چاول

آزاد دائرۃ المعارف، ویکیپیڈیا سے
:چھلانگ بطرف رہنمائی، تلاش
چاول کے بیج

چاول اوریزا سٹایوا نامی پودے کا یک دالیہ بیج ہے جو کہ گھاس کے خاندان سے تعلق رکھتا ہے۔ یہ توانائی کا بڑا ذریعہ ہے اور عالم انسانی میں وسیع پیمانے پر استعمال ہونے والی غذا ہے، خاص طور پر مشرقی، جنوبی، جنوب مغربی ایشیاء، مشرق وسطٰی اور لاطینی امریکہ میں استعمال کیا جاتا ہے۔ یہ مکئی کے بعد دنیا میں دوسری عظیم پیداواری فصل کی حیثیت رکھتا ہے۔

چونکہ مکئی کی پیداوار انسانی استعمال کی بجائے کئی دوسرے مقاصد کے لیے استعمال ہوتی ہے اس لیے ایک اندازے کے مطابق چاول انسانی خوراکی ضروریات اور توانائی کے حصول میں سب سے بڑا ذریعہ ہے۔ انسان اپنی تمام تر توانائی کی ضروریات کا پانچواں حصہ چاول سے پورا کرتے ہیں۔

افریقہ میں یہ روایتی خوراکی پودے کی حیثیت رکھتا ہے، جس کی بنیاد پر خوراکی کمی، خوراکی ضرورت اور دیہی علاقوں کی ترقی میں چاول کو کلیدی کردار عطا ہوا ہے۔ اسی نظریہ کی بنیاد پر چند سال سے افریقہ میں بڑے پیمانے پر چاول کو اہمیت دی جارہی ہے۔

چاول عام طور پر سال میں ایک بار کاشت کیا جاتا ہے۔ چاول کا پودا اپنی قسم اور مٹی کی خاصیت کی بنیاد پر 1 سے 1 اعشاریہ 8 میٹر بلند ہوسکتا ہے۔

چاول کی پیداوار ان ممالک میں زیادہ منافع بخش ثابت ہوتی ہے جہاں افرادی قوت سستی اور سالانہ بارشوں کا تناسب زیادہ ہو۔ افرادی قوت اور پانی اس کی دو بنیادی ضروریات ہیں جو کہ انتہائی لاگت کی حامل ہیں۔ گو چاول جنوبی ایشیاء اور افریقہ کی مقامی پیداوار ہے لیکن یہ کہیں بھی اگایا جاسکتا ہے۔ صدیوں سے جاری اس پر تحقیق اور تجارت نے اسے عالمی اہمیت دلائی ہے اور یہ تقریباً دنیا میں پہچانا اور استعمال کیا جاتا ہے۔

روایتی طریقہ کاشت میں چاول کے کھیتوں میں بڑے پیمانے پر آبپاشی کی جاتی ہے جس کے بعد اس کی پنیری کاشت ہوتی ہے۔ سادہ ترین طریقوں میں اس کی کاشت کے دوران پانی کی فراہمی اور طریقہ کاشت نہایت اہمیت کا حامل ہوتا ہے۔ جنگلی بوٹیوں اور کیڑوں کے حملوں سے بچاؤ کے لیے بھی بعض اقدامات نہایت اہم ہیں۔

پیداوار اور تجارت[ترمیم]

چوٹی کے بیس چاول کی پیداوار والے ممالک—2012
(ملین میٹرک ٹن)[1]
Flag of the People's Republic of China.svg چین 204.3
Flag of India.svg بھارت 152.6
Flag of Indonesia.svg انڈونیشیا 69.0
Flag of Vietnam.svg ویتنام 43.7
Flag of Thailand.svg تھائی لینڈ 37.8
Flag of Bangladesh.svg بنگلہ دیش 33.9
Flag of Myanmar.svg میانمار 33.0
Flag of the Philippines.svg فلپائن 18.0
Flag of Brazil.svg برازیل 11.5
Flag of Japan.svg جاپان 10.7
Flag of Pakistan.svg پاکستان 9.4
Flag of Cambodia.svg کمبوڈیا 9.3
Flag of the United States.svg ریاستہائے متحدہ امریکہ 9.0
Flag of South Korea.svg جنوبی کوریا 6.4
Flag of Egypt.svg مصر 5.9
Flag of Nepal.svg نیپال 5.1
Flag of Nigeria.svg نائجیریا 4.8
Flag of Madagascar.svg مڈغاسکر 4.0
Flag of Sri Lanka.svg سری لنکا 3.8
Flag of Laos.svg لاؤس 3.5
ماخذ: ادارہ برائے خوراک و زراعت

حوالہ جات[ترمیم]

  1. ^ fao.org (FAOSTAT). "Countries by commodity (Rice, paddy)". http://faostat.fao.org/site/339/default.aspx۔ اخذ کردہ بتاریخ فروری 11، 2014.