کپتان (فلم)

آزاد دائرۃ المعارف، ویکیپیڈیا سے
Jump to navigation Jump to search
کپتان
ہدایت کار فیصل امان خان
پروڈیوسر فیصل امان خان
فرمان علی
منظر نویس نوید اکبر
کہانی فیصل امان خان
ستارے عبدالمنان
سعیدہ امتیاز
نوید اکبر
عثمان اسلم
موسیقی فرحان ضمیر
سنیماگرافی AvidDuo (فرخ، یشل)
تقسیم کار Aye Tee Concepts
تاریخ اشاعت
2013ء
ملک پاکستان
زبان اردو

کپتان پاکستانی سیاست دان عمران خان پر بننے والی پاکستانی فلم ہے یہ فلم سابق پاکستانی کرکٹ کھلاڑی اور حالیہ پرجوش سیاست دان، تحریک انصاف کے سربراہ و بانی اور پاکستان کے وزیر اعظم عمران خان نیازی کی جد و جہد پر پاکستانی فلم ساز کی طرف سے بنائی گئی ہے۔ فلم کا عنوان اردو کے لفظ کپتان پر مبنی ہے جس کا انگریزی متبادل Captain ہے۔ فلم کپتان ایک سفر ہے جس میں کرکٹ کے میدان سے سیاست تک کی روداد فلمائی گئی ہے۔ ایک ایسے نوجوان کی روداد جسے نہ موت کا خوف ہے اور نہ ہی ہار کا ڈر۔

خاکہ[ترمیم]

کہانی کی شروعات، 1992ء میں پاکستان کے لیے عالمی انعام جیتنے کے بعداپنی والدہ کی یاد سے منسوب ایک کینسر ہسپتال بہ نام شوکت خانم کینسر ہسپتال بنانے کے عمران خان کے اعلان سے ہوتی ہے۔ فلم میں عمران خان کے یونیورسٹی آف بریڈ فورڈ کے پہلے ناظم سے لے کر نمل یونیورسٹی کے بانی ہونے تک کے جدو جہد کو بھی دکھایا گیا ہے۔

کردار[ترمیم]

تاثرات[ترمیم]

فلم میں کام کرنے والے فنکاروں نے اس فلم سے متعلق اپنی دلچسپی و آرا کا اظہار مختلف ذرائع ابلاغ پر کیا۔

سعیدہ امتیاز[ترمیم]

"میں عمران خان اور جمائما خان پر بننے والی فلم ”کپتان“ میں کام کر رہی ہوں۔ میں جمائما اور میرے ساتھ عبد المنان بٹ نے عمران خان کا کردار نبھایا ہے۔ لالی ووڈ سے اس فلم کی آفر آئی تو میں ہچکچاہٹ کا شکار تھی، جب اس فلم کی اسکرپٹ پڑھی اور ڈائریکٹر سے ملاقات ہوئی تو پھر اس فلم کے لیے راضی ہو گئی۔

میرا ساتھی اداکار عبد المنان بہت منکسرالمزاج ہے، ہم نے ریکارڈنگ سے قبل اس فلم کی چھ ماہ ریہر سل کی ہے۔ لالی ووڈ میں نئے لوگوں کو موقع دینا چاہئے، ویسے اب ٹرینڈ تبدیل ہو رہا ہے، اچھی فلمیں بن رہی ہیں، شاہد آفریدی پر بھی ایک فلم بن رہی ہے۔ انہوں نے بتایا کہ اس فلم کی تیاری کے دوران بہت سے مسائل ہوئے لیکن مزا بھی بہت آیا۔[1]

عبد المنان بٹ[ترمیم]

”فلم ”کپتان“ کا ہر لمحہ انجوائے کیا، خربوزے کو دیکھ کر خربوزے پر کچھ رنگ تو چڑھ ہی جاتا ہے، میں نے بھی عمران خان کے بارے میں اتنی ریسرچ کی ہے کہ اب میرے انداز میں ان کا انداز نمایاں ہوتا ہے۔ میں نے ایک ریئلٹی شو میں کام کیا ہے، ”کپتان“ میری پہلی فلم ہے،موقع ملا تو بالی ووڈ میں بھی کام کروں گا۔

میرے لیے آڈیشن بہت مشکل تھا، ابتدا میں تومیں سنجیدہ نہیں تھا، آڈیشن دینے گیا تو انہوں نے کہا کہ آپ صرف اپنے چہرے مہرے سے ہی نہیں،گیٹ اپ سے بھی عمران خان لگنے چاہئیں، میں نے پھر عمران خان کی طرح شلوار قمیص اور کوٹ پہنا، پھر گیا تو انہوں نے کہا کہ اب بھی تیاری کر کے آئیں، پھر میں نے عمران خان کی مختلف ویڈیو دیکھیں، ان کی تقریریں سنیں، پھر ان جیسا انداز نشست و برخاست اپنایا، ان جیسا بولنے کی کوشش کی، اس کے بعد آڈیشن میں کامیاب ہوا اور پھر واقعی میں نے بھی بہت انجوائے کیا۔ عمران خان سے ملاقات بھی کی ہے اور ان جیسا بننے کے لیے میں نے ایک پورا دن ان کے ساتھ گزارا تھا۔[1]

