بھارت کی سرکاری زبانیں

بھارت کی ریاستیں اور یونین علاقے، عمومی طور پر اکثریت کے ساتھ بولی جانے والی زبانیں.

بھارت کی کوئی قومی زبان نہیں ہے۔ آئین ہند کی دفعہ 17 کے تحت مرکزی حکومت ہند کی سرکاری زبان ہندی ہے۔ اور کام کاج کی زبان انگریزی ہے۔ دفعہ 343 شق 1 میں درج ہے “یونین کی سرکاری زبان دیوناگری رسم الخط میں ہندی ہوگی، یونین کی سرکاری اغراض کے لیے استعمال کیے جانے والے ہندسوں کی شکل بھارتی ہندسوں کی بین الاقوامی شکل ہوگی۔ انگریزی بھارت کی دفتری زبان ہے جیسے عدالت، یونین اور صوبائی حکومتوں کے درمیان میں بات چیت وغیرہ۔ بھارت کی ریاستوں کو اپنی خود کی زبان چننے کا آئینی اختیار ہے۔ سرکاری زبان کے علاوہ آئین میں 22 علاقائی زبانیں بھی ہیں اور اس فہرست میں ہندی تو ہے مگر انگریزی نہیں ہے۔ انھیں فہرست بند زبانیں کہا جاتا ہے۔ ہندی زبان کے بولنے والے آبادی کا کل 25 فیصد ہیں اور تام لہجات کو ملا دیا جائے جسے مرکزی ہندوستانی زبانیں کہا جاتا ہے تو کل تعداد 44 فیصد ہو جائے گی۔ ہندی یا اردو زبان بولنے والوں کی تعداد ان خطوں میں ہے جو اردو بیلٹ کے تحت آتے ہیں۔ دیگر زبانوں کے بولنے والے 10 فیصد یا اس سے کم ہیں۔

تاریخ

برطانوی راج میں سرکاری زبان انگریزی زبان،اردو اور ہندی زبان تھی۔ انگریزی کا استعمال مرکزی حکومت میں زیادہ تھا۔ 1950ء میں انگریزی کی جگہ ہندی کو لایا گیا مگر بھارتی پارلیمان کو آئینی اختیار دیا گیا کہ انگریزی کا استعمال برقرار رکھا جائے۔

فہرست بند زبانوں کی فہرست

زبان	ہند آریائی زبانیں	Speakers (in millions, 2011)	صوبوں کی سرکاری زبان
آسامی	مشرقی ہند آریائی	15.3	آسام، اروناچل پردیش
بنگالی	مشرقی ہند آریائی	97.2	مغربی بنگال، تریپورہ، آسام، جزائر انڈمان و نکوبار، جھارکھنڈ
بوڑو	تبتی برمی	1.48	آسام
ڈوگری	ہند آریائی شمار مغربی	2.6	جموں و کشمیر، ہماچل پردیش،
گجراتی	ہند آریائی مگربی	55.5	دادرا و نگر حویلی، دمن و دیو، گجرات
ہندی	ہند آریائی	528	جزائر انڈمان و نکوبار، بہار، دادرا و نگر حویلی، چھتیس گڑھ، دہلی، گجرات، ہریانہ، ہماچل پردیش، جھارکھنڈ، مدھیہ پردیش، جموں و کشمیر، میزورم، راجستھان، اتر پردیش، اتراکھنڈ اور مغربی بنگال
کنڑا	دراوڑی زبانیں	43.7	کرناٹک
کشمیری	ہند آریائی دادری	6.8	جموں و کشمیر
کوکنی	ہند آریائی جنوبی	2.25	مہاراشٹر، گوا، کرناٹک، کیرلا اور کوکن
میتھلی	ہند آریائی مشرقی	13.6	بہار، جھارکھنڈ
ملیالم	دراوڑی زبانیں	34.8	کیرلا، لکشادیپ، پدوچیری (ماہی)
منی پوری	تبتی برمی	1.8	منی پور
مراٹھی	ہند آریائی جنوبی	83	مہاراشٹر، گوا، دادرا و نگر حویلی، دمن و دیو
نیپالی	ہند آریائی شمالی	2.9	سکم اور مغربی بنگال
اڑیہ	ہند آریائی شمالی	37.5	اوڈیشا، جھارکھنڈ، مغربی بنگال
پنجابی	ہند آریائی شمال مغربی	33.1	چندی گڑھ، دہلی، ہریانہ، پنجاب، مغربی بنگال
سنسکرت	ہند آریائی	0.02	اتراکھنڈ
سنتالی	منڈا زبانیں	7.3	سنتھال قوم، جھارکھنڈ، آسام، بہار، چھتیس گڑھ، میزورم، اوڈیشا، تریپورہ، مغربی بنگال
سندھی	ہند آریائی زبانیں، شمال مغربی	2.7	صوبہ سندھ (1936ء–1955ء)، الہاس نگر
تمل	دراوڑی زبانیں	69	تمل ناڈو، پدوچیری، جزائر انڈمان و نکوبار
تیلگو	دراوڑی زبانیں	81.1	آندھرا پردیش، تلنگانہ اور پدوچیری
اردو	ہند آریائی مرکزی	50.7	جموں و کشمیر، آندھرا پردیش، تلنگانہ، جھارکھنڈ، دہلی، بہار، یوپی اور مغربی بنگال

یونین کی دفتری زبانیں

1950ء میں آئین ہند کی رو سے دیوناگری رسم الخط میں ہندی زبان کو دفتری زبان کا درجہ دے دیا گیا اور یہ قرار دیا گیا کہ اس کے بعد 15 سال بعد 26 جنوری 1965ء کو انگریزی زبان کا استعمال کم کیا جائے گا۔ مگر ان علاقوں میں مسائل کا سامنا کرنا پرا جہاں ہندی زیر استعمال نہیں ہے خصوصا دراوڑی زبانوں کے علاقہ میں۔ لہذا بھارتی پارلیمان نے 1963ء میں دفتری زبان ایکٹ، 1963ءمتعارف کرایا جس کی رو سے 1965ء کے بعد انگریزی کو بطور دفتری زبان استعمال کیا جائے گا۔ 1964ء میں انگریزی زبان کے مکمل خاتمے کی کوشش کی گئی مگر ، مہاراشٹر، تمل ناڈو، پنجاب، بھارت، مغربی بنگال، کرناٹک، پدوچیری، ناگالینڈ، میزورم اور آندھرا پردیش میں احتجاج ہونا شروع ہو گیا اور کہیں کہیں یہ احتجاج کشیدگی میں تبدیل ہو گیا اور تشدد کی شکل اختیار کرگیا۔ لہذا حکومت کو یہ اقدام روکنا پرا۔