جموں وکشمیر

ریاست
پرچم مہر
جموں و کشمیر کا محل وقوع
جموں و کشمیر کا نقشہ
متناسقات (سری نگر): 33.45°N 76.24°E / 33.45; 76.24
ملک	بھارت
پایہ تخت	سری نگر (موسم گرما) جموں (موسم سرما)
سب سے بڑا شہر	سری نگر
اضلاع	22
حکومت
• گورنر	ستیا پال ملک
• وزیر اعلیٰ	خالی
• مقننہ	دو ایوانیت
• پارلیمانی حلقہ	راجیہ سبھا (4) لوک سبھا (6)
• عدالت عالیہ	جموں و کشمیر ہائی کورٹ
رقبہ
• کل	222,236 کلومیٹر2 (85,806 میل مربع)
رقبہ درجہ	پانچواں
بلند ترین  پیمائش	7,672 میل (25,171 فٹ)
پست ترین  پیمائش	305 میل (1,001 فٹ)
آبادی (2011)
• کل	12,541,302
• درجہ	انیسواں
• کثافت	56/کلومیٹر2 (150/میل مربع)
منطقۂ وقت	بھارتی معیاری وقت (UTC+05:30)
آیزو 3166 رمز	آیزو 3166-2:IN
انسانی ترقیاتی اشاریہ	0.684 (اوسط)
انسانی ترقیاتی اشاریہ درجہ	سترہواں (2017)
شرح خواندگی	68.74 (تیسواں)
دفتری	اردو
دیگر زبانیں	کشمیری، ہندی، ڈوگری، پنجابی، پوٹھوہاری، گوجری، بلتی اور لداخی
ویب سائٹ	jk.gov.in

جموں و کشمیر (کشمیر یا بھارت کے زیر انتظام کشمیر) بھارت کی سب سے شمالی ریاست ہے جس کا بیشتر علاقہ ہمالیہ کے پہاڑی سلسلے پر پھیلا ہوا ہے۔ جموں و کشمیر کی سرحدیں جنوب میں ہماچل پردیش اور پنجاب، بھارت، مغرب میں پاکستان اور شمال اور مشرق میں چین سے ملتی ہیں۔ پاکستان میں جموں و کشمیر کو اکثر مقبوضہ کشمیر کے نام سے پکارا جاتا ہے۔

جموں و کشمیر تین حصوں جموں، وادی کشمیر اور لداخ میں منقسم ہے۔ سری نگر اس کا گرمائی اور جموں سرمائی دار الحکومت ہے۔ وادی کشمیر اپنے حسن کے باعث دنیا بھر میں مشہور ہے جبکہ مندروں کا شہر جموں ہزاروں ہندو زائرین کو اپنی جانب کھینچتا ہے۔ لداخ جسے "تبت صغیر" بھی کہا جاتا ہے، اپنی خوبصورتی اور بدھ ثقافت کے باعث جانا جاتا ہے۔ ریاست میں مسلمانوں کی اکثریت ہے تاہم ہندو، بدھ اور سکھ بھی بڑی تعداد میں رہتے ہیں۔

کشمیر دو جوہری طاقتوں پاکستان اور بھارت کے درمیان تنازعے کا باعث بنا ہوا ہے۔ پاکستان کا موقف ہے کہ مسلم اکثریتی ریاست ہونے کے باعث تقسیم ہند کے قانون کی رو سے یہ پاکستان کا حصہ ہے جبکہ بھارت اسے اپنا اٹوٹ انگ قرار دیتا ہے۔ علاقہ عالمی سطح پر متنازع قرار دیا گیا ہے۔بھارت کے آئین کے آرٹیکل 370 اور پاکستانی آئین کے آرٹیکل 257 کے تحت کشمیر آئینی طور پر کسی ملک کا حصہ نہیں۔

بھارت کے زیر انتظام کشمیر میں مسلمانوں کی اکثریت ہے جس میں وادی کشمیر میں مسلمان 95 فیصد، جموں میں 28 فیصد اور لداخ میں 44 فیصد ہیں۔ جموں میں ہندو 66 فیصد اور لداخ میں بدھ 50 فیصد کے ساتھ اکثریت میں ہیں۔

نگار خانہ

• 
• 
• 
• 
• 
• 
• 
•