گلیڈی ایٹر (فلم)

گلیڈی ایٹر
(انگریزی میں: Gladiator)
عمومی معلومات
صنف	تلوار اور سینڈل فلم ،  میلو ڈراما ،  ایکشن فلم ،  ڈراما ،  مہم جویانہ فلم ،  رزمیہ فلم ،  تاریخی فلم  ‏
موضوع	انتقام ،  گلیڈی ایٹر ،  مارکوس اوریلیوس ،  کومودوس
تاریخ نمائش	5 مئی 2000 (ریاستہائے متحدہ امریکا ) 25 مئی 2000 (جرمنی ) 19 مئی 2000 (سویڈن ) 19 مئی 2023 (متحدہ عرب امارات )
دورانیہ	155 منٹ
ملک	مملکت متحدہ ریاستہائے متحدہ امریکا
زبان	انگریزی
عکس بندی کے مقامات	مالطہ ،  المغرب
عملہ
ہدایت کار	رڈلی اسکاٹ
فلم ساز	ڈگلس وک ،  ڈیوڈ فرانزونی ،  برانکو لوسٹگ
پروڈکشن ڈیزائنر	آرتھر میکس
آؤٹ لیٹ پروڈکٹ	رڈلی اسکاٹ
منظر نامہ	جون لوگان ‏ ولیم نکلسن ‏ ڈیوڈ فرانزونی
اداکار	رسل کرو ،  جیکوئن فینکس ،  کونی نیلسن ،  رچرڈ ہیرس ،  اولیور ریڈ ‏ ،  جیمون ہونسو ،  ڈیرک جاقوبی ‏ ،  ٹامس ارانا ،  اسپینسر ٹریٹ کلارک ،  جیانینا فاشیو ،  ٹونی کران ‏
موسيقى	ہانس زمر ،  جیون گیسپریان
فلمی صنعت
عکس بندی	جون میتھیسن ‏
فلم مدیر	پیٹرو اسکالیا
اسٹوڈیو	یونیورسل سٹوڈیوز ڈریم ورکس اسکاٹ فری پروڈکشنز مل فلم ‏
تقسیم کنندہ	ڈریم ورکس ،  یو آئی پی-ڈونا فلم ‏
بجٹ	103000000 امریکی ڈالر
آمدنی
460,583,960 امریکی ڈالر (دنیا بھر میں )
اعزازات
آسکر اعزاز برائے بہترین فلم (الفائز:ڈگلس وک ، ڈیوڈ فرانزونی اور برانکو لوسٹگ ) (2001)  اکیڈمی ایوارڈ برائے بہترین بصری اثرات (الفائز:جان نیلسن (بصری اثرات کے فنکار) ، نیل کوربولڈ ، ٹم برک (بصری اثرات کے نگران) اور روب ہاروی (خصوصی اثرات کے فنکار) ) (2001)  اکیڈمی ایوارڈ برائے بہترین کاسٹیوم ڈیزائن (الفائز:جانٹی یٹس ) (2001)  اکیڈمی ایوارڈ برائے بہترین صوتی مکسنگ (الفائز:اسکاٹ ملن ، باب بیمر اور Ken Weston ) (2001)  اکیڈمی ایوارڈ برائے بہترین اداکار (الفائز:رسل کرو ) (2001)  بافٹا اعزاز برائے بہترین فلم (الفائز:رڈلی اسکاٹ ) (2000)
۔۔۔ پر معلومات

