چاوڑا خاندان

چاوڑا شاہی خاندان( سنسکرت: چاوڑا) جو چھپا اور چھپرانہ شاہی خاندان کے نام سے بھی جانا جاتا ہے اس خاندان کا تعلق گجروں کے قبیلہ چاوڑا (چھپرانہ) سے ہے ایک ایسا خاندان تھا جس نے 690 سے 942 تک ہندوستان میں جدید دور کے گجرات کے خطہ پر حکومت کی۔ خاندان کے نام کی مختلف شکلوں میں چپوٹکتاس ، چاہودا اور چاووٹاکاس شامل ہیں۔

ساتویں صدی کے دوران، پنچاسار" چاوڈا حکمران جیاسکھرا کا دار الحکومت تھا۔ 697 عیسوی میں، پنچاسار پر حملہ کیا گیا اور جیاسکھرا مارا گیا۔ اس کی بیوی بھاگ گئی تھی اور اس نے ونراج کو جنم دیا، جو آگے چل کر اناہلاواڈا شہر کا بانی (746 یا 765) اور خاندان کا سب سے ممتاز حکمران ہوگا۔ پربندھا چنتامنی کے مطابق، اس نے 60 سال حکومت کی۔ اس کے بعد یوگراجا (35 سال حکومت کی)، اس کے بعد کشیم راجا (25 سال)، بھویاڈا (29 سال)، ویرسیمہا (25 سال) اور رتنادتیہ (15 سال) راج کیا۔ رتنادتیہ کے بعد سمنتسمھا (جسے چویادیوا بھی کہا جاتا ہے) نے سات سال حکومت کی۔ سمنتسمھا کی کوئی اولاد نہیں تھی اس لیے اس نے اپنے بھتیجے ملاراجا کو گود لیا جس نے اسے 942 میں معزول کر کے چالوکیہ خاندان کی حکومت قائم کی۔ آج بھی اس گوت کے گجر چھاوڑی اور چھوڑی کہلاتے ہیں۔ ہندوستان میں ہندو اور پاکستان میں مسلم گجر کثیر تعداد میں موجود ہیں۔