الہند

  غرب الہند (ویسٹ انڈیز)

  ممالک بعض اوقات ویسٹ انڈیز میں شامل

  برصغیر

  شرق الہند (ایسٹ انڈیز)

  مغربی نیو گنی

جزائر شرق الہند

الہند یا انڈیز (Indies) یا شرق الہند یا ایسٹ انڈیز (East Indies) جنوبی ایشیا اور جنوب مشرقی ایشیا کی سر زمین کے لئے استعمال کی جانے والی ایک اصطلاح ہے، جس میں موجودہ بھارت, پاکستان, بنگلہ دیش, میانمار, نیپال, بھوٹان, سری لنکا, مالدیپ, زیادہ تر انڈونیشیا, تھائی لینڈ, کمبوڈیا, لاؤس, ویتنام, برونائی, سنگاپور, فلپائن, مشرقی تیمور, اور ملائشیا شامل ہیں۔ ایک زیادہ محدود معنوں میں انڈیز جنوب مشرقی ایشیا کے جزائر خاص کر مالے مجموعہ الجزائر کے لیے بھی استعمال کیا جا سکتا ہے۔

علاقے میں انڈونیشیا کی آزادی سے قبل ولندیزیوں کے اثر رسوخ سے نو آبادی کا قیام ہوا جسے ولندیزی شرق الہند کہا جاتا ہے۔ اسی طرح فلپائن کی آزادی سے قبل علاقے میں ایک نوآبادی ہسپانوی شرق الہند بھی قائم ہوئی۔ ایک تعریف کے مطابق شرق الہند میں ہندچین، جزائر فلپائن برونائی, سنگاپور اور مشرقی تیمور بھی شامل ہو سکتے ہیں، لیکن مغربی نیو گنی اس میں شامل نہیں کیونکہ وہ میلانیشیا کا حصہ ہے۔

مزید دیکھیے

• مالے مجموعہ الجزائر
• ولندیزی شرق الہند
• ہسپانوی شرق الہند
• غرب الہند