2000ء میں نشر ہونے والی ایک رزمیہ فلم جس کے لیے ہدایات رڈلے اسکاٹ نے دیں جبکہ رسل کرو، جیکوئن فونیکس، کونی نیلسن، جیمون ہونسو، ڈیرک جیکبی اور رچرڈ ہیرس نے اپنی اداکاری کے جوہر دکھائے۔ کرو نے جنرل میکسیمس ڈیسیمس میریڈیس کا کردار ادا کیا جو جاہ طلب شہزادے کوموڈس (فونیکس) کے ہاتھوں قتل ہونے والے سلطنت روما کے شاہ مارکس اوریلیس کا دوست تھا۔ بعد ازاں پوری کہانی گرفتار اور پھر غلام بنائے جانے والے میکسیمس کے گرد گھومتی ہے کہ وہ کس طرح اکھاڑے کے غلام پہلوانوں (Gladiators) میں مقبولیت حاصل کرنے کے بعد اپنے اہل خانہ اور شاہ کے قتل کا بدلہ لیتا ہے اور ملک میں جمہوریت بحال کرتا ہے۔ فلم نے 73 ویں اکیڈمی ایوارڈز کی تقریب میں 5 اکیڈمی ایوارڈز جیتے جن میں بہترین فلم کا ایوارڈ بھی شامل تھا۔ فلم کے جنگی اور جذباتی مناظر نے بڑے پیمانے پر شائقین کی داد سمیٹی۔ اس فلم کی کامیابی نے ہی قدیم تاریخی رزمیہ فلموں کو دوبارہ عروج بخشا جس کے بعد ٹرائے، الیگزینڈر، 300 اور اسکاٹ کی ہی تیار کردہ کنگڈم آف ہیون منظر عام پر آئیں۔

پلاٹ

ہسپانیوی رومی میکسیمس ڈیسیمس میریڈیس 180م میں رومی فوج کو جرمن قبیلوں کے خلاف وندوبونا کے قریب فتح یابی دلا کر اپنے گھر لوٹنے کا ارادہ کرتا ہے۔ مارکس اوریلیس اسے بتاتا ہے کہ اس کا بیٹا کوموڈس حکومت کے لیے غیر لائق ہے۔ اور وہ اسے بادشاہ بنانا چاہتا تھا روم کو فساد اور کرپشن سے بچانے کے لیے۔ یہ جاننے کے بعد کوموڈس اپنے والد کا قتل کردیتا ہے۔

اور اس کے بعد اپنی بادشاہی کا اعلان کردیتا ہے اور میکسیمس سے اس کی وفاداری طلب کرتا ہے۔ مگر جنرل اس کا انکار کردیتا ہے۔ میکسیمس کو گرفتار کر لیا جاتا ہے۔ وہ وہاں سے بچ نکلتا ہے اور اپنے گھر کی طرف برق رفتاری سے جاتا ہے مگر وہاں اسے معلوم ہوتا ہے کہ اس کے اھل خانہ کو قتل کر دیا گیا ہے۔ اور اسے پکڑ لیا جاتا ہے اور گلیڈی ایٹر کی ٹریننگ کے لیے بیچ دیا جاتا ہے۔ اپنی فوجی ہربہ استعمال کرکے اسے مقامی کھیلوں کافی کامیابی ملتی ہے اور بھیڑ سے اسے کافی ستائش، ملتی ہے۔ اور اس کا مالک پروکسیمو اس سے کافی خوش ہوتا ہے اور اسے سلطنت روم میں مقابلہ کے لیے لے جاتا ہے۔ جہاں اس کی لڑائی کافی خطرناک اور مشہور گلیڈی ایٹرز سے ہوتی ہے جنھیں وہ ہرا کر بھیڑ کا محبوب بن جاتا ہے۔ اس کی اس شہرہ آفاق شہرت کو دیکھتے ہوئے کوموڈس اس سے ملنے جاتا ہے مگر وہاں اسے معلوم ہوتا ہے کہ دراصل وہ میکسیمس ہے جسے اسنے مارنے کی کوشش کی تھی۔ کوموڈس میکسیمس کو مارنے کی ہر ممکن کوشش کرتا ہے یہاں تک کہ ایک بار اس کا مقابلہ سب سے مشہور اور خطرناک گلیڈی ایٹر سے کرواتا ہے مگر میکسیمس اسے بھی مات دے دیتا ہے۔ آخرکار وہ اسے مارنے کے لیے خود میدان میں اترتا ہے اور مارا جاتا ہے۔ اور میکسیمس بھی فوت ہوجاتا ہے۔ اور آخر کی سین انتہائی دردناک ہوتی ہے۔