے دوران بالترتیب زیادہ سے زیادہ اور کم سے کم دباؤ کی نمائندگی کرتے ہیں۔ اگر انقباضی فشار خون 90 ملی میٹرز آف مرکُری (mmHg) سے کم یا انبساطی فشار خون 60 mmHg سے کم ہو تو عموماً اسے پست فشار خون کہا جاتا ہے۔ مختلف عمر کے بچوں کے لیے یہ عدد مختلف ہو سکتے ہیں۔ تاہم عملی طور پر خون کا دباؤ تبھی کم سمجھا جاتا ہے جب اس کے ساتھ علامات بھی موجود ہوں۔

علامات میں چکر آنا، چکر کا احساس، ذہنی اُلجھن، تھکن، کمزوری، سر درد، دھندلا دکھائی دینا، متلی، گردن یا پیٹھ میں درد، دل کی بے قاعدگی یا اس کی دھڑکن کا رُکنا یا تیز ہونا، پسینہ آنا اور غشی (بیہوشی) شامل ہو سکتی ہیں۔ پست فشار خون، بلند فشار خون کے بر خلاف ہے۔ یہ ایک جسمانی کیفیت کے طور پر سمجھا جاتا ہے نہ کہ بذاتِ خود مرض کے طور پر۔ بہت زیادہ کم دباؤ دماغ اور دیگر اہم اعضا کو نسیم (آکسیجن) اور غذائی اجزا کی کمی کا شکار بنا سکتا ہے جو بالآخر ایک جان لیوا حالت شاق / دھکے (shock) میں بدل سکتا ہے۔