ملکہ سبا

ملکہ سبا کی روانگی

نام بلقیس۔ یہ نام توریت سے لیا گیا ہے۔ قرآن شریف میں ان کا تذکرہ بغیر نام کے ہے۔حضرت سلیمان کی ہمعصر تھی اس کی قوم سورج کی پرستش کرتی تھی۔ حضرت سليمان علیہ السلام نے اس کو دین حق کی دعوت دی۔ اس نے سرداروں سے مشورہ کے بعد طے کیا کہ حضرت سلیمان کاامتحان لیا جائے۔ اگر وہ سچے پیغمبر ہوں تو اُن کا مذہب اختیار کیا جائے۔ چنانچہ جب اُس کو یقین ہوگیا کہ وہ حقیقت میں پیغمبر ہیں تو اس نے خود ان کے پاس جاکر ایمان لانے کا فیصلہ کیا۔ اس کے آنے سے پہلے حضرت سلیمان نے اُس کاتخت منگوالیا تھا۔ جس کو دیکھ کر اس کا اعتقاد اور بھی پختہ ہوگیا۔ اور وہ اپنی قوم سمیت ایمان لے آئی۔