ڈھولا

آزاد دائرۃ المعارف، ویکیپیڈیا سے
Jump to navigation Jump to search

ڈھولا لہندے پاسے دی پنجابی دی ہک صنف ہے۔ جس دے وچ راٹھاں، جنگجواں تے سورمیاں دی بہادری تے دلیری دے قصے نظم کیتے جاندے ہئن۔ ایس دی شروع راجستھان توں ہوئی۔ راجستھان دی مشہور لوک داستان "ڈھولا مارو" توں پنجاب اچ ایس انداز وچ رزمیے تے جنگنامے دا رواج شروع ہویا۔ اگلیاں ویلیاں اچ جنگاں تے راٹھاں دے نال نال میراسی وی ٹردے ہائن تے انھاندی بہادریاں دے منظر اپنیاں اکھیں ویکھ‍ کے انہانوں نظم کریندے ویندے ہائن۔ اینج سینہ بہ سینہ انھاندی لڑائیاں تے سردولی دے قصے اگاں چلدے ہئن، تے لوکاں وچ پ رہیں پنچائتاں تے میلے ٹھیلیاں وچ آکھیا سنائے ویندن۔

ایس دی سر "وین" نال رلدی ملدی اے۔ دیہاتاں اچ چھیڑو ( ڈھوراں دے چارے) یا مسافر جنگلاں بیاباناں تے تھلاں اچ اٹھاں تے بہہ کے ایہہ ہک خاص روونی سر اچ بہہ گاندے ہئن۔

ڈھولا ضلع جھنگ دے ناہری علاقے کمالیہ تے ٹوبہ ٹیک سنگھ‍ دے مختلف پنڈاں اچ بڑا مقبول اے۔ تے اینھاں تھاواں اچ کئی ہک شاعراں فنکاراں تے میراسیاں نوں اوہ پرانے ڈھولے ہن وی یاد ہئن۔ کناں بندیاں دے ڈھولے، یوسف زلیخاں دے ڈھولے، سسی دے ڈھولے دے علاوہ راٹھاں دے ڈھولیاں اچ جپیاں، ہیراں سپراواں، گکھڑاں، کھرلاں تے سیالاں وغیرہ دے ڈھولے بڑے مقبول ہئن۔