اردو ویکیپیڈیا
 | |
اسکرین شاٹ  | |
سائٹ کی قسم | انٹرنیٹ دائرۃ المعارف کا منصوبہ |
|---|---|
| دستیاب | اردو |
| صدر دفتر | |
| مالک | ویکیمیڈیا فاؤنڈیشن |
| بانی | اردو ویکیپیڈیا کے رضاکار |
| ویب سائٹ | ur.wikipedia.org |
| تجارتی | نہیں |
| اندراج | اختیاری |
| آغاز | 27 جنوری 2004 |
اردو ویکیپیڈیا آزاد دائرۃ المعارف ویکیپیڈیا کا اردو نسخہ ہے۔ جس کا آغاز 27 جنوری 2004ء کو ہوا۔[1][2] اپریل 2024 سے اردو ویکیپیڈیا میں 204,991 مضامین، 178,212 مندرج صارفین اور 14,200 فائلیں ہیں اور یہ 50واں بڑا ویکیپیڈیا ہے۔
تاریخ
ویکیپیڈیا کو جنوری 2001ء میں شروع کیا گیا تھا اور ایک کثیر اللّسانی دائرۃ المعارف کے طور پر مئی 2001ء میں متعارف کرایا گیا۔ دسمبر 2007ء تک تقریباً 92 لاکھ 50 ہزار مضامین 253 زبانوں میں ویکیپیڈیا کی زینت بن چکے تھے۔
اردو ميں ویکیپیڈیا کا آغاز پوری دنیا میں 27 جنوری 2004ء میں ہوا؛ اور پہلا با قاعدہ مضمون 5 مارچ 2004ء کو لکھا گیا۔ ابتدا میں ویکیپیڈیا کو اردو تحریر کے خط میں دشواری کا سامنا کرنا پڑا، لیکن اب یہ مسئلہ اب بڑی حد تک حل ہو چکا ہے؛ بعض معاملات ہنوز حل طلب ہیں۔ اردو کو فارسی-عربی خط میں تحریر کیا جاتا ہے، جو دائیں-سے-بائیں تحریر ہونے والا نظام ہے؛ جس کے نتیجے میں صارفین کو بعض اوقات اپنے آپریٹنگ سسٹم اور ویب براؤزروں کو اردو کے حساب سے ترتیب دینے کی ضرورت پیش آتی ہے۔
اس وقت اردو ویکیپیڈیا "اردو نسخ ایشیا ٹائپ" کا خط استعمال کرتا ہے، جس کو بی بی سی کی جانب سے بی بی سی کی اردو سروس کی ویب سائٹ پر متعارف کرایا گیا – اور مفت تقسیم کیا گیا۔[3] اس خط کو بنیادی طور پر مضامین کے سانچے اور سرخیوں کے لیے استعمال کیا جاتا ہے۔ نیوی گیشن لنکس کے لیے ٹائمز نیو رومن کا اردو تنوّع استعمال کیا جاتا ہے۔ یہ دونوں خطوط خطِ نسخ کی متنوّع اشکال ہیں۔
اس کے علاوہ پیچیدہ خطِ نستعلیق کی بعض پاکستانی متنوّع اشکال کو بھی معاونت صرف ثانوی انتخاب کے طور پر سی ایس ایس کی class زمرہ بندی میں فراہم کی جاتی ہے – یعنی کہ اگر مجوّزہ خط کلائنٹ سسٹم میں نہیں پایا جاتا ہے، تو خطِ نستعلیق کا استعمال کیا جاتا ہے۔
اردو میں ویکیپیڈیا انٹرفیس اور پراجیکٹ سے متعلّق معلومات کے صفحات کا ترجمہ ابھی بھی تکمیل کے مراحل میں ہے۔ تدوین کرنے سے متعلّق بعض صفحات کا ترجمہ ہو چکا ہے۔جس نے ہزاروں صارف شب و روز بہتری لانے میں مصروف ہے
سنگ میل
- 15 مارچ، 2007ء کو 5،000 مضامین مکمل ہوئے۔
- 12 نومبر، 2008ء کو 9،000 مضامین مکمل ہوئے۔
- 29 مارچ، 2009ء کو 10،000 مضامین مکمل ہوئے۔[4]
- 18 فروری، 2013ء کو 20،000 مضامین مکمل ہوئے۔
- 15 مارچ 2014ء کو 30،000 مضامین مکمل ہوئے۔
- 24 اپریل، 2014ء کو 50،000 مضامین مکمل ہوئے۔[5]
- دسمبر، 2014ء کو 60،000 مضامین مکمل ہوئے۔
- 12 اگست 2015ء کو 75،000 مضامین مکمل ہوئے۔
- 9 ستمبر 2015ء کو 80،000 مضامین مکمل ہوئے۔
- 29 دسمبر 2015ء کو 1،00،000 مضامین مکمل ہوئے۔[6]
مزید دیکھیے
حوالہ جات
- ↑ "کراچی میں وکی پیڈیا صارفین کا تاریخی اجلاس" (بزبان Urdu)۔ Karachi: Karachi Updates۔ October 19, 2009۔ April 30, 2014 میں اصل سے آرکائیو شدہ۔ اخذ شدہ بتاریخ 23 اکتوبر 2009
- ↑ "Wikipedians meetup in Pakistan" (بزبان Urdu)۔ Karachi: News Urdu۔ October 19, 2009۔ October 23, 2009 میں اصل سے آرکائیو شدہ۔ اخذ شدہ بتاریخ 23 اکتوبر 2009
- ↑ "BBC Urdu - صفحۂ اول"۔ Bbc.co.uk۔ 1970-01-01۔ اخذ شدہ بتاریخ 28 ستمبر 2013
- ↑ دس ہزاری ہدف کی تکمیل پر مبارکباد
- ↑ ویکیپیڈیا:پچاس ہزاری جشن
- ↑ ویکیپیڈیا:ایک لاکھ مضامین
بیرونی روابط
- اردو ویکیپیڈیا ٹویٹر پر
- (اردو میں) اردو ویکیپیڈیا
- (اردو میں) اردو ویکیپیڈیا نسخہ محمول