چھوٹا لم ڈھینگ

چھوٹا لم ڈھینگ
جام نگر، بھارت میں بالغ اور دو کم سن چھوٹے لم ڈھینگ
بقا کی صورت حال
قریب الخطر  (IUCN 3.1)
CITES ضمیمہ دوم (CITES)
سائنسی درجہ بندی
اقلیم:	حیوانات
قوم:	حبلیات
جماعت:	Aves
فصیلہ:	Phoenicopteriformes
خاندان:	Phoenicopteridae
جنس:	Phoeniconaias
نوع:	P. minor
دہرا نام
Phoeniconaias minor (Geoffroy Saint-Hilaire, É، 1798)
native range
ہم نام
Phoenicopterus minor Geoffroy Saint-Hilaire, 1798 Phoeniconaias minor خاکستری، 1869

چھوٹا لم ڈھینگ (Lesser flamingo) یہ ایک چھوٹی جسامت کا لم ڈھینگ ہے اور لم ڈھینگوں کی سب سے چھوٹی نسل سمجھی جاتی ہے۔ جس کی آبادی افریقا، بھارت اور پاکستان میں پائی جاتی ہے۔ چھوٹے لم ڈھینگ دنیا میں سب سے زیادہ افریقا میں پائے جاتے ہیں۔ شمالی تنزانیہ کی جھیلیں افزائش کے لیے ان کا پسندیدہ مقام ہیں۔ ماہرین کے مطابق اس کی تعداد دنیا بھر میں ایک محتاط اندازے کے مطابق 20 لاکھ سے زیادہ بتائی جاتی ہے۔ بڑے لم ڈھینگوں کی نسبت چھوٹے لم ڈھینگ ہمیشہ افریقی لق لق، ببون، افریقی مچھلی مار عقاب، جنگلی بلی اور افریقی بھیڑیا نامی شکاریوں کی زد میں رہتے ہیں۔

شناخت

چھوٹے لم ڈھینگ کا قد 80 اور 90 سنٹی میٹر کے درمیان ہوتا ہے جبکہ وزن اڑھائی کلو گرام تک ہوتا ہے جبکہ ان کے پروں کا پھیلاؤ ایک میٹر تک ہوتا ہے۔ ان کا عمومی رنگ گلابی مائل سفید ہوتا ہے۔ ان کی چونچ کا رنگ کالا ہوتا ہے جو انھیں بڑے لم ڈھینگوں سے ممتاز کرتا ہے۔

غذا

چھوٹے لم ڈھینگ کی زیادہ تر خوراک الجی پر مشتمل ہوتی ہے۔ الجی بنیادی طور پر اساسی تاثیر رکھنے والی جھیلوں میں اگتی ہے۔ ماہرین کا کہنا ہے کہ ان کی گلابی رنگت بھی اسی الجی کے کھانے کی وجہ سے ہوتی ہے۔ قدرت نے ان کی چونچ کی ساخت اس طرز پر بنائی ہے جس کے ذریعے یہ پانی سے الجی کو فلٹر کر لیتے ہیں۔