حالات و واقعات[ترمیم]

تنازع[ترمیم]

فلم کا موضوع کسی حد تک سیاسی بھی ہے جس کی وجہ سے فلم کے اداکاروں کو ہراساں کرنے اور دھمکی کے واقعات بھی سامنے آئے ہيں۔[2][3]

پی ٹی آئی کی حمایت[ترمیم]

پاکستان تحریک انصاف کی طرف سے اس فلم کی حمایت نظریاتی طور پر کی گئی جس پر سب سے ضروری یہ سوال اٹھتا ہے کہ کیا پی ٹی آئی اس فلم کی اعانت بھی کر رہی ہے؟

جس پر پی ٹی آئی سیکرٹری اطلاعات شفقت محمود نے ان باتوں کو بے بنیاد قرار دیتے ہوئے بتایا کہ پی ٹی آئی کی طرف سے اس فلم کے فلمسازوں کو کوئی فنڈ فراہم نہیں کیا گیا۔[4]

نغمے[ترمیم]

فلم کا پہلا نغمہ 14 جولائی، 2011ء کو "اللہ ہو" کے نام سے جاری کیا گیا جو گلوکار نصرت فتح علی خان کے مشہور قوالی پر مبنی ہے۔ فلم کی موسیقی ترتیب دی ہے فرحان ضمیر نے، نغمات لکھے ہيں سدرہ خالد نے اور گلوکار ہیں عباس علی خان۔

کپتان (Original Motion Picture Soundtrack)
Soundtrack album آواز: فرحان ضمیر
ریلیز 31 اکتوبر 2013ء (2013ء-10-31)[5]
ریکارڈ شدہ 2011–2012
Hummingbird Studio، دبئی
صنف Feature film soundtrack, world music, western classical music
طوالت 39:51
لیبل F & A Productions
پروڈیوسر فرحان ضمیر
نمبر شمارعنوانArtist(s)طوالت
1."The Great Khan (Intro)"فرحان ضمیر2:13
2."اللہ ھو"فرحان ضمیر6:37
3."Meri Jaan Pakistan"Rakae Jamil, Tehseen W. Chishty3:56
4."میرے ہم سفر"Abbas Ali Khan, فرحان ضمیر2:32
5."کپتان (The Legend)" (Instrumental)فرحان ضمیر2:36
6."ذکر"Kashif Naveed, Khadim Hussain, فرحان ضمیر4:44
7."Maa"فرحان ضمیر2:04
8."گم شدہ وطن" (Instrumental)فرحان ضمیر2:10
9."یاد پیا کی"Naqqi Ali Khan6:16
10."The Revolution" (Instrumental)Farhan Zameer1:59
11."ذکر (ورژن 2)"Abbas Ali Khan, فرحان ضمیر, Rakae Jamil2:10

حوالہ جات[ترمیم]

  1. ^ ا ب "عمران اور جمائما پر بننے والی فلم "کپتان"نوجوان ضرور دیکھیں، سعیدہ امتیاز"۔ جنگ۔
  2. [کھرل] (پير 8 اکتوبر 2012)۔ "فلم "کپتان"کے مرکزی کرداروں کو قتل کی دھمکیاں" (ای پیپر)۔ ایکسپریس۔ کراچی: ایکسپریسس اردو۔ Unknown parameter |seperator= ignored (معاونت); Check |author-link1= value (معاونت); Check date values in: |date= (معاونت)
  3. "فلم" کپتان" کے ہیرو عبدالمنان، ہیروئن سعیدہ امتیاز کو قتل کی دھمکیاں" (آن لائن)۔ روزنامہ پاکستان۔ کراچی۔ 11 ستمبر 2012۔ Unknown parameter |seperator= ignored (معاونت)
  4. فیصل (Jan 10th, 2013)۔ "First Look of "Kaptaan" The Movie"۔ Lollywood Cafe۔ Unknown parameter |trans_title= ignored (معاونت); Check date values in: |publication-date= (معاونت)
  5. "Kaptaan's Soundtrack"۔ 30 اکتوبر 2013۔ مورخہ 7 جنوری 2019 کو اصل سے آرکائیو شدہ۔ اخذ شدہ بتاریخ 31 اکتوبر 2013۔

بیرونی روابط[ترمیم]

کپتان (فلم) انٹرنیٹ مووی ڈیٹابیس (IMDb) پر