چنور

آزاد دائرۃ المعارف، ویکیپیڈیا سے
Jump to navigation Jump to search
A fly-whisk from آئیوری کوسٹ, horse hair, with a decorated wooden handle
فائل:FlySwoosh 20091225.jpg
Goat-hide and horse-hair Hausa fly-whisk, from near مارادی، نائجر, early 1960s, 28 انچ (71 سینٹی میٹر)

چنور یا مگس راں مکھیوں کو اڑانے یا مارنے کے کام آتا ہے۔ بعض گرم خطوں میں اسے دستی پنکھے کے طور پر اور دفاتر میں بطور سجاوٹ بھی رکھا جاتا ہے۔ انڈونیشیا کے فنونِ لطیفہ میں اسے شیو سے جوڑا جاتا ہے۔ نیز چنور کو عموماً ہندو مت، جین مت، تاؤ مت اور بدھ مت میں دیوتا کا درجہ دیا جاتا ہے۔[1][2] اشٹ منگل کی کچھ بناوٹوں میں چنور صاف دکھائی دیتا ہے۔ اس کو مورتی پوجا اور بالخصوص گوڑیہ ویشنو مت میں بھی استعمال کرتے ہیں۔ اس کے علاوہ روایتی لوک تماشوں میں بھی استعمال کیا جاتا ہے۔

مشرقِ وسطیٰ، جیسا کہ مصر وغیرہ میں معاشرے کے چند طبقات مثلاً باہر بیٹھے تاجر، دکان دار وغیرہ اسے تب استعمال کرتے ہیں جب مکھیاں بہت تنگ کرتی ہیں۔ زیادہ قیمتی چنور گھوڑے کے بالوں سے بنتا ہے۔ مشرقی برِصغیر میں اسے یاک کی دم کے بالوں سے بنایا جاتا ہے۔ افریقہ میں چنور بادشاہوں اور امرا کی سرکاری علامات کے طور پر بکثرت ملتے ہیں۔ بعض اوقات اس کو شاہی علامت کے طور پر بھی استعمال کیا جاتا ہے جیسا کہ کینیا کے رہنما جومو کینیاٹا کے ہاتھ میں چنور ہوتا تھا جو مسائی قبائل میں با اختیار ہونے کی علامت ہے۔[3] ملاوی کے رہنما ہیسٹنگ بانڈا بھی اسی مقصد کے لیے استعمال کرتے تھے جبکہ جنوبی افریقہ کے جاز موسیقار جابو کھانیئل مسائی چنور کو سٹیچ پر اپنی علامت کے طور پر استعمال کرتا تھا۔[4]

چین اور جاپان میں بدھ مت کی خانقاہوں میں چنور کی علامتی اہمیت ہے اور اسی طرح عصا اور کشکول کی بھی اہمیت ہے۔ بدھ مت میں چنور کو جہالت اور ذہنی لگاؤ کو ختم کرنے کے لیے علامتی جھاڑو بھی سمجھا جاتا ہے۔ تاؤ مت میں چنور کو پودوں اور درختوں سے بنایا جاتا ہے۔ نیز چنور کو تھائی لینڈ کی شاہی علامت سمجھا جاتا ہے۔ اس میں سفید ہاتھی کی دم کے بال استعمال ہوتے ہیں۔[5] پولی نیشیا میں بھی چنور کو حکمرانی کی علامت سمجھا جاتا ہے۔[6]

حوالہ جات[ترمیم]

  1. Shiva and Parvati, Rijksmuseum, accessed 14 November 2006
  2. Titze، Kurt، Jainism: A Pictorial Guide to the Religion of Non-violence 
  3. Dress codes and prestige staffs: constructing political authority with staffs in Tanzania, Fadhili Mshana, Ijele: Art eJournal of the African World, 2002
  4. Jabu Khanyile Archived 2005-03-14 at the Wayback Machine, Contemporary African Music and Arts Archive, accessed 13 November 2006
  5. Thai Royal Regalia, Thailand Government Public Relations Department, accessed 15 November 2006
  6. Fly Whisk Handle, Metropolitan Museum of Art, accessed 14 November 2006