کھکھہ راجپوت

آزاد دائرۃ المعارف، ویکیپیڈیا سے
Jump to navigation Jump to search


کھکھہ راجپوت کشمیر پاکستان و بھارت میں آباد ایک ذی حیثیت قبیلہ ہے۔ یہ قبیلہ اپنی عظیم تاریخی روایات کا حامل ہے اور اپنے موروث اعلی کے نام کی مناسبت سے کھکھہ راجپوت کہلاتا ہے۔

کھکھہ خاندان نے جنجوعہ راجپوت سے جنم لیا جن کا جدامجد مہا بھارت کے پانڈو خاندان سے تھا اس کا نام مہاراجا جنمے جایا تھا۔ جنمے جایا کا شجرہ ارجن سے جا ملتا ہے۔ راجا جنمے جایا کے خاندان سے رائے دھروپت دیو جنم لیا اور اس کا ایک بیٹا تھا جس کا نام رائے اجمل جنجوعہ تھا۔

رائے اجمل اپنی جوانی میں بارہویں صدی عیسوی میں شہاب الدین غوری سے متاثر ہو کر دائرہ اسلام میں داخل ہوا اور اپنا نام رائے کی جگہ راجا سے تبدیل کر دیا۔ راجا اجمل جنجوعہ نے رقصِ شاہی کی ملازمت سے منسلک ایک عورت سے شادی کی جس کی اولاد میں سے رائے مل یا راجا مل خان پیدا ہوا جس نے کوہستان نمک کی کان سے باقاعدہ تجارت کا آغاز کیا ۔

راجا مل خان کے پانچ فرزند ہوئے جن میں راجا تنولی، راجا جودھ، راجا کھکھا، راجا بھیر اور راجا کالا خان پیدا ہوئے۔ جنھوں نے کاروبار کے بالترتیب امب (موجودہ کے پی کے)، جہلم، نیلم ( آزاد کشمیر)، چکوال اور کہوٹہ میں سکونت اختیار کی۔ بعد ازاں ان میں سے دیگر اپنی اولاد اور ہمراہوں کے اثر و رسوخ سے کچھ حد تک اپنی اجارہ داری قائم کرنے میں بھی کامیاب رہے۔


[[زمرہ:پاکستان کے معاشرتی گروہ]سانچہ:تاریخ اقوام کشمیر