ہرمیس
| ہرمِیس | |
|---|---|
حدود، راستے، سیاح، تاجر، چور، اولمپِین پیغامبر، دانش و فریب، روحانی رہنما | |
 ہرمِیس کا مجسمہ (واتیکن میوزیم) | |
| ذاتی معلومات | |
| والدین | زِیَس اور مایا |
| بہن بھائی | (جزوی) اپالو، ارٹیمیس وغیرہ |
| رومی مساوی | مرکری |
ہرمس (انگریزی: Hermes؛ یونانی: Ἑρμῆς) قدیم یونانی مذہب اور یونانی اساطیر کا ایک اولمپوی معبود تھا جسے عام طور پر دیوتاؤں کا قاصد سمجھا جاتا ہے۔[1] اسے انسانوں کے قاصدوں، مسافروں، چوروں، [2] تاجروں اور عوامی تقریر کا محافظ بھی مانا جاتا ہے۔ وہ اپنے پرند جوتوں کی مدد سے فانی اور الہی دنیاؤں کے درمیان تیزی سے اور آزادی سے حرکت کر سکتا ہے۔ ہرمس "سائیکوپومپ" یا "روح کے رہنما" کا کردار ادا کرتا ہے — یعنی روحوں کو آخرت میں لے جانے والا۔ [1]:179,295[3]
نام
[ترمیم]نام ہرمیس (Ἑρμῆς) کی سب سے قدیم معلوم شکل میسینی یونانی میں hermāhās تھی، جسے لکیری بی رسم الخط میں اس طرح لکھا جاتا تھا: 𐀁𐀔𐁀 (ای۔ ما۔ ہا)۔[4]
ہرمیس کے نام کی دیگر قدیم صورتیں بھی ملتی ہیں، جن میں Ἑρμείας، Ἑρμάων، Ἑρμᾱν، Ἓρμαιος اور Ἓρμαιυος شامل ہیں۔[5] زیادہ تر محققین ہرمیس کے نام کو یونانی لفظ ἕρμα (یعنی "پتھروں کا ڈھیر") سے جوڑتے ہیں۔ اسی لفظ کی دیگر شکلیں جیسے ἕρμαξ ("پتھروں کا ڈھیر")، ἑρμαῖον ("تحفۂ ہرمیز") اور ἑρμαῖος بھی اسی معنی سے متعلق ہیں۔[5] لفظ ἕρμα کی اصل نامعلوم ہے اور خیال کیا جاتا ہے کہ یہ یونانی زبان سے پہلے کے قدیم دور سے تعلق رکھتا ہو۔ بعض ماہرین اسے یونانی الاصل نہیں سمجھتے اور اسے کسی غیر معروف قدیم زبان سے ماخوذ قرار دیتے ہیں۔[4] کچھ محققین نے ہرمیس کو قدیم ویدک کردار سراما کا ہم رشتہ مانا ہے اور دونوں کے درمیان اساطیری مشابہت کا تصور پیش کیا ہے۔ یہ خیال بھی ظاہر کیا گیا ہے کہ ہرمیس دراصل ایک قبل از یونانی دیوتا تھا، جس کی اصل عبادت اور اس کا بنیادی کردار پوری طرح واضح نہیں۔ ایک نظریے کے مطابق وہ ایک قدیم بین النہری سانپ دیوتا کی صورت سے وابستہ تھا، جو انسانوں اور دیوتاؤں کے درمیان رابطہ کار تصور ہوتا تھا اور سانپ اور عصا اس کی علامت سمجھے جاتے تھے۔[6] بعض محققین کے نزدیک ہرمیس کی بنیاد قدیم مصری دیوتا تحوت کے تصور پر رکھی گئی تھی۔ بعد کے یونانی اور رومی ادوار میں ہرمیس اور تحوت کو ایک دوسرے کے مساوی سمجھا جانے لگا، اگرچہ کچھ قدیم یونانی مفکر اس سے اختلاف کرتے تھے۔ یونان کے دور دراز علاقوں میں ہرمیس کی قدیم عبادت کا تعلق فطرت، چرواہوں، دیہاتی زندگی، جادو، فال گیری، قربانی اور مرئی و غیر مرئی جہانوں کے درمیان رابطے سے تھا۔
