راجہ راؤ

راجہ راؤ
پیدائش	8 نومبر 1908(1908-11-08) ہاسن, میسور, بھارت
وفات	8 جولائی 2006(2006-70-08) (عمر  97 سال) آسٹن، ٹیکساس, امریکہ
پیشہ	Writer and professor
زبان	English, French, Kannada
مادر علمی	جامعہ عثمانیہ, مدراس یونیورسٹی, University of Montpellier, Sorbonne
دور	1938–1998
اصناف	ناول، مختصر کہانی، مضامین
نمایاں کام	Kanthapura (1938) The Serpent and the Rope (1960)
اہم اعزازات	ساہتہ اکیڈمی ایوارڈ (1964) پدم بھوشن (1969) Neustadt International Prize for Literature (1988) پدم وبھوشن (2007)
ویب سائٹ
www.therajaraoendowment.org
باب ادب

راجہ راؤ انگریزی زبان میں ناول اور مختصر کہانیاں لکھنے والی بھارتی مصنف تھے جہنوں نے ما بعد الطبیعیات پر لکھا ہے۔ اُنہیں 1964ء میں ساہتہ اکیڈمی ایوارڈ سے بھی نوازا گیا۔ اُنہوں نے مختلف انواع کے ادب میں کام کیا ہے۔ اُن کا بھارت میں انگریزی ادب میں بہت کام ہے۔

سرگزشت

ابتدائی زندگی

راجہ راؤ 8 نومبر 1908ء کو میسور کے شہر ہاسن میں سمارت سوتر براہمن خاندان میں پیدا ہوئے۔ وہ اپنے 9 بہن بھائیوں میں سب سے بڑے تھے۔ اُن کے سات بہنیں اور ایک بھائی تھا۔ اُن کے والد نظام کالج حیدرآباد، دکن میں کرناٹک کی مقامی زبان کنڑا زبان پڑھاتے تھے۔ جب وہ چار سال کے تھے تو اُن کی والدہ کا انتقال ہو گیا تھا۔

والدہ کے انتقال نے اُن پر بحثیت ناول نگار بہت اثر چھوڑا۔ والدہ کی کمی اور یتیمی اکثر اُن کی تحریروں کے موضوعات رہے ہیں۔ اُن کی زندگی پر اثرانداز ہونے والی ایک اور شخصیت اُن کے دادا تھے جن کے ساتھ وہ ہاسن میں رہے۔ اُنہوں نے ایک مسلم اسکول سے تعلیم حاصل کی۔ بعد ازاں اُنہوں نے نظام کالج اور جامعہ عثمانیہ سے احمد علی کے دوست بنے جو بعد میں پاکستان کے مصنف بنے۔ اُنہوں نے فرانسیسی زبان اور ادب سیکھنا شروع کیا۔ فارغ التحصیل ہونے کے بعد وہ مدراس یونیورسٹی چلے گئے اور انگریزی اور تاریخ کی تعلیم حاصل کی۔ پھر وہ جامعہ مونٹپیلر فرانس چلے گئے اور آئریش ادب پر ہندوستانی ادب کے اثرات کا مطالعہ کیا۔ اُنہوں نے فرانسیسی زبان پڑھانے والی کیملی مولی سے 1931ء میں شادی کی جو کہ صرف 1939ء تک چل سکی۔اپنی شادی کے ٹوٹنے کا ذکر اُنہوں نے اپنی ایک تحریر میں کیا۔ اُن کی پہلی تحریر فرانسیسی اور انگریزی میں شائع ہوئی۔ اِس دوران اُنہوں نے کنڑا میں چار مضامیں بھی لکھے۔

قومی ناول نگار

1939ء میں وہ بھارت واپس آگئے اور اقبال سنگھ کے ساتھ جدید بھارتی نظریات پر رام موہن رائے سے جواہر لعل نہرو تک پر کام کیا۔اُنہوں نے 1942ء کی ہندوستان چھوڑ دو تحریک میں بھی حصہ لیا۔ پھر اُنہوں نے احمد علی کے ساتھ ممبئی سے ایک جرنل ٹومارہ کے نام سے مرتب کیا۔ اُن کی قوم پرست تحریک کا اثر اُن کی پہلی دو کتابوں میں بھی ملتا ہے۔

آخری ایام

پھر وہ امریکہ منتقل ہو گئے اور جامعہ ٹیکساس، آسٹن میں 1966ء سے 1986ء تک فلاسفی کے پروفیسر رہے۔ 1965ء میں اُنہوں نے امریکی اداکارہ کیتھرین جونز سے شادی کی جس کا اختتام بھی طلاق پر ہوا۔ 1986ء میں اُنہوں نے سوزان ویگھٹ سے شادی کی جو کہ 1970 کی دہائی میں اُن کی اسٹوڈنٹ تھیں۔

8 جولائی 2006ء کو آسٹن ٹیکساس میں حرکت قلب بند ہو جانے سے اُن کا 97 سال کی عمر میں انتقال ہو گیا۔

اعزازات

• 1964ء ساہتہ اکیڈمی ایوارڈ
• 1969ء پدم بھوشن
• 1988ء Neustadt International Prize for Literature
• 2007ء پدم وبھوشن

بیرونی روابط

• Raja Rao Website, sponsored by the Raja Rao Publication Project at the University of Texas.
• سانچہ:Books and Writers
• The Literary Encyclopedia's article on Raja Rao.
• "Breathing India In America: A Tribute to Raja Rao" by Francis C. Assisi. (2006)
• "To Raja Rao", a 1969 English poem by Czeslaw Milosz.