امرت کور

راج کماری امرت کور
(انگریزی میں: Amrit Kaur)،(ہندی میں: राजकुमारी अमृत कौर)
معلومات شخصیت
پیدائش	2 فروری 1889(1889-02-02) لکھنؤ، Lucknow division، صوبجات متحدہ (اب اترپردیش میں)، بھارت
وفات	6 فروری 1964(1964-20-60) (عمر  75 سال) نئی دہلی، بھارت
شہریت	برطانوی ہند (–14 اگست 1947) ڈومنین بھارت (15 اگست 1947–26 جنوری 1950) بھارت (26 جنوری 1950–)
جماعت	انڈین نیشنل کانگریس
رکنیت	نیشنل فلیگ پریزنٹیشن کمیٹی
مناصب
رکن مجلس دستور ساز بھارت
برسر عہدہ 21 دسمبر 1946  – 24 جنوری 1950
رکن پہلی لوک سبھا
برسر عہدہ 17 اپریل 1952  – 4 اپریل 1957
عملی زندگی
مادر علمی	جامعہ اوکسفرڈ
پیشہ	سیاست دان،  فعالیت پسند،  حریت پسند
پیشہ ورانہ زبان	گجراتی،  ہندی
تنظیم	St John Ambulance, Tuberculosis Association, Indian Red Cross, آل انڈیا انسٹیوٹ آف میڈیکل سائنسز
تحریک	تحریک آزادی ہند

راج کماری امرت کور (2 فروری 1889ء — 6 فروری 1964ء) بھارت کی پہلی وزیر صحت تھیں اور دس برس اس منصب پر فائز رہیں۔ وہ ایک معروف مجاہدہ آزادی اور سماجی خدمت گار تھیں۔ نیز وہ اس مجلس کی رکن بھی تھیں جسے آئین ہند کی تشکیل و ترتیب کی ذمہ داری سونپی گئی تھی۔

ابتدائی زندگی

امرت کور 2 فروری 1889ء کو لکھنؤ، اترپردیش میں پیدا ہوئیں۔ امرت اور ان کے سات بھائی راجا ہرنام سنگھ کی اولاد تھے جو کپورتھلہ ریاست کے رکن تھے۔ امرت کی والدہ رانی ہرنام سنگھ بنگالی پریسبٹیرین ماں اور انگلیکان باپ کی بیٹی تھی۔

ان کی ابتدائی تعلیم شیربورن اسکول برائے طالبات، ڈورسیٹ انگلینڈ میں اور اعلی تعلیم اوکسفرڈ یونیورسٹی میں ہوئی۔ انگلستان میں اپنی تعلیم مکمل کرنے کے بعد وہ ہندوستان واپس آگئی۔

بھارتی تحریک آزادی میں شرکت

امرت کور کے والد راجا ہرنام سنگھ بہت سے کانگریسی رہنماﺅں بشمول گوپال کرشن گوکھلے کے معتمد تھے۔ اپنے والد کے گھر ان کانگریسی رہنماﺅں کی آمد و رفت سے امرت کو بھی اس جنگ آزادی سے دلچسپی پیدا ہونے لگی۔ 1919ء میں بمبئی میں امرت کور گاندھی جی سے ملیں اور ان کے افکار و نظریات اور ملک کے تئیں ان کے نقطہ نظر سے خاصی متاثر ہوئیں۔

اسی سال برطانوی سپاہیوں کے ہاتھوں جلیانوالہ باغ کے قتل عام نے انھیں قائل کر لیا کہ برطانوی راج سے خلاصی ناگزیر ہو گئی ہے۔ چنانچہ وہ کانگریس میں شامل ہو گئیں اور جنگ آزادی میں سرگرمی سے حصہ لیا۔ سنہ 1930ء میں ڈانڈی مارچ میں شریک ہونے کی پاداش میں انھیں جیل میں ڈال دیا گیا۔

سنہ 1927ء میں امرت کور آل انڈیا ویمن کانفرنس کے قیام میں شریک رہیں، 1930ء میں اس کی معتمد اور 1933ء میں صدر بنیں۔ وہ 1934ء میں مہاتما گاندھی کے آشرم میں منتقل ہوئی، اشرافیہ پس منظر رکھنے کے باوجود یہاں ان کی زندگی انتہائی سادہ تھی۔ گاندھی کے معتمد کے طور پر انھوں نے 16 برس خدمات انجام دیں۔

وفات

امرت کور 6 فروری 1964ء کو نئی دہلی میں وفات پائی۔ ان کے نجی دستاویز تین مورتی ہاؤز، دہلی میں واقع نہرو میموریل میوزیم اینڈ لائبریری کے آرکائیو میں موجود ہیں۔

بیرونی روابط

• Rajkumari Amrit Kaur
• The Tribune, Chandigarh