ایک مضبوط نظریے کے مطابق ہرمیس بنیادی طور پر دیوتا پان کی قدیم صورتوں میں سے ایک تھا، جو ہند۔ یورپی زمانے کے چرواہوں اور سرحدی نشانات کے محافظ دیوتا سے وابستہ تھا۔ اس نظریے کے مطابق ہرمیس کی وہ خصوصیات—جیسے راہ نمائی، سرحدوں کی حفاظت اور روحوں کی رہنمائی—بعد کے ادوار میں ابھریں۔ اسی قدیم دیوتا کی بکریوں، چرواہوں اور سفر سے وابستہ صفات سنسکرت کے کردار پشَن سے بھی مماثلت رکھتی ہیں۔ وقت گزرنے کے ساتھ ہرمیس نے پان کی کئی صفات اپنا لیں اور بعد کی روایات میں پان کو ہرمیس کا بیٹا بھی قرار دیا گیا۔
اساطیری کردار
[ترمیم]اساطیر میں، ہرمس دیوتاؤں کے سفیر اور قاصد کے طور پر کام کرتا ہے،[7] اور اکثر زیوس اور مایا کا بیٹا پیش کیا جاتا ہے۔ اسے "الہی چالباز" سمجھا جاتا ہے، [8] جس کے بارے میں ہومری ترانہ برائے ہرمس سب سے مشہور بیان پیش کرتا ہے۔[9]
ہرمس کی خصوصیات اور علامات میں ہرما، مرغی، کچھوا، بٹوا یا تھیلی، تالاریا (پرند جوتے) اور پرند ہیلمٹ یا سادہ پیٹاسوس، نیز کھجور کا درخت، بکری، [[4 (عدد)]، کئی قسم کی مچھلیاں اور اگر بتی شامل ہیں۔[10] تاہم، اس کی بنیادی علامت کیڈوسیس ہے، جو ایک پرند عصا ہے جس کے گرد دو سانپ بل کھائے ہوئے ہیں اور دوسرے دیوتاؤں کے مجسمے بنے ہوئے ہیں۔[11]
رومی اساطیر میں
[ترمیم]رومی اساطیر اور قدیم روم میں مذہب میں، ہرمس کی بہت سی خصوصیات مرکری سے تعلق رکھتی ہیں،[12] ایک نام جو لاطینی لفظ مرکس سے ماخوذ ہے، جس کا مطلب ہے "سامان تجارت" اور یہ لفظ "مرچنٹ" (تاجر) اور "کامرس" (تجارت) کی اصل ہے۔ [1]:178
حوالہ جات
[ترمیم]- ^ ا ب پ Barry B. Powell (2015)۔ Classical Myth (8th ایڈیشن)۔ Boston: Pearson۔ ص 177–190۔ ISBN:978-0-321-96704-6
- ↑ Burkert 1985، صفحہ 158
- ↑ Burkert 1985، صفحہ 157–158
- ^ ا ب
- ^ ا ب
- ↑
- ↑ Burkert, p. 158. Iris کا بھی الہی قاصد کا اسی طرح کا کردار ہے۔
- ↑ Burkert 1985، صفحہ 156
- ↑ Homer, 1–512, as cited in Powell, pp. 179–189.
- ↑ Austin, M. Hellenistic world from Alexander to the Roman conquest: a selection of ancient sources in translation. Cambridge University Press, 2006. p. 137.
- ↑ The Latin word cādūceus is an adaptation of the Greek κηρύκειον kērykeion, meaning "herald's wand (or staff)", deriving from κῆρυξ kēryx, meaning "messenger, herald, envoy". Liddell and Scott, Greek-English Lexicon; Stuart L. Tyson, "The Caduceus", The Scientific Monthly, 34.6 (1932:492–98), p. 493.
- ↑ Bullfinch's Mythology (1978), Crown Publishers, p. 926.