پھولن دیوی

پھولن دیوی
(ہندی میں: फूलन देवी)
مناصب
رکن تیرہویں لوک سبھا
رکنیت مدت 1999  – 25 جولا‎ئی 2001
حلقہ انتخاب	مرزا پور
پارلیمانی مدت	تیرہویں لوک سبھا
معلومات شخصیت
پیدائش	10 اگست 1963  اتر پردیش
وفات	25 جولا‎ئی 2001 (38 سال)  نئی دہلی
وجہ وفات	سیاسی قتل
طرز وفات	قتل
رہائش	اتر پردیش سنت رویداس نگر ضلع
شہریت	بھارت
جماعت	سماج وادی پارٹی
شریک حیات	پتی لال
عملی زندگی
پیشہ	سیاست دان،  ڈاکو
پیشہ ورانہ زبان	ہندی
	IMDB پر صفحہ

ہندوستان کی چمبل وادی کی مشہور ڈاکو اور سیاست دان۔ اترپردیش میں پیدا ہوئیں۔ پھولن دیوی کا شمار انیس سو اسّی کی دہائی میں سب سے خطرناک ڈاکوؤں میں ہوتا ہے۔

ابتدائی زندگی

انہوں نے اپنے ساتھ ہونے والی اجتماعی زیادتیوں کا بدلہ لینے کے لیے مبینہ طور پر اعلیٰ ذات کے 22 ہندو افراد کا قتل کیا ۔

عمر قید

پھولن دیوی نے 1983میں اپنے آپ کو پولیس کے حوالے کر دیا اور 1994 تک وہ جیل میں رہیں۔

سیاسی زندگی

1994میں پھولن دیوی نے لوک سبھا کی رکنیت حاصل کی۔ 1998 میں شکست کا سامنا کرنے کے بعد اگلے سال ایک بار پھر وہ رکن پارلیمان بنی ۔

پھولن دیوی پر فلم

مشہور ہدایت کار شیکھر کپور نے پھولن دیوی کی زندگی پر مبنی فلم ’بینڈ کوین‘ بنا کر انہیں ایک لافانی کردار بنا دیا تھا۔

قتل

پھولن دیوی کو ان کی رہائش گاہ کے سامنے جب وہ اپنی گاڑی سے اتر رہی تھیں، تین نقاب پوشوں نے گولی مار کر ہلاک کر دیا۔ پھولن دیوی اس وقت بھارتی پارلیمان کی رکن تھیں۔ شمشیر سنگھ رانا کو دہلی میں پھولن دیوی کے قتل کے کچھ ہی روز بعدگرفتار کر لیا گیا اور پولیس کے مطابق اس نے اقرارِ جرم بھی کر لیا۔

شمشیر سنگھ کا کہنا تھا کہ اس نے پھولن دیوی کے ہاتھوں 1981 کے ویلنٹائن ڈے کے موقع پر اعلیٰ ذات کے بائیس افراد کی ہلاکت کا بدلہ لیاہے۔

پھولن دیوی نے اس قتل کے عام کے متعلق کہا تھا کہ کہ انہوں نے اعلیٰ ذات کے ہندوؤں کے ہاتھوں اپنے ساتھ ہونے والی اجتماعی زیادتی کا بدلہ لیا ۔