کرسچن بیل

کرسچن بیل
(انگریزی میں: Christian Charles Philip Bale)
معلومات شخصیت
پیدائشی نام	(انگریزی میں: Christian Charles Philip Bale)
پیدائش	30 جنوری 1974ء (51 سال)  ہاویرفورڈویست
رہائش	سانٹا مونیکا
شہریت	مملکت متحدہ ریاستہائے متحدہ امریکا
قد	1.83 میٹر
تعداد اولاد	2
عملی زندگی
پیشہ	اداکار ،  فلم اداکار ،  صوتی اداکار ،  کریکٹر اداکار ،  فلم ساز ،  ٹیلی ویژن اداکار
مادری زبان	برطانوی انگریزی
پیشہ ورانہ زبان	ہسپانوی ،  انگریزی
اعزازات
اکیڈمی ایوارڈ برائے بہترین معاون اداکار (برائے:The Fighter ) (2011)
نامزدگیاں
اکیڈمی ایوارڈ برائے بہترین اداکار   (2019)  اکیڈمی ایوارڈ برائے بہترین معاون اداکار (2016) اکیڈمی ایوارڈ برائے بہترین اداکار   (2014)  اکیڈمی ایوارڈ برائے بہترین معاون اداکار (2011)
دستخط
	IMDB پر صفحات

کرسچن چارلس فِلِپ بیل (پیدائش: 30 جنوری 1974ء) معروف انگریز اداکار ہیں۔ وہ اپنی ہمہ جہتی اور کرداروں کے لیے جسمانی تبدیلیوں کی وجہ سے مشہور ہیں اور کئی اصناف کی فلموں میں مرکزی کردار ادا کر چکے ہیں۔ ان کے اعزازات میں ایک اکیڈمی ایوارڈ اور دو گولڈن گلوب ایوارڈ شامل ہیں، اس کے علاوہ چار بار برٹش اکیڈمی فلم ایوارڈ کے لیے نامزد بھی ہوئے۔ 2014ء میں فوربز میگزین نے انھیں سب سے زیادہ معاوضہ لینے والے اداکاروں میں شمار کیا۔

سر زِمین ویلزستان میں انگریز والدین کے گھر پیدا ہونے والے کرسچن بیل کو 13 برس کی عمر میں اسٹیون اسپیلبرگ کی 1987ء کی جنگی فلم ایمپائر آف دی سَن میں پہلا بڑا کردار ملا۔ ایک دہائی سے زائد عرصے تک فلموں میں مختلف کردار ادا کرنے کے بعد انھیں عالمی شہرت ملی جب انھوں نے بلیک کامیڈی امریکن سائیکو (2000ء) میں قاتل پیٹرک بیٹ مین کا کردار اور تھرلر دی مشینسٹ (2004ء) میں مرکزی کردار نبھایا۔ انھوں نے کرسٹوفر نولان کی ڈارک نائٹ (2005ء–2012ء) میں سپر ہیرو ’بیٹ مین‘ کا کردار بھی ادا کیا، جو تاریخ کی سب سے زیادہ آمدنی کرنے والی فلمی سیریز میں سے ایک ہے۔

بیٹ مین کے علاوہ کرسچن نے متعدد نمایاں فلموں میں کام کیا، جن میں نولان کی سائنس فکشن فلم دی پریسٹیج (2006ء)، ایکشن فلم ٹرمینیٹر سیلویشن (2009ء)، جرائم پر مبنی ڈرامائی فلم پبلک انیمیز (2009ء) اور رزمیہ فلم ایگزوڈس: گاڈز اینڈ کِنگز (2014ء) شامل ہیں۔ ڈیوڈ او رسل کی سوانحی فلم دی فائٹر (2010ء) میں باکسر ڈِکی ایکلنڈ کا کردار ادا کرنے پر انھیں بہترین معاون اداکار کا اکیڈمی ایوارڈ ملا۔ مزید اکیڈمی ایوارڈوں کے لیے ان کی نامزدگیاں امریکن ہسل (2013ء)، دی بگ شارٹ (2015ء) اور وائس (2018ء) میں اداکاری پر ہوئیں۔ وائس میں سیاست دان ڈک چینی کا کردار ادا کرنے پر انھوں نے دوسرا گولڈن گلوب ایوارڈ اپنے نام کیا۔ اس کے بعد انھوں نے کھیلوں پر مبنی ڈرامائی فلم فورڈ ورسس فراری (2019ء) میں کین مائلز کا کردار اور سپر ہیرو فلم تھور: لو اینڈ تھنڈر (2022ء) میں ولن گور دی گاڈ بچر کا کردار نبھایا۔