کنہیا لال مانک لال منشی

کنہیا لال مانک لال منشی
(گجراتی میں: ક. મા. મુનશી)
معلومات شخصیت
پیدائش	30 دسمبر 1887ء   بھروچ
وفات	8 فروری 1971ء (84 سال)  ممبئی
شہریت	برطانوی ہند (–14 اگست 1947) ڈومنین بھارت (15 اگست 1947–26 جنوری 1950) بھارت (26 جنوری 1950–)
جماعت	انڈین نیشنل کانگریس (–1959) سواتنتر پارٹی
مناصب
رکن مجلس دستور ساز بھارت
برسر عہدہ 6 جولا‎ئی 1946  – 24 جنوری 1950
رکن ہندوستان کی دستور ساز اسمبلی کے ضابطوں کے لیے کمیٹی
برسر عہدہ 11 دسمبر 1946  – 23 دسمبر 1946
رکن ہندوستان کی دستور ساز اسمبلی کی اسٹیئرنگ کمیٹی
آغاز منصب 21 جنوری 1947
گورنر اتر پردیش (2  )
برسر عہدہ 2 جون 1952  – 9 جون 1957
وی وی گیری
عملی زندگی
مادر علمی	مہاراجہ سیا جی راؤ یونیورسٹی آف بڑودہ
استاذ	اروند گھوش
پیشہ	وکیل ،  مصنف ،  صحافی ،  سیاست دان ،  حریت پسند
پیشہ ورانہ زبان	گجراتی ،  انگریزی
	IMDB پر صفحات
باب ادب

کنہیا لال مانک لال منشی المعروف کے ایم منشی (30 دسمبر 1887ء – 8 فروری 1971ء) ہندوستانی تحریک آزادی کے کارکن، سیاست دان، مصنف اور ماہر تعلیم تھے۔

سوانح

کنہیا لال منشی کا مقامِ پیدائش بھروچ ہے۔ ممبئی میں ایک جونیئر ایڈوکیٹ کی حیثیت سے کام شروع کیا اور رفتہ رفتہ اپنی بے پناہ صلاحیت و ذہانت سے ملک کی تہذیبی، ادبی و سیاسی زندگی میں اعلیٰ عہدے حاصل کیے۔ ابتدا میں منشی گجراتی رسالہ "نوجیون" اور انگریزی "ینگ انڈیا" کے شریک مدیر رہے جو بعد میں موہن داس گاندھی کی ادارت میں چلے گئے۔ اسی زمانے میں انھوں نے ادبی اور تہذیبی کاموں کے لیے ممبئی میں "گجراتی ساہتیہ سمر" اور "بھارتیہ ودیا بھون" کی بنیاد رکھی۔

کے۔ ایم منشی نے پنڈت یگ کی روایات سے اپنا رشتہ توڑ کر ادب کے میدان میں ایک انقلابی دور کا آغاز کیا۔ انھوں نے متعدد ناول، کہانیاں اور ڈرامے لکھے۔ ڈراموں میں اپنے تیکھے تیز اور چبھتے ہوئے مکالموں اور پلاٹ کی دلچسپ ترتیب کے لیے مشہور ہیں۔ ان میں ایک طرح کا لطیف اور رومانی اتار چڑھاؤ ملتا ہے۔ ان کا قلم زبان جو حسن، تخلیقی قوت اور تازگی عطا کرتا ہے اسی کمال نے انھیں گجراتی زبان کا عظیم ادیب بنا دیا۔ ناول کے میدان میں ان کا کارنامہ سب سے زیادہ شاندار ہے۔ ان کے سہ رخی ناول ”پتنی پربھوما“، ”گجراتنو ناتھ“، ”رام ادھیراج“ نے ناول کی صنف میں ایک نیا ادبی معیار قائم کیا۔ انھوں نے افسانے لکھے ہیں۔ یہ افسانے ”گاری کملا انے بی جی واتو“ کے نام سے یکجا کر کے شائع کیے گئے ہیں۔ منشی اعلیٰ درجہ کے نقاد بھی تھے۔ چنانچہ ان کے نثری مضامین کے بھی کئی مجموعے ہیں۔ دو سوانح عمریاں ”نرماد“ اور ”نرسائیو“ کے عنوان سے قلم بند کیں۔ خود ان کی آپ بیتی چار جلدوں پر مشتمل ہے۔ ان بے شمار اور مختلف النوع تصانیف کے باوجود کی۔ کے ایم منشی کا نام ناول نویس کی حیثیت سے ہی بلند ہے۔ ان کا کارنامہ یہ ہے کہ انھوں نے اپنے منفرد انداz سے گجراتی تخلیقی ادب کو نیا لہجہ اور نئی تکنیک دی۔

تخلیقات

• پرتھوی ولبھ، تاریخی
• سومناتھ، تاریخی
• لومہ ہرشتنی، پرانک ناول
• بھگوان پرشورام، پرانک ناول
• کرشن اوتار، پرانک ناول
• ویرنی وسولت، سماجی ناول
• سوَپن دِرشٹا، سماجی ناول
• تپسونی، سماجی ناول
• کاکانی ششی
• گرہست
• پروفیسر
• برہماچاریہ شرما
• دھرو سوامنی دیوی