چاہ (جسم)

چاہ (گڑھا)
ماڈل میرانڈا کر کے چاہِ غبغب
تشریحی اصطلاحات

چاہ (dimple - ڈمپل) بدنِ انسانی کے گوشت میں بننے والا ایک قدرتی چھوٹا سا گڑھا ہوتا ہے جو زیادہ تر رخسار پر پایا جاتا ہے۔ مختلف ثقافتوں میں رخسار کے چاہ کو خوش بختی کی علامت سمجھا جاتا ہے اور یہ ان لوگوں کے لیے دلکشی کا باعث مانا جاتا ہے جو اسے خوبصورتی کی نشانی سمجھتے ہیں۔ چاہ کو بہادری اور معصومیت سے بھی منسلک کیا گیا ہے اور صدیوں سے یہ خصوصیت ادب میں بیان ہوتی آئی ہے۔ گالوں میں پڑا گڑھا اردو میں ’چاہ غَبغَب‘ کہلاتا ہے۔ اگر یہی گڑھا ٹھوڑی میں ہو تو ’چاہ ذقن‘ کہلاتا ہے۔

طبی تحقیق میں یہ بحث پائی جاتی ہے کہ آیا چاہ غبغب موروثی طور پر منتقل ہوتے ہیں یا نہیں اور اگر ہوتے ہیں تو کس قسم کے جینیاتی عامل (allele) سے وابستہ ہیں۔ تاہم یہ بات طے شدہ ہے کہ جن انسانوں کے گالوں پر چاہ ہوتے ہیں، ان میں عموماً دونوں گالوں پر یہ پائے جاتے ہیں۔ چاہ کی گہرائی اور لمبائی انسانی کھوپڑی کی ساخت سے متاثر ہوتی ہے اور عمر کے ساتھ یہ نمودار بھی ہو سکتے ہیں یا غائب بھی۔